ليست عذراء

ما اقول غير الله يهدينا ويهدي بنات المسلمين جميعا
والله يستر عليها وعلينا

هلا اختي
موضوعج صعب الصراحه بس الي اعرفه ان هالغشاء اذا هي حابه اترده يسوون العمليه هاي في لبنان سمعت بس اهني ما اعرف والله وهي عمليه بسيطه والدكتوره اصلا بتعرف اذا الغشاء موجود ولا لاء انصحيها اتسير الطبيب ويكشف عليها
ان شاء الله استفدتي مني شي والله وياج

شن تقول لزوجها تحملي قوليلها اخطر شي لانها مسكينه تابت وهالشي يا اختي الله ستر عليها
وماتدرين ان عذريتها ردت او لا اذا المره المتزوجه يسافر زوجها عنها ترد عذراء وانا سائله دكتوره نسائيه قالت لاتوسوسون ترا الرجال لو شنو يقولج او يحبج بهالشي ماعنده 1 او 2
تسكتين مايطلع دم او يطلع شي بسيط او يعورها عادي لو يحبها مابيفكر بشي انها مب عذراء اهم شي تكسب ثقة زوجها
لاتغلط غلطة عمرها لانها اذا هي كشفت نفسها بتنكشف بعدين على اهلها وبتعيش ذليله المجتمع
اذا الله اللي بسماه قال تشوفون الزانيه لازم بوضع الزنا ب4 شهود شلون وحده مسكينه تابت تروح برجولها للنار مجنونه هذي؟
لا يبا اكسبي زوجج ولا تخافين عادي في بنات وايد اعرفهن ماطلع منهم دم طلع سائل او ماطلع لان في غشاء مطاطي وبعدين في بنات وايد على بالهم انهم فقدوا عذريتهم بس هم لا
لا تسوي شي واذا تبين يااختي عالمسنجر او الخاس بقولج شي عن هالموضوع لحساسيته هني

لا تقوله و لا شي تراها بتحسف تخلي كل شي طبيعي

و لي ذيج الحزه يصير خير و لا تحاول انها تسوي عمليه و لا شي لانها تعتبر غشاشه و هالشي انا سمعت شيخ يقول انه حرام لان يعتبر غش .

و مثل ماقالت ليله عرسي يصير الوحده ترد عذراء اذا كانت ماتسوي شي .

و الله يوفقها بس اهم شي خلها تشيل هالخوف عنها و الله يوفقها و ان شاء الله نسمع الاخبار الزينه عنها .

سمعت حل لمشكلة مشابهة


قالها الأستاذ جاسم الموطوع في برنامج البيوت السعيدة


مع أختلاف الحالة

بس أنها تصارح خطيبها قبل كل شي

وتقول له أني ما أبي أغشك وأكذب عليك وأبداء معاك بالغلط

وتعلمه السالفة بحذافيرها

وتشوف شنهو رايه ؟؟

إن وافق فذلك خيييييير

أما إن رفض قولي له أبي منك تستر على مثل ما أنا ما غشيتك

إذا يقدرون يكملون إجراء الزواج وبعد جم شهر يطلقها يعني أربع شهور

ولا تقول تبي تبني عايلة وما بترضى بهالحل ؟؟

على الأقل تعرف قدرها ومع أنها تابت بس لازم تدفع ضريبة أثمها وليس غلطها

لأنه والعياذ بالله مثل ما تعرفون هذا من الكبائر

وأنا أتمنى ما كون قسيت عليها بس هيه اللي اختارت هذ الطريق

تحاول تستر على نفسها وتسكت وتدعي ربها انه يستر عليها وتتوب الى الله ترى هو الطف الخلق بمخلوقاته

