مرحبه خواتي
ياليت اللي عندها خبره صح ترد علي بصراحه
انا وحده عندي مشكله بالدوره الشهريه اللي مو راضيه تنتظم معاي تخيلو من شهر 11 للسنه الماضيه 2004 انقطعت الدوره وضلت 3 شهور منقطعه ولا لها أثر راجع دكتوره امراض نساء
وقالتلي عندج ضعف في التبويض وعطتني حبوب تنزل الدوره غصبا عليها وخذيت العلاج لمده 3 شهور واخرها كان شهر سبعه اللي طاف والناس يقولولي انه اللي تتزوج تتحسن دورتها وتتغير هرموناتها وانا الحين عروس من شهر سبعه اللي طاف والمفروض انه الدوره تنزلي بروحها بتاريخ 11 اغسطس بس مانزلت سويت تحليل حمل وطلعت مو حامل شسوي يا ربي لاني حامل ولا الدوره راضيه تنزل وتتسنع واللي خايفه منه انه هالشي يأثر ويسبب عدم الحمل واصبح امرأه عاقر :( وحياتي الزوجيه تتدمر
يا ترى هل ضعف التبويض علاجه صعب وهل أملي بالحمل ضعيف ماني قادره انسى هالموضوع تخيلو انا عروس والمفروض اني استانس بشهر العسل الا انه الدوره سوت العسل بصل الموضوع مو راضي يروح عن بالي الا لمن أتطمن انه مافيني شي واذا بسأل الدكتوره ما تعطيني كلام واضح يمكن علشان ماتجرحني
والله يعطيها العافيه لكل وحده تصبرني وتصارحني
عروس والدوره الشهريه سوت شهر العسل بصل
ل
12-08-2005 | 09:59 PM
ع
12-08-2005 | 11:56 PM
الله يعينج اختي ..
بس جربي غيري الدكتورة الي تروحين لها .. حاولي تعالجين ضعف التبويض الي عندج .. لا تيأسين ..
انا ما عندي خبرة بالموضوع بس انتي روحي كذا مكان وشوفي الاحسن لج
والله يشيل عنج الهم ياارب
بس جربي غيري الدكتورة الي تروحين لها .. حاولي تعالجين ضعف التبويض الي عندج .. لا تيأسين ..
انا ما عندي خبرة بالموضوع بس انتي روحي كذا مكان وشوفي الاحسن لج
والله يشيل عنج الهم ياارب
و
13-08-2005 | 01:20 AM
لا تكدرين روحج حبيبتي أستانسي وما فيج إلا الخير
وضعف التبويض له علاج انشالله
بيعطونج منشطات
وشكلنج من كثر ما بتاكلينها
بتيبين خمسة مرة وحدة
وبنسمع عنج بالأخبار
وضعف التبويض له علاج انشالله
بيعطونج منشطات
وشكلنج من كثر ما بتاكلينها
بتيبين خمسة مرة وحدة
وبنسمع عنج بالأخبار
ع
13-08-2005 | 01:30 AM
لا تخافين حبيبتي
انا سمعت عن بنات وايد كانت الدورة مو منتظمة عندهم وتقطعهم بعد والحين عندهم عيال
لا تتحاتين توش عروس الله يهنيش وينولج الي في بالك ويعطيش الذرية الصالحة
انا سمعت عن بنات وايد كانت الدورة مو منتظمة عندهم وتقطعهم بعد والحين عندهم عيال
لا تتحاتين توش عروس الله يهنيش وينولج الي في بالك ويعطيش الذرية الصالحة
ج
13-08-2005 | 03:28 AM
حبيبتي انا وكثير من البنات تكون الدورة غيرمنتظمة عندنا لا بل وصلت عندي لحد انها تقطعني بالشهرين والثلاثة..
وحتى بعد الزواج تحسن الامر ولكن قليلا جداً... اصبحت تتأخر ... واحيانا شهر تأتيني وشهر لا...
لكن احب اطمئنك ان ذلك لايمنع الحمل ابداً .. والدليل هو القمر اللي بحضني الآن...
داومي على العلاج وستحملين باذن الله...
وحتى بعد الزواج تحسن الامر ولكن قليلا جداً... اصبحت تتأخر ... واحيانا شهر تأتيني وشهر لا...
