ندمت وارتحت ورجع الهم

ياليت الفاهمين والعارفين بالكمبيوتر يردوا عليك...وانا والله لو اخوي موجود كان خليته يعطيك الحل...الله يفكك من شر هالانسان

الافضل انها تلغي رقم تلفونها

وتطلع رقم جديد

وعن الايميل ماعرف كيف يلغونه

بس الافضل انها تنسى ايميلها ولاترجع تفتحه ابد

واذا هي كانت تستخدم المسنجر

تقدر تلغي اسم الايميل من قائمة الايميلات المسجله في المسنجر

وبعض الاحيان المسنجر تلقائيا يخزن المحادثات في ملف خاص في الكمبيوتر

لا تخليني ام ربى انتظر رد اخوك والانسان هذا مارديت عليه بس يرسل مسجات مرعبتني

الحمدلله عمرها ما دخلت ماسنجر بس الشات الله لايعود ايامه ويلعن الشيطان ويفكها من شر ها الانسان

لا تحاتين اختي ان شا الله ما يقدر يوصل لج..

المهم سوي حق جهازج فورمات..
ولا تدخليين ايميلج كلش انسيييه خير شر...
و لا ادشين الشاات بعد..

عشان لو لا سمح الله كاان اهو هاكرز ما يقدر يدخل جهازج و يسحب البيانات الي فيه..
بياناتج او بيانات زوجج..

والاهم اختي يكفي توبتج الصادقه لله...وندمج..

وربي يستر عليج و علينا و على نساء المسلمين..

الحمد لله ان ربي هداها
ومن ناحية الايميل مثل ماقالوا الاخوات الطريقه الوحيده انك تسووين فورمات تروحين من اليوم بالذات والايميل لاتدخلينه واذا تبغين مستعده اسوي لك ايميل اهم شي انك ترتاحين
واتوقع والله العالم انه اكثر الكلام اللي هددك فيك من تأليفه
والان سوي له فورمات على طوووووول من اليوم والايميل لاعاد تدخلينه
والتلفون غيريه احسن لك من الامور تزيد اكثر واكثر غيريه .........

جزاج الله خير 000ومشكورة 0000ان شاء الله ما يقدر 000

طيب خواتى انا مستحيه منكن شو هى الفورمات حتى السراج ما تعرف وانا طلبت تخلي زوجها يتدخل بس هى مو راضيه خايفه لا يشيل بخاطرة علي بس انا ودى اسنتد على ريال اضمن والا اشرايكم

الفورمات اختي الغاليه هي انك تودينه لمحل تصليح الكومبيوتر وهو يعرف شغله يعني كأنه يجدد
الكومبيوتر وممكن انتي بنفسك تودينه ...

حبيبتى
هو اصلا ميقدرش يوصللها بس بردو هى المفروض تغير رقم تليفونها خالص

وتسيب ايميللها زى ما هو بس تعمل واحد جديد علسان مينفعش تغيره غير كده وربنا يستر

السلام عليكم ورحمة الله وبركاته


أختي السراج المنيرالمضىء وقريبتها

بحكم خبرتي بالكمبيوتر راح أقول لج إللي اقدر عليه..

أي واحد خبير بالكمبيوتر بيقدر أنه يألف محادثة ويركبها على كيفه، حتى أنا الحين

اقدر أسوي محادثة وأخليها تبان كأني مسوية محادثة مع الأخت السراج المنيرالمضىء

وأكتب أشياء على كيفي..

بس حبيبتي عندي كم سؤال ما ادري هل تفضلين يكونون على الخاص؟؟

أنتظر ردج وإن شاء الله نلقى حل للمشكلة

والله يسهل كل شي إن شاء الله

الغالية اذا كانت المحادثه بس على الشات فلا تخافي منها لانه منو يقدر يثبت انه هذي انتي؟ حتى لو في معلومات عنج .. ممكن اي بنت تكون قايله هالمعلومات عنج
اما بالنسبة للمسنجر ممكن بعد هذي تتألف بس اذا تبي تلغي الايميل واصلا زوجج ما يعرفه فممكن تقولي انه هذا ما ايميلج واصلا ما تعرفي اذا هذا موجود او لا
ممكن تسوي de activation
بهالطريقه اي حد يرسل للايميل بتوصله رساله انه هالايميل غير موجود
الطريقة:
روحي صفحة تسجيل الدخول واضغطي على كلمة help
بيطلعلج مستطيل روحي لاخر شي closing your account وضغطي عليه بتطلعلج الكلمة مره ثانيه وضغطي عليها

بيطلعلج كلام وبعدين فيه بالازرق go to the msn accounservice home page وضغطي عليها بتوديج لصفحة

دخلي ايميلج وكلمة السر وبيوديج صفحه ثانيه اختاري من هالصفحه Customer Support وضغطي عليها
بتروحي صفحه شوفي فيها الخيارات بتلاقي الخيار قبل الاخير Close your account
اضغطي عليه بتروحي صفحه يقولج فيها انه خلاص هالخيار بيخليج تقفلي الايميل مالج ضغطي على كلمة continue

وان شاءالله تنتهي المشكله
انتي اهم شي تجاهلي محاولاته تماما واحتسبي الله سبحانه وتعالى وطالبيه بالستر وكثري من الاستغفار ودعاء سيدنا يونس "لا اله الا انت سبحانك اني كنت من الظالمين"

والله يوفقج ان شاءالله وادعيلي

اظن انه بس تهديد عشان تخضعي لرغباته مثل ما قالوا البنات

الايميل والشات انسييييييييه بالمره واذا بيحفظ المحادثات ويزيد عليها

مايقدر يثبت ان انتي بأي طريقه ورقم الموبايل غيريه وحطي لج اي عذر

انه ضاع او اخترب او اي شي وتجاهليييه واستغفري وادعي ربج يستر عليج

والله يوفقج في حياتج ويبعدكم عن الفضايح يااارب ..

