رأيك بصراحة!!

بس اهم شيء رايك انتي ؟؟؟

اهلين اختي نوسة ..
اكيد المهم رايي .. لان بالاول و الاخير القرار قراري وانا اللي اتحمله
بس بعد يهمني رايكم ..
الموضوع صعب .. وعشان اخطو اي خطوة محتاجة guide .. عشان جذي ابي اجمع كذا راي
بالمبدا.. حرام ينرفض شخص مثله باخلاقه ومكانته بين الناس اللي حواليه.. وثقافته.. و اللي فيه من الله سبحانه و تعالى
بس بنفس الوقت .. شلون بتعامل معاه ؟؟ صح يكتب نوتات .. بس .. ابني حياتي على صمت ؟!!
ماا ادري
اتمنى المسااعدة

اذا انا محتاجه للزواج واحس انه لي ستر ومستعيله ابى اتزوج بقبل وبتحمل الضغط وكل شي بكون مأجوره عليه

اما اذا انا عندي فرص متاحه بحد احسن منه برفضه لان الابكم ماراح يقدر يتفاهم ويا عيالي اذا كبروا لان الام تربي عيالها وهم وصغار بس يوم بيكبرون بيحتاجون ابو يكلمهم ينصحهم فيه شده ويقدر يدلعهم بكلام حلو


وبعد صلي استخاره وماعليج من كلامنا لان في الاخير هذي حياتج ويمكن هوه يكون احسن واحد يتقدم لج ,,,الله اعلم الواحد مايدري



مع التحيه

مشكوورة اختي فطيم على الرد
انتظر الباقي

اذا فيه كل ها الصفات وعيبه مثل ما اتقولين انه ابكم .. بنظري مب عيب

البكم لهم لغه خاصه يتفاهمون معاهاا .. وهو يعيشون حياتهم عادي ..

شيء رياييل واايد يتكلموون بس بشكل عام ما ينفعون لمسؤليات الزواج واما يتحلمونها

يعني ماا حي البكم عييب .. اذا اتعلمتي لغتهم وتقتدرين تتحاورين معاه وبعدين بين الزوجين مب بس تفاهم بالكلام بالعيون بالللمش ومساعده والتعاون مع بعض .. يقدر يكبر الحب جي مب بس من الكلام ..

وعياله بيقدورن يتفاهمون معااه .. من خلال يتعلمون ها اللغه بس الاعاقه هاي مب عيب ولا حراام ..

شيء بنات يتزوجون ريال اعمي وعايشين حياتهم طبيعي اتخيلي اعمي ما يشوف جمالهن ولايوصفه لهم .. بس مع ذالك عايشين حياتهم ومستانسين ..


اختى .. وسعي منظارج لها المتقدم وقيسيه من كل الزواياا ..

والله يوفقج ان شاء الله دنيا واخر ه

والسمحي لي :)

اختج اليازيه

و الله يا أختي القرار صعب

شو رأي الأهل ؟؟؟؟

الموضوع اكثر من صعب ..
وصح اش كثر بنات متزوجات من اشخاص فيهم عاهات جذي و عايشين حياتهم عادي..
بس مو كل شخصية راح تستحمل هالوضع ..
يعني انا مثلا .. هذااارة ..:o او بالاصح .. احب اناقش واخذ و اعطي بالكلام..
احب تبادل الآراء .. و اتطلع على تفكير الطرف الآخر ..
حطيت نفسي في هالبوزشن .. ما تخيلت اني بقدر اواصل تخيل .. فما بالكم ان يصير بارض الواقع!!
الاهل .. يقولون ان الشخص ما ينعاب .. و اللي فيه من رب العالمين .. و الامر بايدي و القرار قراري :sad:
مشكووورات للي ردو
I'm waiting 4 the rest

اهم شي حبيبتي راييك

انت تعرفي الاحوال هناك احسن منا ...

اذا كان ما شاء الله فيه كل شي الا ذالعيب ...

القرار صعب !!!

مهما كتبنا فالقرار ينتهي لك انت ...

انا انصحك شي واحد تعمليه

صلي[grade="00008B FF6347 008000 4B0082"] صلاة الاستخارة [/grade]

الله اعلم بكل شي ء....

وماراح يكون الا الخير ان شاء الله ..

لا يوجد انسان خالي من العيوب ...

الله يسهل عليكي حبيبتي ....

سلام عليكم
يمكن هذا الشخص لي متقدم يكون افضل من شخص يتكلم يقدر مسؤولية الزواج يكون شخص يحبج ويحافظ عليج من شخص يتكلم
على قولج المثل الله يأخذ شي ويعطي شئ
والاخير الرأي رايج ولي فيه خير يسوي ربنا
تحياتي

عزيزتي حسب ظروفك وصفات اللي تحبين تزوجيه يعني اذا صفه الكلام مو مهمه عندك يعني اقصد انه يغازلك او يتناقش وياكي بموضوع وان هذة الامور ماتعنيكي ليش لا توكلي على الله وتزوجيه بسسسس اذا هذة الامور تهمك مثلي انا تمااااما انصحك لا لان بصراحه انا زوجي قليل الكلام وانا حاسه حالي راح اجن والله العظيم كل شويه اقوله ( اسئل شنو بيه انطق يا حجر لو بشر غيري بيوميين انتحر يا اناني مايحب نفسه وبس ) هههههههه طبعا بيني وبين نفسي فقط .

