القماط

فهمنا يا حبيبتي ..

انا عن نفسي ولدي ما كان يرضى اني اقمطه .. واذا قمطه يصيح اليما يطلع يدينه وعقب يرقد ... بس تعرفين والله انها راحه للبيبي اذا قمطية لانه يقوي الغظام ..

ممكن تعودينه يرقد بدون قماط بالتدريج ... اليما الشهر الخامس او السادس ..

تسلمين أختي بجعة على الرد

بنتي ما تعرف تنام بدون قماط
و أنا أشوف القماط أريح لها .. لأنها تنام مرتاحة بعيد عن خربشة أظافرها
بس أنا موب عارفة لأي شهر نبطل انقمطهم فيها

انا بعد ولدي اذا لفيته بالقمااط يطول النومه و احسه مرتاح..


انتي قمطيه شخسرانه..(r)

انا والله من اقمط بنتي تقعد تصيييييييح تذبح روحها من لصياح
وما ترضى تنام الاااااا تبي تطلع ايدينها مع انها كانت عادي تنام
فى اول اسبوعين من ولادتها؟؟
الحين بس ألفها من دون خيط لقماط مدري هالشي يأثر على عظامتها ولا لا؟؟ :(

عسووله انا بعد الفه بس بدون خيط..

عاادي ما تفرق..

عسولة انا الدكتورة قالتلي ..

قمطي البيبي احسن للعظام خاصتا لريوله .. مدي ريولة الثنتين واربطيهم عشان ينمون سييييدة من دون اعوجاج ومثله اليدين ...

بس ليش الاجانب ما يقمطون عيالهم ... وما يستويبهم شي ؟؟

السلام عليكم ورحمة الله وبركاته


يا عرايس انا اقمط الصغيرونى لين ما يصير عمره خمس شعور بس اول السهور بالحبل بعدين بدوم صح انه يحاول لين مايطلع ايده بس احسن لان ما يفزع يوم يكون نايم .. والله العالم ...

الله يعينه ..

انا ولدي كل ما ينام ينقز من الخوف .. ويوم اقمطه ما يرضى لاني ما قمطه من كمل الشهرين

soft_dreams
تسلميين عنوني على الرد طمنتيني الله يطمن قلبج يا رب :)

bj3a
انا بعد دايما افكر واقول الاجانب ما يقمطون اعيالهم ولا من اول
يوم ما يرخصونهم من المستشفى تلاقينهم طلعوا وقاموا يدورون
فى المنتزهات يا زعم يستنشقون هواء نقي!! ومااااااا يصير في
اعيالهم شي.. طالعيهم مواعين ابليس خخخخخخخ..

اي مشالله بامريكا الام والله من الاسبوع الاول تطلع البيبي وتروح تتسوق فيه ويتمشوت وبدون قماط .. والبيبي شكله وااااااااااااايد صغير ونتفه ومايصير فيهم شي لااا ويلبسونهم جينزات وبدلات بعد :D2
الشي الغريب شلون الام تقدر تطلع وتتمشى وعااادي ماكو تعب وعوار ؟؟ وليش احنا الوالده عندنا تتعب وتقعد 40 يوم بيت امها ؟؟؟

اقولج هذولا مواعين ابلييييييس ما يصير فيهم شي خخخخخخ.

السلام عليكم ورحمة الله وبركاته..



عزيزاتي اتقمطونهم لشهر الثامن وبعدين شوي شوي اتفكنه عنهم.. يعني بالليل اتقمطون وبنهار لا والعكس وشوي شوي خلاص..



وشكرا..
انتي عضوه رقم تقرئي ردي-موضوعي






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

انا و لدي الاول ما كان يبغي القماط و اذا الفه يقعد ايصيح منها قمت ما اقمطه و كان اينام على بطنعه لدرجه اني كنت اخاف عليه انه يختنق و هو نايم .

بس بنتي اقمطها بس بدون خيط و اتعودت ما اتنام الا اذا لفيتها بس ما شاء الله عليها بسرعه اطلع ايدها و اريولها يعني ما كاني لافتنها بس ما شاء الله من الفها تعرف اني بنيمها و اتعودت على هذا الشي.

السلام عليكم
ليشششششششششششششششش اللف بالخيط تعذذذذذذذذذذذذذذيب كل وحده تتخيل نفسها مربوطه بحبل مده طويله هذي خزعبلات قديمه وفي دراسات اكدت انه اللف بالخيط بقوه قديسبب خلع لورك الطفل
وبعدين ما ضر عيال الأجانب اطول من عيالنا واعرض وازين صحه بس حنا كل شي متروعين عليه سوي كذا عشان يصير كذا و ترى اذا ما صار كذا ياويلك اجل بيصير كذا خلو الأطفال يعيشون شهورهم الأولى بسعاده مب يقعد يتحسف انه طلع من بطن امه
اما اللف الطبيعي بدون خيط كويس لأنه يهدي الطفل و ما يفز من حركة ايديه ويحس انه لسه في رحم امه ويكون الين الشهر الرابع او الخامس وبعدين يبدا التخفيف منه تدريجيا
واسفه على الإطاله

انا قمطت بنتي بالخيط الى الشهر الثالث وبعدين اقمطها بدون خيط والحين بالشهر الخامس خلاص ما اقمطها بس مرات احس انه اهدى ليها لو قمطها ترتاح

لان بدون قماط كل شوي تنقز في نومه تزيغ من اي صوت يستوي اما بالقماط اكون مطمنة عليها عادي اي صوت ممكن يستوي ما تقوم على طول

وكل الاطفال هالشكل احسن القماط وعادي ممكن تتركة من الشهر الخامس ومنهم بالسادس يعني ما تفرق المهم الشهور الولى تقمطينهم علشان الرجلين يستوون سيدة افضل

تسلمون خواتي على الرد
و أنا أشوف ان التقميط للبيبي أفضل

انا بنتي الحين عمرها اربعه اشهر ونص والفها للحين

انه بنتي ما كانت تنام الا بالقماط لانها على طول تحرك ايدها وتختبل وهي راقده عشان جذي اقمطها بس بدون خيط الين ما دخلت الشهر السادس قمت اعودها تنام بدونه لانهه صارت ما تعرف تنام بدونه لا بالليل ولا حتى النهار
في اول يومين تعبتني وكانت كل ساعه تقعد بس اسبوع واحد والحمد لله كل شي صار تمام

حرمة اخوي لما عيالها كانوا صغار كانت تقمطهم بقوة وتلف الخيط بقوة بعد.. يصيرون كأنهم ساندويشات ..
واي.. وايد كانوا يكسرون خاطري احسهم مثل الاخشبة يوم نشيلهم
انا لما اولد بالسلامة ان شاء الله راح اقمط نونوتي بلف عادي بدون تعذيب أو شد