والله ماأعرف

الله يستر عليها دنيا و آخرة ويوفقها يارب

همس القلوب .. تسلمين حبوبه على الرد والتواصل انا الصراحه اتمنى لها كل الخير والستر ان شاء الله وانا اظن الستر افضل لها واذا الله اراد لها الفضح فهو في كلا الحالاتين قدر ومكتوب ... والي الله كاتبه هو الي بيصير ,, بس المشوره والنصيحه بعد لازم الاخذ بها اشكرك صراحه على مشاركتك لأني احس انها فعلا نابعه من قلبك

خلود ومسك الوود .. اشكر لكم مشاركتكم وان شاء الله كل خير ....... انا اليوم نقلت لها الردود الي شفتها الصبح بالعمل وبكره ان شاء الله اوصلها الردود هذي


مرايم السعوديه بالاول اشكر ردك الكريم وتفاعلك بالموضوع لا ردك مو قاسي بس بنفس الوقت مو موضوعي ... من قال ان اي شخص ما يلاقي عاقبه اذا غلط اذا مو بالدنيا بالاخر .... الكلام الي كتبته نظريا مقنع بس هل تعتقدين عمليا ممكن يتطبق ...... مافي احد ما يمر بلحظه طيش واهمال صحيح بس لا انا ولا احد يعرف اهي ايش الظروف الي كانت فيها ولا اقدر احاسبها على شي طاف وانتها حالها حال اي بنت تبي تبني اسره وتعيش ..... اهم شي انها اعترفت بالغلط .... وبعدين مثل ما قالو الاخوات وجان الريال يطلع برد فعل انفعالي ويفضحها ويمكن يضربها ويمكن ويمكن ليش تحط نفسها بالموقف هذا ......... تخليها على الله ... بالنسبه لموضوع الغش انا تأكدت من اكثر من مصدر انه مو غش ان شاء الله بس اذا سوت عمليه يعتبر غش وهي البنت ما تفكر تسوي الشي هذا .... الله يعينها وصبرها وسأل الله من كل قلبي الصبر والسلوان ...يكون من نصيبها ترى لا ننظر للموضوع من نظره بعيده الي يده في الماي البارد غير الي في يده في الماي الحال انا احط نفسي مثال انا مبسوطه بخطوبتي واجرائاتها وهي البنت مرعوبه لليل نهار .. في فرق صح
اسفه على الاطاله بس اشكر حضورك

حبيبتى

انا شايفه انها لو كتمت الموضوع ده هيبقى والله اعلم زواجها مش صح لانه ما بنى على باطل فهو باااطل

يعنى هى تحاول تحكيللو تدريجيا وتشوف هيبقى ايه تصرفه وهو لو شاريها وواثق انها غلطه غير مقصوده

يبقى هيتوكل على الله ويتزوجها اهم حاجه هى تكون تابت وتستغفر ربنا كل وقت وربنا يستر عليها وعلى بنات المسلميين جميعا

وياريت تطمنينا عليها

الله يستر عليها و علينا يا رب العالمين ..............

و يقبل توبتها من اوسع ابوابه..........

حبيبتي انا من رايي انها ما تقوله لأن اذا الله ستر عليها فليش اهي ما تستر على روحها
و انا مادري بس
ile sm3ta ina mub kl ilbanat 3ndhum '3sha2 bkara..ymkn akon '3l6ana bs hay ile sm3taa...o allah a3laam o b3dain mthl magalaw b3'6 il25wat ina weya ilwkt yrj3 mthl maho..o inshalla hay ile 9aar m3ahaa..or etha zojhaa e7bhaa 7ata mabed8e8 or be76 bala 3la hlshii bs yabi emashii sh'3la o 5laa9 o latdeer baal o 7abibti etha ehya '3l6at m3a hathak mara w7da bas..ymkn maft7ha la2na ile a3rfa ina mub kl bnaya tnft7 mn awal mara fa e7tmal etkon lail7een bekr
o allaah ystr 3laaiha o ewafghaa o ys3dhaa..bs tt7ml enha tgola..l2na mahma ekon mafee rayal ywaf8 3la hlshiiii...o mdam allaah setr 3laiha lain al7een fa 5al tstr 3la ro7haa..o tskit..o law fara'6an wajaha eb hlshii mat3trf lo shno la2na btkon f'6ee7a leha

