ابي حل

السلام عليكم ورحمة الله وبركاته



أختي رمش العيون

طبعا إحنا كلنا هنا ما نعرف راي أمج بالموضوع، وسمعنا الموضوع من طرفج إنتي..

فبيكون ردي مبني على كلامج وأتمنى تتقبلين كلامي بصدر رحب..

أختي الحبيبة، كل أم بالدنيا تتمنى لبنتها أحسن زوج وكل أم بالدنيا حاطة شروط في الإنسان

إللي بياخذ بنتها، صحيح موضوع الزواج هذا يعتمد بالنهاية على قرار البنت نفسها

لأن من شروط الزواج موافقة الطرفين وراي البنت في الإسلام مهم حفاظاً على حقوقها..

فمعظم الأوقات لما البنت تحب إنسان وتتمنى إن يكون زوجها بالمستقبل تصير مشاكل

وأكثر الأوقات أم البنت تعترض على هالشي فتفضل إنها تزوجها من إنسان ثاني..

مو لأنها تبي تفرق بنتها عن الإنسان إللي حبته، لا، بس لأن الأم دايماً ومهما بلغ سن بنتها

تحس بنتها صغيرة وتحس أن بنتها ما أختارت الإنسان الصح بحكم صغر عمرها..

فإحنا هنا ما نعرف أمج ليش تبيج تتزوجين الإنسان الثاني وهل فعلاً مثل ما تقولين تبي

تفرقج من الإنسان إللي تحبينه أو لأنها تشوف أن الإنسان الثاني أكفأ منه؟ إحنا ما نعرف

ففي هالحالة حبيبتي إللي اقدر أقولج عليه أن القرار الحين بيدج أنتي ولازم أنتي تعرفين

شلون تتصرفين.. وأقعدي مع نفسج وفكري بعقلج وخلي قلبج ولا تفكرين بعاطفتج..

فكري في مواصفات الإنسان إللي أنتي تحبينه بعيد عن الرومانسية والكلام الحلو

وفي مواصفات الإنسان إللي أمج تبيج أنج تتزوجينه؟؟ من يستحق أنه يملكج؟؟

ومنو فيهم إللي فعلاً تحسينه يُعتمد عليه وينفع يفتح بيت ويكون أسرة ويكون أبو لعيالج؟

منو فيهم إللي قادر يسعدج؟؟ أختي لازم تفكرين بكل هالأمور وخلي العاطفة شوي بعيدة عنج

في إتخاذ قرار مثل هذا.. وعليج حبيبتي بصلاة الإستخارة تراها تسهل الموضوع كله صدقيني

صلي إستخارة في الإنسان إللي تحبينه وصلي إستخارة في الإنسان الثاني

وصدقيني وين ما الله رايد لج الخير، راح تشوفين الموضوع يتيسر له ويمشي بسهولة

بس لازم تؤمنين وعندج يقين أن بيد الله سبحانه كل شي ولازم تحمدين الله سبحانه

في كل الحالات وتتأكدين أن إللي اخلقج من بعد ما كنتي ولا شي، قادر سبحانه أن يختار

لج الحياة الأفضل حبيبتي... خلي شوي الحب عنج وفكري بعقلج لأن صدقيني

البنت لما تحب تشوف الإنسان إللي تحبه ملاك وما تلاحظ عيوبه وتحس من كلامه أن هو إللي

بيسعدها وغيره لا..

راح أقول لج قصة بسيطة صارت لوحدة أعرفها.. اعرف وحدة حبت إنسان 7 سنين

تقدم لخطبتها أكثر من مرة وبكل مرة يجي أهلها يرفضون لأنهم كانوا يشوفون أنه

مو كفأ أنه يفتح بيت بس البنت لأنها تحبه كانت تشوفه ملاك وأنها راح تكون سعيدة مع هالإنسان

وراح تكون تعيسة مع غيره ليش؟؟ لأن البنت ما قاعدة تفكر بعقلها، العاطفة هي إللي تتحكم فيها

وكانت مثل ما أنتِ تقولين، كل ما تقدم لها واحد وأمها توافق عليه تقول أمي تبي تفرقني عنه

ومن هالكلام.. وتمت البنت ترفض الزواج من أي إنسان غيره .. تدرين شنو صار؟؟

دارت الدنيا والبنت عقلها بدى يكبر وعرفت فعلا أن أختيارها كان غلط وأن أمها ما كانت تبي

تفرقها بالعكس أمها كانت تبي لها الخير وتدرين شنو اهوا سوا؟؟ قام يهددها ويهدد أهلها!!

بالإضافة إللي أمور ثانية أثبتت لها أنه فعلا ما يستحق يملكها..

