منو سوت تلميس ونجح معاها؟؟؟؟ بنات بليز ردوا عليه

السلام عليكم ورحمة الله وبركاته..



عزيزتي بخبرج عن صديقت صديقتي.. راحت لصالون في دبي وين جميرا مجابل سبينس.. صالون ضيافه اعتقد جيه اسمه.. وسوت تمليس عادي يعني ينعم الشعر وعطوها كريمات ومغذيات علشان ما يتقصف ولا يخترب.. مره رحت لحفله وشفتها ما شاء الله شعرها طالع غاوي ودوم تروح عندهم وتمدح فيهم.. اتصلي بهم واستفسري..

وشكرا..

انتي عضوه رقم تقرئي ردي-موضوعي






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

مشكورة اختي على الرد

بس ماتعرفين اسم الصالون بالضبط عشان اخذ رقمهم من الاستعلامات لو تسالين ربيعتج؟

بنااااااااااااااااااات ردوا علينا عشان البقية يستفيدون

السلام عليكم ورحمة الله وبركاته..



صالون الضيافه للتجميل.. اذا مش غلطانه.. وموقعهم ب جميرا مجابل سبينيس.. ويسوون التمليس بكريمات من الفواكه..

وشكرا..






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

مرحبا اختيه .. حبيت اخبرج عن صالون الضيافه اللى تكلمت عنه اختى ام سعيده في صالون في بوظبي يستخدمون نفس المواد والكل يمدحه اسم الصالون مركز الالماني للتجميل في بوظبي وانا سالتهم وخبروني عن نفس المواد اللى يستخدمونها مركز الضيافه وهي ماده نينا بلاء لتمليس الشعر... وانا سمعت عنه انهم يمدحونه وايد وبصراحه يوم سرت الصالون اتصلى في كذا رقم من الحريم اللى سوت لهم وعطتنى اكلمهم وهم يمدحونه وايد هذا والله اعلم :)

ام سعيد

noty boy

تسلمون حبايبي على الرد

بنات اللي عندها فكرة بعد عن التلميس تخبرنا :)

بس اثنين يعرفون وين الباقي

السلام عليكم ورحمة الله وبركاته
هلا حبيبتي انا جربت وسويت تمليش لشعري مرتين ويغيت اخبرج اول شي عن نوعية شعري انا شعري هب ناعم ولا خشن وايد يعني انصوفي وخفيف جربت اول مره وسويت تمليس طلع شعري وايد ناعم ماقدر اسوي فيه شي وتندمت اني سويته وقالولي يمكن لان شعري خفيف ومب خشن وايد عضان جيه فقررت اني ماسوي تمليس عقب 3 سنين كان عدنا عرس فسويت تمليس بس هالمره واااااايد حلو طلع التمليس وماطلع وايد ناعم تمويجته وايد حلوه وحتى وهو خرسان ماي وسويت التمليس بروحي في البيت واشتريت التمليش الي يبيعونه في الصيدليه مال اليهال وايد حلو خاصه اذا شعرج مثل شعري انا وايد مستانسه من شعري الحين بس انا عقب ماسويت التمليس تميت اعتني فيه واسويله دوم حمامات زيت وخلطات والحين ماشاء الله شعري الكل يقول حلو وخاصه الصبح قمت اعقص شعري فليل والصبح افتحه والله مايحتاي اتمشطينه عقب بس اشوي اتنفشينه ويطلع يخبل واذا عندج اي سؤال انا حاضره

انا شفت وحدة من ربعي مسوية ريلاكس مائي


بس صدددق رهيب كانه طبيعي

صباح الخير ::::

اختي كابتشينو22 ::: ممكن تكتبيلي اسم التمليس مال اليهال ؟؟؟؟؟

وخبريني طريقه استخدامه ؟؟؟؟ وكم المده اللي يتم الشعر فيها ناعم ؟؟؟

وخبريني شو ملاحظاتج .... واكون شاكره لج الغاليه

السلام عليكم ورحمة الله وبركاته

اعتقد هي تقصد الي عليه صورة يهال ســــــــــــــمر انا مجربتنه ونعم شعري حيــــــــــــل بس يستمر ل 6 تشهر وبعدين لازم اتيددينه واتــــــــــردين اتسوينه مره ثانيه يبيعونه بالصـــــــــــيدليات على 35 درهم الا اذا غيروه لاني من زمـــــــــــان مسويتنه وحتى ربيعتي سوته وحتى انها ســــــــوته حق اختها ام 7 سنين نعم الشعر حـــــــــيل ما اذكر اسمه بالضبط اعتقد سوفت اند بيوتيفول اذا مش غلـــــــــــطانه بس يباله عنايه ومجابل علشان ما يطيح الشعر