يالله عليكم


استغرب اللي اتقولها قومي وفضحي نفسج ... بنات اتعرفون شو يعني اتقوله هالشي معناته دمار كامل لعايله كامله ...... بدون فرضيات لانه ما في الا نتيجتين يرضى او يرفض ...اذا رضى كان بها اما اذا رفض؟؟؟؟؟؟؟؟؟؟؟؟؟؟



ما حسبنا مشاعر انها تابت ... ولا مشاعر انه الها ام وابو يمكن يروحون لو دروا بهالموضوع ........ اخت واخو بينضرون ...... ليش التفكير السطحي للمشكله واحنا عارفين انه اهل الخليج ما يتقبلون هالمواضيع ولو اتقبل واحد منهم حياتها بتكون محاصره بالشك ودوامات الصراعات النفسيه .........


البنت زلت وكل وحده معرضه انه تغلط لكن هل وحده منكم قررت انها تفضح نفسها





اي وحده منا الها سرها الدفين والها مواضيع ما تبا حد يعرف عنها الانها بتجلب الها نوع من الشماتته ما بالكم بموضوع عرض ........


وهالريال ما بينقهر وهي بتتحمل ردة فعله الله العالم شو بيسوي واللي اتقول يتم وبعد 4 شهور يطلع هذا حل؟؟؟؟؟؟؟؟؟؟؟؟؟؟؟

وبالذات في مجتمعاتنا

اوكي وقهر هالبنت هاي صغيره تضمنين انه من قهرها ما ترد وتغلط مره ثانيه ...


يا ناس خافوا الله الحل مش تطلع من ستر ربها اذا ربنا يستر على مذنب الليل عشان عل وعسى يتوب في النهار والعكس تروح وهي دام انه الله ساترنها تفضح عمرها ولا تسويها ولا تفكر واتحدى وحده منكم انه اتشل سمعتها على كف عفريت وتعترف باعترافات يمكن تنهيها من الحياه وتحليها جدار يركن عليه الاغلاط ....


فكروا بحل الايجابي


اولها لازم تسوي فحص نسائي وتتأكد وبعدها تقرر شو اللي تقدر تسويه بدون شي يغضب الله

اختي رومنطقيه ورومنسيه صباح الخير لأن انا بالدوام ... أول شي اهنيكم على على الرد الي تفضلتوا وشاركتور ... فيه طبعا بما انا طرحت قضيه .. لازم بسمع فيها كل الاراء وطبعا الرأي الاول والاخير مو لي ولا لكم هو لها . من بعد رب العالمين.... بس فعلا كلام اختي رومنسيه ..انا استغرب شلون تفكر الي تقول تعالي وفضحي نفسج.... بس هو راي وانا ااحترمه وانا متأكده ان يمكن بعض البنات مو مرتباطات او يمكن ما مروا بظروف مشابهه .... عشان جذي يعطون النظره السطحيه للموقع .. فعلا اختي رومنسيه البنت لو تكلمت اول شخص راح يروح فيها والدتها المريضه ... وبعدين عادي يمكن تنذبح على يد خوالها .... ولو كان الموضوع ببساطه انها تتعرف ما تكلفنا من البدايه وطرحناه ......

