مالي شهرين متزوجه....وحياتي نكد ....ماادري هل انا طول عمري فاهمه الحب خطأ ...ردو علي

اهلين فيكم
اخواتي انا لي بالمنتدى يمكن اربع اوثلاث سنوات ......نادر مااكتب هنا بس والله خلاااااص شوي واتجنن ......

انا بنت عاديه مثلي مثل اي بنت بعمري وبالزمن اللي اعيشه ......لما كنت بالثانوي وبعدها بالجامعه .....كنت احلم اني اذا تزوجت بعييش حياه مثاليه خاليه من المشاكل .........كنت احلم اني بالحب بااقدر احقق كل اللي ابغاه انا وزوجي ........تكون اهدافنا وحده ......ونخطو بالحياه خطوه خطوه الى مانحقق اللي نحلم فيه من متطلبات الحياه ........كل هذا والحب يظللنا ........ اي الحب كنت اشوف ومتأكده انه هو الاساس لنجاح اي علاقه زوجيه ....


....والحمدالله ربي وفقني بزوج فيه كل شئ تحلم فيه اي بنت ....وتزوجت زواج تقليدي عن طريق الاهل............زوج حنون وطيب واخلاقه طيبه .......

.
ويمكن جلسنا فتره الملكه ثلاث اشهر وبعدها تزوجت لكن صدمت ان الحب اللي اتكلم عنه وعشت طول عمري احلم فيه خطأ وماله وجود ........ومافي رومانسيه الابالافلام ولاغاني .......مين اللي شككني بمفاهيمي هو زوجي الفاضل .........وصدقوني انا عارفه ان حب الافلام والاغاني خيال .....


...لكن انا اتمنى شئ معقول ومن حقي .......مو من حقي اخرج مع زوجي السوق او نتعشى او حتى نتمشى ...

..الحين انا من المقرر اني اسكن بمدينه غير مدينه اهلي ولكن جاء لزوجي بعد الزواج بشهر انتداب في المدينه اللي يسكنها اهلي انتداب شهرين وطبيعي اننا نسكن عند اهلي هالشهرين طالما هم موفرين لنا كل الخصوصيه المهم زوجي ايش عمل ؟اول ماجينا حطني عند اهلي وراح لناس اقاربه "بيت جده" في مدينه مجاوره لمدينه اهلي وجلس تقريبا اربعه ايام تخيلوا عمله في مدينه اهلي اللي انا فيها ..........وهو يروح ويجي من المدينه المجاوره اللي فيها بيت جده ......طيب ماشيتها عادي ........جاء عندي يومين وبعدين راح للمدينه اللي فيها اقاربه .........وتخيلو اليومين اللي جلسها معي يرجع من العمل متأخر وماكلف خاطره يجي ويخرج معي مكان ........واليوم اللي بيروح المدينه المجاوره يستأذن من العمل ويتعنى عشان يروح .......

المشكله انه رغم كل هذا يشككني بنفسي وبقناعاتي عن الحب ........يقول انت فاهمه الحب خطأ .......الحب على كلامه ان الحب ان الحبيب يشوف حبيبه مرتاح ......وخلاص انا احبك خلاص لازم تكوني متأكده من هالكلمه لأني قلتها وانا مو مجبر اقولها لو مااحس فيها...........
كل هالكلام الحب بمفهوم زوجي العزيز .........

بس انا اللي اعرفه ان الحب مو كلام الحب تصرفات ومواقف .......انا مو مراهقه ممكن تلوموني او تقولون ان عقلي صغير على حكايه اني مااخرج معه .........بس تعبت احس ان مافي تغيير بحياتي عادي كأني مو متزوجه حياتي ماتغير فيها شئ.........انا اللي اشوفه حتى الازواج العاديين اللي مابينهم حب يكون على الاقل هو اللي يخرج معها السوق اويتمشى ...........اول الاشهر على الاقل وبعدها يرجع لطبيعته ........لا انا زوجي يصر انه يحبني ويحلف ويقول احمدي ربك انا مو مثل غيري امثل اول الاشهر وبعدها ارجع لطبيعتي انا واضح من البدايه ........
وعجزت افهمه ان اللي يهتم بزوجته بدايه الزواج ويدلعها مو يمثل لا بالعكس فرحان فيها .........على الاقل هم احسن من اللي ماعمرهم دلعوا زوجاتهم .........

تدرون انا حتى لما رحت المدينه اللي هو ساكن فيها اغراضي سواق بيت اهله يجيبها لي ......لماااخرج اتمشى مع اخواته ........تخيلوا .........ولما كنت الومه يقول خلاص اهم شئ اغرضك تجيك خلاص تعودي على طبعي اناكسول........

خلاص والله بموت مااحلم بشئ كثير ابي شويه اهتمام

دلوني ايش اسوي ؟ تعبت من الخصام ؟؟؟؟؟؟والعتاب؟؟؟

المشكله انه عنيد شايف ان انا غلطانه واني اطلب امور تافهه؟؟واحيان احس انه معقد من الزوجات اللي يسيطرون على زوجاتهم .........


هل انا غلطانه او هو ؟
هل يحبني اولا ؟

ارشدوني ايش اعمل تكفووووووووووووووون؟


شوي بموت من النكد والحياه هذه











تحياتي للجميع