السلام عليكم ورحمة الله وبركاته
شحالكم يا الطيبين ...
اليوم يايبتلكم قصييدة فريش .. توني العصر كاتبتنها ... قلت احطها لكم .. مع اني كنت ناويه انزل قصيدة غير هذي بس ما علييه لاحقين عباقي القصايد ... الحين اقرو هاي وعطووني رايكم ...
[poem font="Simplified Arabic,4,royalblue,bold,normal" bkcolor="transparent" bkimage="" border="solid,5,deeppink" type=0 line=0 align=center use=ex num="0,black"]
عذاب الدنيا من دون الحبايب = عذاب الحال من دونك يا غالي
عذاب الوقت لو كنت انته غايب = وعذاب اللي يصير فقلبي وحالي
عذاب اني ارد كل يوم خايب = بعد ما انتظر منك الوصالي
عرفت انه للمحبة ضرايب = عذاب قلبي وشغل فكري و بالي
وش حيلتي والقلب فيه ذايب = وكيف انساه وهو سيد الغوالي
فوادي فيه شبت لهايب = زيادتها بزود(ن) في المطالي
غيابك ما يسده اي نايب = وغيرك يالغلا به ما ابالي
ترى ان مت منك انته السبايب = غيابك زاد عن حد احتمالي
حسبت فراقك واحد(ن) من المصايب = ودعيت الرب في سود الليالي
يردلي اغلى من كل القرايب = وباقي العمر يعيشه قبالي
دخيل الله يانسل الذرايب = دخيل الرب خالق هالجبالي
ما انتظر منك شرح ولا سبايب = بس انتظر منك حب ووصالي
عذاب الدنيا من دون الحبايب = وعذاب الحب يا بعد كل غالي [/poem]
وسلاامتكم
انتظر اراءكم الطيبة
بنفسوجة