تحياتي لكل الي شاركو....... والمشاركه مفتوحه للجميع

السلام عليكم ...شدني الموضوع وحبيت اني اساعد الاخت بردي ...لكن لي نصيحه للاخت انها اول شي تطلب الرحمه والمغفره من رب العالمين مب من الناس هي صح اغطت لكن غلطها هذا لازم رب العالمين يسامحها عليها عقب تطمح لرضى الناس ...وعندي معرفه بانسانه الله اراد لها الستر سبحان الله هاي الانسان زنت مره ونفس حال الاخت اتوقعت انها فقدت عذريتها لكن كان املها برب العالمين اكبر وندمت وتابت الحمد الله وكانت مثل الاخت اتفكر في الستر وانها اتكون عايله فالله رزقها بشخص وهي سترت على عمرها وما خبرته ولا فكرت اتسوي اي عمليه ورب العالمين اراد لها الستر لانها تابت توبه صادقه و خالصه وتقول هالاخت انها كانت خايفه ليلة الدخله من ان تنفضح بس كانت تدعي ومتوكله على الله انه بيسترها وسبحان الله ريلها مااكتشف شي وكانت كانها بنت طبيعه بغشاء البكاره ...من هالتجربه اختي نور طمني اربيعتج ان رب العالمين يستر على عبده للي صدق ناوي الستر ...وعيبني رد الخوات همس القلوب Romanciahردودهم كانت واقعيه وحاسين باللي اتعانيه البنت .. لان البنت في رايي محتاجه من الناس حد يطمنها مب حد يلومها ويعاتبها اللي له الحق يحاسب ويعاتب رب العالمين مب الناس
ونور الغاليه خلي ربيعتج دوم اتكرر هذا الدعاء في سجودها وصلاتها " اللهم استرني فوق الارض وتحت الارض ويوم العرض عليك"
والسموحه ان طولت عليكم .. واالله ان شاء الله بيستر على ربيعتج يانور وبيسعدها وبيرزقها الذريه الصالحه اذا كانت توبتها ان شاء الله صادقه

همسه حب للأبد تسلمين .... على الرد الي تفضلتي فيه ...تسلمين الف الف شكر لج ان شاء الله اوصل لها الدعاء هذا

كل اللي اقوله الله يستر عليها ودام البنت تابت توبه صادقه الله يوفقها ويسخرها لزوجها

هلا خواتي ..

وتسلمين يا نور لكن ما حبيت اني اشارك وانا مب حاسه في هالبنت ... والله يا بنات بس بمجرد انج تكونين بمكان هالبنت بتحسين شو يعني معاناه ... الناس ما ترحم ولا كلام الناس يرحم , ولو ردينا عليها بسطيحه الافضل انه ما نرد لانه وبكل صراحه هالشي له اثر رجعي في نفس البنت وبدل ما نشجعها على توبتها نحبطها وهي بنت صغيره ونردها للغلط وانتوا مب حاسين ......

تستر على عمرها يا نور و اتمنى انها ما تفكر بطريقه سلبيه و تتأكد من طبيبه نسائيه بارعه و ادور الحلول بعدها تدرين اللي اتقول خلها اتقوله عمرها ما حطت نفسها بموقف هالبنت المسكينه ...... اتعاطف معاها لانها تابت وخير الخاطئين التوابين يا ناس .... من حقها تعيش حياه طبيعيه مثل اي وحده اتفضلت وقالت تفضح نفسها ..... واحنا لو عندنا مشكله بسيطه انخاف انشمت فينا الناس و هاي الانسانه مشكلتها اكبر من انها تنقال ...... نتمنى فعلا من الاداره انها ما تخلي كل وحده تشارك في قسم الحلول اذا كانت حلولها غير منطقيه او غير واقعيه لانه هالشي يألم وهالشي محاسب عليه وهالنصيحه الجارفه تأثر على نفس البنت والله اعلم تالية هالنصيحه


كل وحده اتحط نفسها بهالموقف توقف في وسط زحمة ناس و اتشوف اهوال القيامه و توقف بين رب العالمين وتنسأل على هالنصيحه شو بيكون ردها ؟؟؟؟؟؟؟؟


تتخيلين وانتي في اهوال يوم الحشر وتنسألين عن نصيحه ابديتيها في النت ولا اكترثتي بصاحبتها ؟؟؟؟؟؟


ربي يستر عليها وعلينا دنيا واخره وصدقيني اتخلي يقينها بالله انها تايبه وانه الله ما بضيع اجر توبتها .... تتوكل على الله و اتشوف الحلول الطبيعيه لانه الحل مش في غشاء البكاره نفسه :) ما عليها خوف ان شالله

صح كلامج أختي Romanciah

الإنسان يا أخوات لما يذنب ويتوب يحتاج منكم كلمة ترد له روحه، كلمة تحسسه برحمة الله سبحانه

العتب ما يفيد لأن إللي صار ماضي وأنتهى ومهما قلنا الزمن ما راح يرجع علشان نغيره..

والإنسان مهما علت مكانته بالدنيا يبقى ناقص ويبقى أسير لأبليس والدنيا والنفس والهوى ..

خلونا نحط في بالنا أن الله سبحانه غفور رحيم، يقبل توبة المذنبين فمن نكون علشان ما نغفر

للناس زلاتهم؟؟ أستغفروا الله يا بنات وأسألوا الله أن يثبتها ويستر عليها في الدنيا والآخرة..

وتذكروا قول حبيبنا محمد صلى الله عليه وسلم: ((التائب من الذنب كمن لا ذنب له‏))

وأحياناً كثيرة ينصلح حال التائب عن الذنب بحيث يكون أفضل خُلقاً ممن لا ذنب له..

لنكتفي بالدعاء لها بالستر والهداية والثبات..


اللهم أستر علينا وعليها في الدنيا والآخرة

اللهم يا مقلب القلوب ثبت قلوبنا على دينك وطاعتك

اللهم أني أسألك يا مجيب الدعوات أن تغفر لها وتقبل توبتها وتستر عليها

وتجعل في زواجها هذا زيادة لها في الصلاح والهداية وأرزقها يا ربنا بالذرية الصالحة

لتكون لها قرة عين بقدرتك يا عزيز..



والسلام عليكم ورحمة الله وبركاته

السلام عليكم ورحمة الله وبركاته..



ما في اي نوع من الغش.. بالعكس هي تستر على عمرها وتنقذ حياتها..
يا اعضاء لا تتفلسفون وتخربون حياة الاخت الكريمه التي هي على ابواب الزواج.. هي ادور حل مش خراب بيت باكمله؟؟

حبيبتي خلها تستر على نفسها والله غفور رحيم وبيستر عليها..
انتو تعرفون شو يعني الاخت لما تقول انها مش عذراء؟؟؟؟؟؟؟؟؟؟؟؟؟ يعني تخرب بيتها وبيت اهلها ومحد بيتقدم لا حقها ولا حق خواتها والام بتصيبها حاله والاب بينصدم والكل بيكره الانسانه هذي؟؟؟؟؟؟؟
الاخت تابة توبه ورجعت لله والله ستر عليها وباذنه بيغفر لها.. فليش هي تفضح عمرها وتخلي عمرها علكه في حلوج الناس؟؟؟؟

حبيبتي خلها تستر على عمرها وان شاء الله ما بيصير الا الخير باذن الله.. وفي ليلة الدخله هي بتخاف وهذا الشي اكيد.. خلها تتوكل على الله وتسمي بسم الله..

تعاليلي علخاص ابغيج اشوي حبيبتي..

وشكرا..

انتي عضوه رقم تقرئي ردي-موضوعي






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

السلام عليكم ورحمة الله وبركاته
الله يتقبل توبتها ويغفر لها وللجميع ان شاء الله انا اذكر اني كنت حاضرة محاضرة للشيخ نبيل العوضي وجاه نفس السؤال وانها على وشك الزواج وكان رده انها تستر على نفسها وتكثر من الدعاء ولا تقول لخطيبها لان اغلب الشباب ما يشعرون بذلك وعليها اكثر شي انها تستغفر وتتوب الى الله وتستر على عمرها لان الله ستير يحب الستر وتكثر في دعائها بقول يا ستير يا من تحب الستر اللهم كما سترتني في الدنيا فاسترني يوم القيامة.....وشكرا..