عشان خاطر بنفسجية العين ولخاطر عيونكم..جبت لكم....دخلوا وشوفوا

السلام عليكم ورحمة الله وبركاته
اول موضوع لي بالركن الادبي فلا تخيبون ضني في نقدكم البناء
مثل ما وعدتج يا بنفسجية العين اني راح اتفضى للركن الادبي واخذ راحه شوي من سوالف بنات عروس.

مدمع العين

تحيه مني لشخص(ن) .........
على هام البشر شانه.
بشوق(ن) ليت يوصل له .........
كبرق(ن) في سما اوطانه.
واغلفه بعتب حبري ..........
يترجم صوت اخوانه.
غريبه ما التقى دمعك ........
بطرف الثوب وابنانه.
تدور في حشا غيرك .........
لهيب(ن) تطفي اشجانه.
عيوني تهل الدمع منك ......
وموق العين فرحانه.
وغيري ملتهي بجرحه .........
ثمالة عشق ولهانه.
غلاكم عزف لحن(ن) .........
ينسي الجوف احزانه.
في عالم حبنا الوردي .........
ترد الروح بالحانه.
حتى صار لك صرح(ن)..........
وقصر مشيد اركانه.
ترامى في عتب زله ...........
تهدم كل بنيانه.
تكابر دمعتي تنزل ............
لاجل ما تشوفها اعيانه.
مزوح الطبع بك غلطه ...............
وغلطة عمري أفنانه.
سواليفك هوى نفسي ............
ودوم النفس طمعانه.
لاجل ما تروي الصحراء ..............
بغيم الود وامزانه.
تراودني بنات افكار..........
وفكري تاه عنوانه.
يدور لك عذر ثاني .............
يفتش يبن احضانه.
تكدر لي صفا جوك.............
وتهت بوسط اكوانه.

وسلامتكم