مشكورييين ويعطيكم العافيه والله يسمع منكن ويستر عليها وعلى نساء المسلمين اختي همس القلوب سالي حبيبتي سواء بالخاص او العام اللي يريحج انا باجاوبج

شوفي عيوني انتي من كلامك اكتشفت انه ماعندك اي خلفيه في الكمبيوتر وانا بقولك على اسهل شي وبالخطوات
1/ خوذي كمبيوترك ووديه الى أي محل كمبيوتر او مكتبة كبيره يكون فيها غالبا قسم للكمبيوتر المهم وانتي واقفه عندهم قوليلهم ابي اسوي لجهازي الكمبيوتر فورمات هو بيسويه لك بخمس دقايق
انتي الحين تسالين نفسك وشو هو الفورمات؟؟
الفورمات هو ياعزيزتي انه يمسح كل شي في جهازك ويخليه مثل الجديد ومن ضمنها ايميلك يمسحه وماسنجرك يعني مااحد يقدر يمسك عليك شي
انتي بدورك لاترجعين تحطين ايميلك الاولي ابدا ابدا لانك اذا حطيتيه بعد الفورمات بيرجع يتخزن بجهازك
ومن ناحيه الايميل الجديد انا انشاءالله بدورلك على شرح بالصور كيف تسوين ايميل جديد او انا اقدر اسويلك ايميل جديد
2/ حبيبتي هالشخص اللي يهددك ماعنده سالفه عرف انه ماعندك سالفه بالكمبيوتر قام يستعرض عليك ويهددك بكلام فاضي لانه مستحيييييييييل يقدر يمسك عليك شي بمجرد محادثة كتابيه بالتشات وعلى قولة اختي همس القلوب اي واحد يقدر يؤلف محادثه تشاتية
وغير كذا حتى ايميلك راح يتغير يعني مستحييييييييل جدا يكون ماسك عليك دليل يعني الولد يخربط عليك لاتخافين ابد
3 / اكبر غلطه انه عرف رقم جوالك والله يستر إذا زوجك ماشك من تسكيرته المستمره
فعشان كذا غيريه باقرب فرصه وتحججي بعذر قوووي عشان ماتخلين زوجك يشك
واحسن طريقه انك بالاول تحرقين شريحتك وطريقة حرقها انك تدخلين الرقم السري غلط لثلاث مرات وبكذا تحترق وبعدين تتفقين مع وحده من خواتك او صديقاتك انها تجيب لك شريحه جديده على اساس انها هديه والله يستر انشاءالله

ولايردك حبيبتي الا السانك اذا بغيتي اي استفسار انا بالخدمه والله يوفقك ويسعدك ويبعد عنك اعيال الحرام

السلام عليكم ورحمة الله وبركاته
الغالية ولا يهمك
الله يمهل ولا يهمل
بس إنت دايما ادعي رب العالمين يستر عليك واستغفري وقولي أذكار الصباح والمساء إللي بتحميك من شياطين الإنس والجن
وما شاء الله البنات ما قصروا وردوا عليك
بس المهم التوبة الصادقة والله بيغفرلك وبيساعدك وبيستر عليك
وقولي دايما
اللهم استرني على الأرض وتحت الأرض ويوم العرض
وأقرأي قرآن كثير وقوي صلتك برب العالمين
وصدقيني بشوفي نفسك مرتاحة أكثر ومشكلتك بتنتهي وبسرعة ما تتصوريه
وبالنسبة للأشياء الثانية
بدلي رقم تلفونك
بس حاولي إن الرقم القديم ما يروح لشخص ثاني
على الأقل مدة 6 أشهر
لأن شياطين ألانس لهم طرقهم الخاصة في التخريب
بس تأكدي رب العالمين واقف معاك إذا صدقتي في التوبة وطلبتي المغفرة
بالنسبة للشات أو الماسنجر
ما في أي معلومات عنك وعن عنوانك يعني بيسافر من بلاده لبلادك بس علشان يدور عليك مثل الإبرة في كومة قش
الشيئ المهم إللي لازم تسويه هو إنك تقوي صلتك بزوجك أكثر وتهتمي بيه وشغلي نفسك بالأمور إللي تسعده ويخليه يحبك أكثر ولا تنسي إن المرأة لها ثواب كبير إذا رضى عنها الزوج
والله يوفقك ويستر عليك وبدعيلك إن مشكلتك تعدي على خير
ولا تخافي من أي شيء قل لن يصيبنا إلا ما كتب الله لنا

السلام عليكم ورحمة الله وبركاته

ما شاء الله البنات ما قصروا معاكي...

الله يتوب على صديقتك و يغفر لها يا رب

اللة يعينك والله البنات ما شا الله ما قصروا وانتبهي ثاني مرة توقعي في هذا الغلط

الله يوفقكن ويجزاكن خير مشكورين وما قصرتوا وانا لو ماكنت متاكده من قريبتي انها متحسفه ما سالتكم الدعاء لها جزاكن الله خير والله يستر عليها وعلينا وعلى نساء المسلمين000واتمنى من كل قلبي ان البنات ياخذوا عظه من سالفتها ما تتصورون شلون احساسها بالرعب اليوم بازورها انشاء الله واخذردودكن لها اكيد بتفرح ويرتاح بالها