بصى يا حبيبتى انا شايفه ان الموضوع ده وجهات نظر

صللى استخاره واللى فيه خير ربنا ان شاء الله هيقدمه

حبيبتي القرار بالاول والاخير لك
بس مثل ماقلتي اخلاقه وميزاته حلوه
ليش لا؟؟
لغة البكم الحين صارت سهله والتعامل معهم اسهل
بيني وبينك اقبل بابكم ولاباعمى
لان الابكم الحاجز بيني وبينه الكلام
لكن غيره فيه عوائق
لكن لو تشوفين ان الطريق قدامك شوفي نصيبك وين
بس استخيري
وادعي ربك
والبكم صار عيب من زمان الحين عادي المهم الاخلاق والستر

السلام عليكم ورحمة الله وبركاته

أختي مثل ما قالوا البنات...الموضوع وجهات نظر...

يعني رأيي غير رأي عضوة ثانية ...

أتمنى تستخيري الله تعالى...و تفكري كويس...و تتخيّلي حياتك الجاية كيف بتكون...

و إن شاء الله خير...

[grade="FF1493 D2691E FF1493 D2691E"]

السلام عليكم ورحمة الله وبركاته

الله يكتب لج اللي فيه الخير والصلاح،اللهم آمين

يزاهم الله خير الخوات ما قصروا..

صحيح إنه مافي انسان خالي من العيوب والإعاقة أمر خارج عن الإرادة،وماشاءالله وايد ناس

قدروا يكوْنون أسر وحياتهم مستقرة،قد تكون الإعاقة في أحد الزوجين وقد تكون في الإثنين

ولكن تكيّفوا مع الوضع.. السؤال الحين،هل أنتي تقدرين تتكيفين مع الوضع،مش عيب ولا حرام لو

رفضتي لأنج ماترفضين الشخص وإنما ترفضين طبيعة الحياة اللي ممكن تكون بعد الزواج واللي

يمكن ماتتأقلمين معاها،أنتي تقولين أنج من النوع اللي يحب يتناقش ويتكلم،فأعتقد والله أعلم

يمكن تحسين بالإحباط لما تتزوجين ومايكون هناك تواصل بالصوت،صحيح هناك لغة خاصة لهم

ولكن هل تقدرين تعيشين بجو هادئ بعيد عن الكلام والحوار المسموع،وايد أسمع من الخوات في

المنتدى يشتكون من هدوء أزواجهم وقلة كلامهم،فكيف لما يكون الزوج لا يتكلم أبدا،لو رفضتيه

ماراح يكون ظلم له لأن يمكن الله يسخّر له وحدة تقدر تعيش مع شخص أبكم،أو يتزوج من وحدة

لها نفس المشكلة فبيرتاح أكثر..

عندي صديقة سألتني نفس السؤال قبل كمن سنة،وخطبها شخص أبكم،فطلبت رأيي وقلتلها صح

أنه ماينعاب والنعم فيه لكن هل تقدرين تتقبلين الوضع،هل بترتاحين بعد الزواج،ففكرت بكلامي

وشافت أنه ماشي نصيب مع هالشخص والحمدلله رزقها بشخص ثاني،والله يسعدها ويوفقها

لذلك نصيحتي لج،فكري شوي هل بتتكيفين مع الوضع ولا لا،وبعد التفكير صلي استخارة،لأن

الخيرة فيما أختاره الله،ومش القصد الراحة بعد الصلاة أو أنج تحلمين رؤيا،القصد من الصلاة هي

تسهيل الأمور والتوكل على الله في إختيار الأنسب لج..

الله يوفقج يارب.. آمين


في أمان الله[/grade]

صلي استخاره وتوكلي على الله

شوفي ختيه أنصحج بالأستخاره ماخاب من أستخار وسمعس منيه ياختيه الريال مافيه عيب صدقيني ياما بنات خذن ريايل يتكلمون ويوم يشوفونهن ينبكمون خذيه وتوكلي على الله ...................

السلام عليكم والرحمه .. أختيه انا راي من راي خواتي ...صلي إستخاره وإن شفتي الأمور اتسهلت يعني هاذه خير لج .. وبخبرج شي أنا اربيعتي بتعرس بعد 5 شهور وبتاخذ واحد أعمى لكنه شو ماشالله يحضر الحينه الدكتوراه وإنسان مثقف ومتعلم وملتزم الله يحفظه .. وهم ماشالله متفاهمين .. حتى هو أول ما اتقدم البنت صلت استخاره وارتاحت له وايد والله وفقهم .. أختيه اتوكلي على ربج وصلي إستخاره .. وياما نااااااااس عندهم إلسان ويرمسون لكن رمستهم اتصدع الراس وما منها فايده ...!!

مشكوووووووووووورات خواتي على هالردود .. واشكركم على تفاعلكم ووقفتكم معااي..
ما اخفي عليكم فكرت واايد بالموضوع وكفة عدم الموافقة واردة اكثر ..
ماا ابي اخذه عن شفقة (( على اساس ما اجرحه برفضي اقوم اخذه )) .. و عقب اظلمه وياي واظلم نفسي
بس ان شااء الله اصلي استخارة واشوف .. الخيرة فيما اختاره الله
مشكورين خواتي مرة ثانية

والله يا حبيبتي بما إنك ذكرتِ هذه الصفات فأنا رأيي إنك تستخيري لأنه سبحان الله إنتِ ما تدري وين سعادتك ..
إستخيري الله وإدعي والله يوفقك للي في الخير :)