والرسالة انا طرشتها لرومي على الرسايل الخاصة بس حبيت اني انقلها لكم عشان تشجعونها وتشجعون الي نفس حالتها ...
السلام عليكم رومي ...
تدرين هذي ثالث مرة اكتب لج رسالة في هاللحظه وتنمسح علي :mad2: قسم بالله قهر اكون كاتبه مطولة بس مادري شو يصير ..
الله يستر ..
انا من كم يوم كنت افكر فيج .. بس خليني اعطيج مقدمه شوي ..
انا توني والدة من شهرين ونص وانتي عارفه هالشي .. وعشتي معاناتي في المنتدى والتعب والولادة وألمها .. بس تدرين شي ؟؟
تصدقين اني اشتقت لهذيج الأيام واشتقت للكرش :D2 وملابس الحمل وشكلي وانا حامل والاهتمام والدلع ؟؟
الموضوع وما فيه ؟؟ انتي ليش حارمة نفسج من هالنعمة بحجة انج مب مستعدة وخايفة ؟؟ الحريم الي ولدوا بشوو احسن منج ؟؟ ولاااااااااااااا شي ..
وحرام ان كنت تاخذين حبوب منع واللا شي بالذات ان كنتي تفكرين انج تبين تستانسين بحياتج .. لين متى بتستانسين ؟؟ ما تحتاجين تغيير ؟؟ ما تبين طفل يزين عليكم دناياكم .. ؟؟
طبعاً انا ما اعرف ظروج الخاصة .. بس ابا اوعييج ان كانت هذي اسبابج ..
كم تسوى الدنيا لما تسمعين كلمة ماما واللا حتى تسمعين كلمه هذا ولد فلان وفلانه .. والله احساس حلو .. وحسيت بالحريم الي اييبون 10 يهال لأن انا في خاطري املي المكان فيهم ..
والله يا رومي ما تتخيلين احساسي لما اكون معصبة ومتضايجة من مصبح لما ما يبا ينام وانا اكون تعبانه تدرين والله اكون اصرخ وهو يبتسم في ويهيي .. امووووت مكاني واحضنه بقو وودي اطير فيه .. واللا شو احساسي لما يبتسم لي ويقول (اغغه) يااااااربي ودي افعصه هههههههههههههههه
يعني في هالصورة هو يبا يلاعبني ..
وغيرها لما يكون في مكان ثاني وانا اتحرك يتابعني بعيونه واسمعهم يقولون شوفوا ما شالله عارف امه ... واللا لما يكون شبعان وانا اعطيه يرضع من صدري لما اغيب عنه مده يرضع وهو شبعان اسمع امي تقول ( مشتاق لصدرج) ما تتخيلين احساسي كيف ..
رومي حبيبتي لا تحرمين نفسج من هالمتعة ترا الولادة ما تخوف رغم مصاعبها .. بس كلها تساهيل .. واحساس ينتهي والله بمجرد طلوع الراس .. تكونين في قمة النشاط ..
اسمحيلي على هالتدخل بس لأني دوم اقرا كلامج انج مب مستعده وخايفة .. اتركي عنج هالرهبة وعيشي فرحة سماع ..
1- انا حامل ( لأهلج وريلج)
2- انا في الشهر السادس ( قطعتي نص شوط الحمل)
3- انا فيني ولد _بنت
4_ انا طالعة اجهز اغراض البيبي
5- موعد ولادتي ان شالله ........
6- رومي في المستشفى بتربي :D2
7- تهاني البنات في المنتدى :D2
واااااااااااااااو والله حلو قسم بالله لو مب ظروف دراستي والجامعة لكنت كل 6 شهور بحمل هههههههههههههههههه (قطوة)
مع اني من اشد معارضين انه الوحدة تحمل وولدها صغير على الاقل تصبر سنتين بس شفت نفسي ما اقدر هههههههههههههههههه
اعذريني مرة ثانية على التدخل بس والله من حبي لج حبيت اني اقولج هالشي وانبهج بس .. وان كانت ظروفج غير ترا الله يفرجها عليج .. وهالرسالة بعد لكل وحدة مأجلة حملها لسبب الخوف ...
والسموحة ...
يعني ماشالله شوفوا توقيع استاذتنا حبيبة ..
سيأتى يوما احمل فيه صغيرك أهدهده وأغنى له,
ألبسه ثيابه الجميله,
وأمد له لعبته الصغيره,
أقبله وأناغيه,
أنظر له وأستخرج من ملامحه أشباهه,
هل هو لأمه الحبيبه أم لوالده الغالى,
حتما سيأتى ذلك اليوم فقط اصبرى واكثرى من الدعاء,
وستنالين مرادك ان شاء الله,
ايتها الغاليه لاتحزنى وثقى فى ربى الرحمـــــن :clap:
شوفوا ما احلاه ... متفائله ماشالله ...
بعدين حلاة الوحدة تكبر مع عيالها .. شو الفايدة يكون عمري انا 40 سنة مثلاُ وأول طفل لي عمره 5 سنوات ... متى بيدرس وبيتزوج وبشوف عياله ؟؟؟
هذي وجهه نظري بس ... وان شالله تتقبلونها .. كان ودي ادعم موضوعي بصور صبوحي فديته بس انتوا اتخيلوا ضحكه طفل بدون اسنان هههههههههههههه فديته احلى شي نفس هذي بس مب واضحة عدل حتى شكله ياي يضحك ..
عاد انتوا كل وحدة وانتاجها كيف هههههههههههههههههه .. والله حلوين .. الله يرزق كل محروم ان شالله ...
لا تزعلين حبيبتي رومي بس حبيت اسوي لج حوافز :cool2: