السلام عليكم ورحمة الله وبركاته
مرحبا بالجميع
درس اليوم بسيط وسهل ،، بس حبيت اشرحه بالتفصيل الممل عشان يسهل للجميع ويكون واضح
تعجبني الخلفيات اللي نسويها بنفسنا ،، و اشوفها احلى من الخلفيات الجاهزه و دمج الصور
احسها تكون متقنه اكثر ،، و تعبر عن روح المصمم نفسه
الحين نبتدي بالشغل اوكي
اول شي نشوف تطبيق للدرس
يالله الحين نفتح برنامج الفوتوشوب
و نفتح ورقة عمل جديده File ---->new
وبنفس القياسات الموضحه بالصورة
1/ نختار أداة التخرج
2/ نختار درجة اللون اللي نبيها
3/ نختار التدرج الموضح في الصورة
الحين نسوي لير جديد leyer--->new--->leyer
ونمد خط التدرج من تحت لين فوق ،، وتطلع معانا نتيجه مشابهه للي في الصورة
الحين نروح لقائمة الفلاتر ونطبق هذا الفلتر
Filter > Distort > Wave
وبنفس القيم الموجوده في الصوره
بعد ما نضغط ok
بتطلع معانا النتيجه بهذا الشكل
نطبق هذا الفلتر Filter > Distort >Polar Coordinates
بنفس القيم اللي بالصوره
الحين نطبق هذا الفلتر
Filter > Distort > Twirl
وبنفس القيم الموجوده في الصوره
الحين ننسخ اللير " الطبقة " :: Layers > Duplicate layer
الحين نختار من القائمة Edit> Transforms > Flip Horizontal
الآن بيصير عندنا صندوق الليرات بهذا الشكل
الحين من نفس صندوق الليرات نغير mode اللير اللي نسخناه من normalإلى Lighten
آخر خطوه ندمج الليرات Layer > Merge Down
و النتيجه بتكون مثل ما شفتوا في بداية الدرس
ومع شوية بهارات فوتوشوبيه بسيطه
طلعت لكم بهذا الشكل
ها شرايكم بالدرس ؟؟
اتمنى انه يعجبكم واشوف تطبيقاتكم الحلوه
اختكم// ام خالد
