احسن صالون هايلايت في البحرين

تحياتي لعضوات احلى منتدى ومرجع للعروس العربية....

عندي استفسار.. وهو من هو احسن صالون حق هايلايت للشعر في البحرين ((مع السعر اذا امكن)).. يعني اللي تسوي الهايلايت خبيرة بحيث انها تشوف لون شعري وتسوي الهايلايت بدرجة اغمق شوي ومتماشية مع لون الشعر بحيث يعطي لووووك حلو وطبيعي... مو لون الشعر في وادي والهايلايت في وادي... وبعد تعرف توزع الخصل على الشعر وتسويها بطريقة حلوة مو كأنها تركيب ومندزة على الشعر دزاز...

انا صديقتي شعرها اسود ولأول مرة كانت تبي لون احمر يعني غامق مو شاذ عن لون الشعر الأسود الغامق حتى ما يبين كلش كريه... سوت عند صالون نجلاء،.. وصراحة بينت انها فنانة... اللون اللي اختارته وطريقة توزيع الخصل كلش فظيعة ... صراحة صارت صديقتي كأنها مولودة جذي...

ولأني عروس فأبغي خبيرة... وخصوصاً اني بسويها مفاجأة للكل يوم الحفلة بسويها (لأني على ما اظن ما تاخذ وقت)، فراح يشوفوني في الجلسة بستايل هندي والشعر لون واحد وبعدين في العرس غير... ارجو تساعدوني...

وبعد عندي استفسار لو سمحتو وهو...

في كريم او اي شي ادهن فيه جسمي عشان ما يطلع حبوب بعد ازالة الحلاوة لمنطقة الصدر والكتفين والظهر...

ارجو الإفادة....