إضطراب الهرمونات .. أرجو المساعده !

i

insana

عروس نشيطة

17-08-2005 | 08:29 AM

السلام عليكم يا بنات المنتدى

باطرح عليكم موضوعي و ان شاءلله الاقي عندكم الجواب اللي راح يطمئني ..

أنا متزوجة صار لي 3 أشهر .. دائما أعاني من آلام أسفل البطن .. الشهر اللي فات وايد تعبت، صادتني دوخة وما كنت احب آكل من اشوف الأكل تلوع جبدي وصادني امساك لدرجة ان بطني انتفخ علي و صار يابس مثل الصخر ..............
المهم شرفتني الدورة الشهرية في موعدها عشان هي منتظمة عندي، بس استغربت انها نزلت علي بس يوم واحد والأيام اللي تلتها كان بس عباره عن أوساخ .. في نفس الاسبوع صرت أرجع و راسي دائما يدور فزوجي خذاني للعيادة وهناك خبروني ان عندي اضطراب في الهرومونات ... وقالت لي ان اذا الشهر الجاي (يعني هاي الشهر) اذا استمرت عندي المشكله لازم اروح حق اخصائي هرمونات.. ع فكره سوت لي الدكتورة اختبار دم وطلعت النتيجة اني مش حامل

سؤالي .. شنو الاسباب اللي تسبب اضطراب الهرمونات وهل الاعراض اللي صادتني و للحين اعاني منها كلها بسبب الهرمونات ؟؟

أرجو ان اجد منكم الرد الشافي

ف

فوانيس

مشرفة سابقة

17-08-2005 | 09:30 AM

هلا حبيبتي

الدورة الشهرية الغير منتظمة تدل على اضطراب الهرمونات

و انتي ماشاء الله الدورة عندك منتظمة

و اضطراب الهورمونات محتاجه تحاليل دم و النتايج تاخذ وقت على الاقل يومين

ان شاء الله ما فيج الا كل خير

بس يمكن الامساك هو اللي مسبب لك الآلام و لوعة الجبد

اشربي ماء وايد كل يوم الصبح على الريق
و كثري من اكل الألياف ( في الخضار و الفواكة)

ما تشوفين شر يا رب

R

RoOoOmy

عروس ماسية

17-08-2005 | 10:31 AM

ما تشوفين شر حبيبتي

اهم شي سوي التحاليل وانتظري ...

وطمنينا عليك

a

angel eyes

مشرفة سابقة

17-08-2005 | 10:36 AM

سلامتك الغاليه و ما تشوفين شر.....روحي سوي تحاليل و طمنينا عليك.....

بس عندي سؤال..

ممكن يكون فيه اضطراب على الرغم من ان الدوره مضبوطه؟؟

i

insana

عروس نشيطة

17-08-2005 | 11:19 AM

العزيزة فوانيس ..
من جذي انا حيرانه .. ان الدورة عندي الحمدلله منتظمة فأستغربت لما قالوا لي اضطراب في الهرمونات .. بعدين على سالفه الامساك، انا اتوقع ان عندي بعد غازات أو مشكله في القولون !
بالنسبه لشرب الماي، يمكن انا اكثر وحده اشرب ماء في المنتدى كله :) على طول قرشه الماي يمي وين ما اروح !!!

شكرا على تعليقك ..

i

insana

عروس نشيطة

17-08-2005 | 11:21 AM

مرحبا Roomy
الشر ما يجيج حبيبتي ..
بس ممكن تقولين لي عن التحاليل اللي تقصدينها شنهي ؟

i

insana

عروس نشيطة

17-08-2005 | 11:29 AM

هلا اختي انجل آيز ..
الله يسلمك وعسى الشر ما يجيج ..
وانا محتارة مثلج .. احس ان الشئ غريب ... ان يكون في اضطراب و الدورة منتظمة عادي

امس رحت للدكتوره و قالت لي ان هذا الشئ طبيعي خاصه حق اللي توهم متزوجين ؟!

بس هالآلام من شنو ؟ اسفل البطن يذبحني الألم و على جنب و ظهري .... شئ غريب ؟