هلا حبيبتي التمليس والله ماذكر اسمه بس مثل ماقالت اختيه كريستال مرسوم على التمليس صورة بنت سمره وهو على 35درهم و مب شرط تاخذين نفس النوع في وايد انواع لليهال اي تمليس تلقينه مرسوم عليه ياهل خذيه لانه يكون عكس مال الكبار وخفيف على الشعر والفتره الي يتم فيها ناعم انا والله من فتره مسوتنه وهو يتم ناعم بس كل مايطول شعرج اتعرفين لازم بينزل التمليش ماعليج عقب الا اتسوينه من الجذور بس لان شعرج من تحت بيكون ناعم عادي كل شهر بس حطي على الجذور وانا بعد ماسويت التمليس سويتلي جدول اعتني في شعري يومين بالاسبوع الاثنين والجمعه يوم الاثنين احط زيوت بشعري ويوم الجمعه اسوي خلطه لشعري والحمد الله شعري الحين وايد حلو ومب متقصف بس لازم تهتمين فيه واذا عندج اي استفسار بعد اتفضلي

كابتشينو تسلمين يالغاليه على الرد


بس اختي شو اسم التلميس وشو لونه واسمه؟؟؟

وكيف طريقة الاستخدام ؟؟

انا ابا يكون شعري ناعم وايد ماحب التموجات

اختي كابتشينو

عندي سؤال ثاني

يوم سويتي اول مرة وطلع شعرج وايد ناعم يعني مانفع التلميس ولا عشان ناعم وايد اضايقتي منه؟؟؟

وين سويتي اول مرة يوم كان ناعم وايد؟

تسلم ايدكم على المعلومات

السلام عليكم ...

يا بنات ....... انا سئلت كوفيره عن التمليس و قالت لي ... انه مب زين .... وانه يخشن الشعر .... وقالت بعد لو تسووين 10 مرات

سشوار افضل من مره تمليس ... لان التمليس يقضي على نعومه الشعر ... والشعر اللي بيطلع جديد بيكون خشنننننننن

وقالت بعد النتائج بتطلع بعد كذا شهر من التمليس ...... وانه التمليس يخلي شكل الشعر كنه ذايب ماله حلاه .....


شو اقولكن انا من ناحيتيه خايفه ...من التمليس .... وحبيت اخبركن عن هالمعلومات ...

-----------------------------------

مرحبا اختيه Liwa1100

انا شفت ردج على الموضوع لما قلتي انج سالتي الكوفيره وقالت لج انه ما ينفع ويخشن الشعر!!!

بصراحه حبيت اسال اي تمليس اللى كانت تقصد الكوفيره اللى سالتيها ؟؟ يمكن تقصد نوع ثا ني لاني بصراحه اكثر من وحده سمعتهم يمدحون التلميس اللى في مركز الضيافه اللى اسمه نيناء بلاء
وفي مركز الالماني في بوظبي نفس الشى ويقولون انه احسن حتى من ( ريباندنج ) ولا يسبب تساقط لشعر حتى لما يكون في تساقط يكون العادي مب اللى يتكلمون عنه البنات حتى صاحبه الصالون تقول لا تخلون الشعر يدهن لانه كل ما يدهن يتساقط اكثر بشكل عام كان بتمليس ولا لا ..

وبصراحه اللى في الصالون الضيافه ولا الالماني كلهم يوقفون على شعره وقفه حتى ما يتشتغلون في اكثر من وحده في نفس الوقت يعطون كل وحده وقتها علشان يطلع مرتب وحلو وغير جيه ما يكون ناعم وايد بس يكون في تموجات خفيفه اهم شي الطريقه هذى ما تخليه ينفش مع الحر والرطوبه ولانه من النوع الزين لدرجه انه في وحده سوت تمليس وبعدها بسبوع ارجع تصبغ شعرها لانه كان عندها عرس وما تاثر شعرها

هذا للعلم والله اعلم

تحياتي

هلا والله

notyboy: البارحه انا التقيت فيها ( الكوفيره ) وسئلتها عن تمليس اللي يخص اليهال وقالت لي :: انه تمليس اليهال اقوى من التمليس

اللي يخص الحريم .... وقالت لي تدرين ليش اقوى ؟؟ لانه اليهال كلهم ما عندهم صبر ويتمللون بسرعه ... ولو سويتي الهم تمليس

بيكون بسرعه في غضون دقايق ... يعني مفعوله قوي قوي ...

وعلى هذا قالت لي اذا سويتي تمليس بترجعين بعد شهر اتسوين لان بيكون الشعر طول وبيطلع شعر يديد من اليبهه و اطراف الرأس

بتكونين مجبوره اتسوين ...

وعلى كل شهر بتسوين ... تمليس .....

وعلى فتره من الزمن بيطلع الشعر كنه ذبلان .... من التمليس ....

وقالتلي انه الشعر يستمر بالتساقط و التقصف ... وحمامات الشعر ما تنفع الشعر المملس وايد ...

وقالتلي ملحوظه كل اللي يستخدمن التمليس يكون شعرها قصير .. يعني قاصتنه كاريه ...


علشان يطلع منظرها حلو


تحياتي ... للجميع