يا فرحة ما تمت

السلام عليكم ورحمة الله وبركاته

عنواني غريب شوية بس فعلا فرحة وما تمت

صديقتي بشرتها الدكتورة إنها حامل (اربعة أسابيع ) طبعا فرحتها ما كانت توسع الدنيا

بعد أسبوع فقدت الحمل وما تعرف ليش
الدكتورة قالت إن جسمها ما كانت مستعد
وبعدين هي طالبة دراسات عليا وتشتغل في نفس الوقت بس حاولت إنها ما ترهق نفسها
المهم قضاء الله وقدره وهي راضية فيه

بعد أكثر من أسبوعين من الإجهاض بدأت تحس بآلام في آخر الظهر وافرارزات وردية وبنية وما عارفة شو السبب أو كيف تتصرف
نصحتها تروح للدكتورة بس رفضت لأنها ما يعجبها الفحص السريري
ولأنها ما عندها أم أو أخت كبيرة تساعدها جات تسألني أنا الغشيمة إللي حتى الدورة ما أعرف عنها كل شيء
فحبيت أعرف رايكم في الموضوع وشو ممكن تسوي وشو إللي قاعد يصير معاها وليش

وأعتقد إنه لازم نسوي ملف خاص لما بعد الإجهاض لأنه بصراحة موضوع مهم وحساس ومن خلال بحثي في المنتدى لاحظت في مجموعة كبيرة من المتزوجات حصل معاهم الإجهاض لأول حمل
يعني أدوية معينة طبيعية أو عشبية تساعد على تنظيف الرحم وتقي من الالتهابات
وكيف الوحدة ممكن تستعيد صحتها وعافيتها بعد الإجهاض وتقوي جسمها للحمل القادم
وطبعا إنتوا أدرى يالمتزوجات بهاذي الشغلات
فشاركونا خبراتكم وفيدونا وفيدوا الحريم إللي ما عندهم خبرة في هاذي المواضيع وإللي ما عندهم حد يلجأوا له للسؤال بسبب الإحراج

ومنكم نستفيد
جزاكم الله خيرا