بنتي و المرضاعه

والله ما ادري..

بس انا ولدي من اول ما يبته اعطي ماااي مع سكر نبات..زيين حق بو صفاار..الدكتور قال لي..

وللحين اعطيه..

انا اول الايام كنت اعطيها بس بعدين قالو لي لا تعطينها خاصه ان الماي موجود اصلن في حليب الام و كنت اعطيها احيانا حليب صناعي بس تقعد تزاعج و ما ترضى ترضع من المرضاعه قلت الحليب ما يعجبها

الحينه ما طيع تشرب اي شي من المرضاعه

حبيبتي ..

الياهل الي مو متعود على الماي اول شي ما بيرضى يشرب .. لانه ماله طعم ..

انا ولدي يوم اعطية ماي خالي ما يشرب يقعد يلعب بالمرضاعه يعضها ويوديها يمين ويسار ويطلع الماي الي يدخل في حلجه ويفرح ويتكلم لهاي الحركات .. بس بعد اخلية ...مع اني يوم اعطية ميلوبا ولا عصير برتقال ولا ينسووون على طول يشرب يمكن لانه فيه طعم ...

لا تياسين عطية ميلوبا خلية يتعود على المرضعه .. عطيه ينسون مع سكر .. حاولي لانه عقب بيلعوزج

انا توني عاطيه بنتي حليب صناعي لاول مره
والله يسترررررررررر انها ما ترجعه ولا يطلع
ما يناسبها لاني بتغربل معاها وقت الطلعات
اشلون برضعها جدام العالم؟؟

البجعه
ليكون تعطين ولدج سكر عادي ؟؟؟
المشكله انا ما عندي سكر نبات الحينه قلت بجرب الماي


عسوله الله يهديج هذا مب اول بيبي صح ولا لا
عادي دبريها انا ادبرها في السيارة
في مصلى في المول او اشفط لها

السلام عليكم اذا كنت ياخواتي منتو موظفات فلا تحاولي تعودي طفلك على الرضاعه لان الاطفال يحبون الرضاعات وبعدين يبطل يرضع منك الاشهر الاولى لاتعطيه حتى يتعلق بحليب صدرك والماء اعطيه بالملعقه وحليه بعسل او سكرنبات

ان شاء الله ام محمد
بس انا كل حد يقولي اذا ما عودتيها على المرضاعه بتعبج بعدين

اختي الحبيبه لاتسمعي لكل الناس واستعيني بالله وانشاء الله تهون وتاكدي انت وكل من ترضع طفلها ان حليب الام يكفي الطفل فالواحده منا ياتيها هاجس ان حليبي قليل وما يكفي بل العكس هو افود للطفل حتى لو كان طفلك نحيل لان حليب الام يعطيه الفائده دون ان يتنفخ اما حليب الرضاعات فالطفل يشرب اكثرمن معدته لذلك معظم الاطفال الي يشرب رضاعه يكون تخنان

عادي جامي .. اول شي جربي عطيها بالملعقة .. شوي شوي ..

انا ولدي بعد ما يحب المرضاعة لما احط فيها ماي .. لو تشوفينه كيف يعتفس .. بس شوي شوي بيتعود ..

في بعد سكر يسمونه جلكوز يبعونه في الصيدليات .. جربي حطيه ويا الماي شوفي اذا بتشربه واللا لا ..

بس بجعة متى ناوية تشربين بنتج عصير؟؟ احسها صغير ..؟؟ ترى بنتج اكبر من ولدي ب 3 ايام اظن بس ..

ام محمد انا احس بنتي ما تشبع لاني اكل وجبه وحده في اليوم ادري اني غلطانه بس ما احب الاكل يغثني مرات

عيون انا بجرب معاها على بدايه الشهر الرابع

اختي الحبيبه jamiاذا كان اكلك وجبه واحده عشان تخسي ترى الرضاعه عنصر اساسي في التخسيس واسالي مجرب تراني كنت ناقصه خمسه كيلو عن وزني المعتاد وكنت اكل كل شي حتى الحلى بس شوي شوي والوزن للنفاس يتناقص حتى ترجعي لوزنك بعد 6شهور او اقل اما اذا كان ضعف في الشهيه فحاولي بشرب عصيرات وخاصة البرتقال وتذكري ان البيبي امانه عندك وانت الوحيده المستامنه عليه فلا تبخلي عليه

السلام عليكم ورحمة الله وبركاته..



الغاليات الياهل لازم ما يشرب ماي لين يمكل 3 اشهر لانه ثقيل عليه..
وعقب تقدرون تعطونهم الحليب والا العصير بالمرضاعه..
بس اذا تعود على الطبيعي مستحيل يشرب الي بمرضاعه :) لان الطبيعي اخف والصدر الام لما تضمه يسمع دقاتها فيرتاااااااااااااااح..

وشكرا..






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

أم سعيده حبيبتي أنتي من وين جبتي هالكلام انه الياهل ما يشرب ماي 3 شهور؟؟؟؟؟؟؟؟؟؟؟؟؟؟؟؟؟؟؟؟:eek:

الطفل ممكن يشرب ماي في الأشهر الأولى بالتنقيط في فمه قطرات بسيطة وممكن أتحطية بالغرشة و أتحطي معاه شوية عسل

أم أنوار انا بعد اعرف ان الياهل ما يشرب الماي قبل 3 شهور اذا يشرب حليب الام بس
بس لو يشرب صناعي لازم يشرب ماي لانه ثقيل عليه
و حليب الام تكوينه 80%ماي فمايحتاج الياهل كميات اكثر من الماي


بس ام سعيد انا اباها تتعود على المرضاعه من الحينه على الاقل تشرب منها بس هذه تدلع ما ترضى اب شي
هههههههه بخليها على راحتها خلاص و في الشهر الرابع يا انا يا هي في هالبيت ههههههههه قصدي في المطبخ

ام محمد .. الموضوع مب رجيم انا ضعيفه وايد
بس الموضوع ان ما عندي شهيه قبل الحمل كنت اكل نصف حبه همبرغر و احسها وجبه ثقيله و اني ما اقدر اتحرك و الكل يقولي النمله تاكل اكثر عنج
بس الحينه اجبر نفسي على الاكل مثل ما تقولين هيه امانه و تغمضني يوم احس الحليب ما يشبعها