السلام عليكم ورحمة الله وبركاته
هلا بالجميع
في جولتي السابقه للسوق ،، خذت اللي خاطري فيه بس بقت اللمعه اللي ما لقيتها من رد ايرث
المهم اني رحت فرع رد ايرث الثاني عل وعسى اني القى اللمعه
اول ما دخلت المحل سألت البياعه عنها
قالت لي مخلصه من عندنا و قلت لها اني رحت الفرع الثاني وما لقيتها
قالت ان بكل الخليج الطلب عليها زايد ،، مع انها قبل كانت طايحه بجبدهم ومحد عارفها
بس على قولتها اغلب البنات عرفوها من النت
وان وحده من الزباين قالت للبياعه ان البنات في النت وايد يمدحون هذي اللمعه
:eek2: والله يا بنات عروس صرنا مشهورات حتى بمحلات المكياج يعرفونا هههههاي
المهم هذي هي اللمعه اللي اقصدها
secret potion
جربتها على يدي مع نقطة كريم اساس والنتيجه روووعه ،، المهم اني عطيتها رقمي عشان اول ما يوصل لهم الكولكشن تتصل فيني ،، اول ما تتصل بقول لكم اكيد
المهم انا ما بغيت اطلع بخيبة الأمل ،، وقلت اخذ كم شغله للمكياج الصباحي او المكياج الخفيف للجامعه
و هم مسوين عرض تشترين قطعتين والثالثه مجاناً ،، طبعاً القطعه الأرخص هي اللي تنحسب free
اول شي خذت loose powder
انا قلت اخذه من ماركة معتمده ،، يعني لا هي رخيصه و مو معروفه ولا انها غاليه
لأني استخدمه لتحت العين بس ،، و احطه فوق الأساس بس بمنطقه الرقبه
المهم عندهم ثلاث درجات ،، البيج وايد غاااامق ،، و الوردي واايد فاتح
وانا خذت الدرجه اللي بالنص يعني لونها وردي خفيف ورقمها PK130
و خذت بعد شادو وردي :: عندي درجات وايد من الوردي :: بس هذا وايد حلو و مختلف ونايس لطلعات الصبح والجامعه،، في الأستخدام درجته غير ،، وطبعاً مع باودر او كريم اساس يبين لونه احلى،، رقمه PK 091
آخر شي خذت lip shin
مع اني ماحب الأرواج و توابعها وايد ،، بس هذا لونه حلو و ناعم ،، وخذته كنوع من التغيير
هذا شكله بس طبعاً اللون مختلف
هذي درجة اللون
ومن صج شوي يختلف عن الصورة ،، و على الشفايف يبين اللون احلى
رقمه PK 054
وبس خلاص هذي كانت مشترياتي من رد ايرث
ها عجبتكم ؟؟!!