وعرفت أن هالولد هذا إللي ضيعت عمرها معاه ما هو إلا إنسان تفكيره محدود وما ينفع أبد

أنه يفتح بيت ولا هو كفو مسؤولية والحمدلله أن البنت عرفت هالشي بنفسها قبل ما ترتبط فيه

وتتوهق بعيال.. طبعاً أنا ما أعيب الإنسان إللي تحبينه لأني ما أعرفه ولا أقدر أحكم عليه

بس أنتِ حكمي عقلج، هل فعلا هل الإنسان يستحق أن يكون أبو عيالج؟؟ هل راح تعيشين

معاه مستانسة من كل النواحي مو بس بكلام الحب والغزل؟؟

جاوبي حبيبتي بصدق مع نفسج لأن هاذي مستقبلج وهالمستقبل أنتِ راح تقررين

شلون بتعيشينه.. لا تنسين الأستخارة عزيزتي، ناس وايد يغفلون عنها وما يدرون أن بهالصلاة

ممكن يحصلون الرد الشافي والكافي على كل موضوع مترددين فيه.. وعليج بالدعاء

والصلاة وإن شاء الله ربي اييسر أمرج ونسمع عنج الأخبار الطيبة..


لا تتضايقين عزيزتي دام الله سبحانه وتعالى موجود وما في حد تقدرين تلجأين بحالتج إلا له

موضوعج بيده سبحانه وإن شاء الله ما راح يقدم لج إلا كل الخير...


ننتظر أخبار حلوة منج وأعذريني على الإطالة


ولج أطيب تحية

حبيبتى

والله انا مش عارفه اقوللك ايه ما شاء الله همس القلوب ما قصرتش وقالت كلام عين العقل

وفعلا صدقينى اكتر واحده ادرى بمصلحتك هى امك حاوللى تتقبللى الموضوع

وتصللى استخاره وان شاء الله ربنا عمره ما هيرشدك الا للصح
ربنا يوفقك يارب من كل قلبى

وحاوللى متزعليش نفسك ان شاء الله خير

احيانا الاهل يرفضوون اشخاص بدون اساب مقنعه

بس

عسى ان تحبوا شيئا وهو شرا لكم

توكلي على الله

وصلي صلاة الاستخاره

عسى ان يكون لك افضل من الشخص الذي تتمنيه

حبيبتي
الي قبلي كفو ووفو
وانتي بيدك الحل
بالتفكير الصح بعيد عن التفكير بالحب والرومانسيه وانتي عارفه في هالزمن الحب مايوكل عيش
قرري واستخيري وادعي ربك
والله يسهل ارمك

رمش العيون

انتي كم عمرك؟؟

وحبيبك شو تعرفين عنه سواء على الصعيد الشخصي او الإجتماعي او العملي؟؟؟

وكم مدة علاقتكم ؟؟؟؟؟

شكرا لكم على ردودكم الحلوة
عذب القوافي انا عمري 19 اذا كانت وحدة تحب شخص لمدة 5 سنوات فجأة يوم الي اتقدم اليها رفضوا اهلها برغم قبل لا يتقدم ان اهلي يعرفون اني احبة ابية حتى امي كانت امي تكلمه ذا شوفني معاه على التلفون عادي الغريب ان يوم الي جه تقدم رفضه مافي اسباب مقنعة
اذا قلتيج شنو اعرفه حياته كلها سواء على الصعيد الاجتماعي والعملي والشخصي يمكن راح اقولج شي هو من طبعة كل كلا م جاد فية شيء يمكن تستغربين اذا قلتيج انه ماعند كلام حب حياة جد حتى لو كان فية بس ليس نفس الي حيبوا على طول كلام حب في حب مايفكرون في بكرا
هو طريقة تفكيرة دائما في بكرا وفي مستقبل ومستقبل عياله
أتمنى اني عطيك المعلومات الي تبية
تحياتي

مرحبا ..
الاخوات كفو و وفو بالردود خصوصا الاخت همس القلوب ..
وانا اضم صوتي لها..
أمج تبي مصلحتج حالها حال أي أم
عموما .. بالتوفيق .. وثقي إن رب العالمين ما بيسوي الا اللي فيه الصلاح لعبده طول ما عبده يسعى ويآمن برحمته ..

عيني عمرك 19 ألحين

او يوم كان عمرك 19 حبيتيه لمدة 5سنوات

المهم....

اذا عمرك 19 سمعي كلام اهلك وانتي خلي تفكيرك بدراستك ومستقبلك وإللي تحسين فيه مو حب صدقيني؟؟؟؟

الوالد موجود او لا؟؟؟

عذريني عيوني على اسألتي بس عشان ابي اوصل لنقطة مهمة....

وهو كم عمرة حبيبك؟؟؟؟

ما في داعي لتعذر
الوالد موجود
انا حبيته وعمري 15
وعمره 25
تحياتي

هلا .... وجهة نظر
انا ما اؤيد الحب ما قبل الزواج

بس اعتقد ان اصدق حب بعد الزواج وهذا الشخص اللى الله كتبه لج هو يستحق الحب منج


واذا كان الله كاتبه لج راح تأخذينه اذا مو نصيبج فالله يعوضج عن اللى احسن منه وانتي صغيره في أول الدرب

الاهل ادري واخبر بمصلحتج بس بعد انا مع همس فكري بعيدعن الرومسيه وبالعقل وصلي الاستخاره
بالتوفيق لج

تحياتي