لكن احب اطمئنك ان ذلك لايمنع الحمل ابداً .. والدليل هو القمر اللي بحضني الآن...
داومي على العلاج وستحملين باذن الله...
ز
13-08-2005 | 06:16 AM
اختي الغاليه ادري انه ردي على موضوعج متاخر بس كنت والله مسافره
على العموم مشكلتج مثل مشكلتي بالضبط بس انا ماابي اخرعج
شوفي حاولي تعالجين نفسج بنفسج
اولا شي روحي عند الصيدليه وقولي له انه تبين حبوب لتنزيل الدوره وبعدها اكلي حبوب لتنظيم الدوره وبعدها ثاني يوم لج من الدوره اكلي حبوب كلوميد الدوا الاخيركلوميد انشالله الشهر الثاني من شهر العسل تكونين حامل وبتدعين لي هههه
على العموم والله انا من تزوجت لي الحين مخربطه عنديالدوره وفيني تكيس على المبيض بس الحمدلله سويت تلقيح صناعي ورزقت ببنوته وبعدها بثلاث سنين سويت اطفال انابيب والله رزقني والحمدلله بولد مثل القمر يسلم قلبه :)
بصراحه مني انا الي ما اهتميت في نفسي يوم كنت بنت يعني كانت تجيني الدوره كل 4 شهور مره تدرين البنات يبون يفتكون من الامها لكن طلعت علينا عكس
على العموم الله يهنيكي ولا تهتمين انشالله ويرزقك الذريه الصالحه واي سؤال غاليتي انا حاضره انشالله
اختك
ام انس
زهرة
على العموم مشكلتج مثل مشكلتي بالضبط بس انا ماابي اخرعج
شوفي حاولي تعالجين نفسج بنفسج
اولا شي روحي عند الصيدليه وقولي له انه تبين حبوب لتنزيل الدوره وبعدها اكلي حبوب لتنظيم الدوره وبعدها ثاني يوم لج من الدوره اكلي حبوب كلوميد الدوا الاخيركلوميد انشالله الشهر الثاني من شهر العسل تكونين حامل وبتدعين لي هههه
على العموم والله انا من تزوجت لي الحين مخربطه عنديالدوره وفيني تكيس على المبيض بس الحمدلله سويت تلقيح صناعي ورزقت ببنوته وبعدها بثلاث سنين سويت اطفال انابيب والله رزقني والحمدلله بولد مثل القمر يسلم قلبه :)
بصراحه مني انا الي ما اهتميت في نفسي يوم كنت بنت يعني كانت تجيني الدوره كل 4 شهور مره تدرين البنات يبون يفتكون من الامها لكن طلعت علينا عكس
على العموم الله يهنيكي ولا تهتمين انشالله ويرزقك الذريه الصالحه واي سؤال غاليتي انا حاضره انشالله
اختك
ام انس
زهرة
^
13-08-2005 | 07:33 AM
ياااااااااارب تطمنك انشاءالله
c
13-08-2005 | 02:24 PM
حبيبتي انا انصحج تابعين مع دكتورة من البداية
لا تتنتظرين الامور تزيد
ومن زود التفكير ترى تخترب الدورة اكثر
لا تتنتظرين الامور تزيد
ومن زود التفكير ترى تخترب الدورة اكثر
ا
13-08-2005 | 04:11 PM
حبيبتي عندى نفس حالتج الاولانيه بنت عمى كانت ماتجيها الدورة وهي بنت تقعد بالسنه يالله مرة لو مرتين ومن تزوجت انتظمت عندها وحملت والحين عندها اربعه وعندى اختى نفس الحاله بس لما تزوجت ما انتظمت وفحصت طلع عندها تكيس مبيض وخمول بالغده المهم خذت عسل طبيعي وهم خذت ادويه من حرمه وقت الدوره اللى اهى تنزلها بالحبوب وحملت ما شاء الله ويابت ولد يهبل عمرة الحين شنتين بس نفس الشيء بعد الولادة ما نزلت الدورة واهى الحين تبي الثانى الله يرزقها المهم اللى بغيت اوصلها انشاء الله بتحملين لا تخافين بس راجعى عند دكتورة امراض نسا ووقت تنزل الدوره اخذى علاج بدو اخاف فيج سدد وانصحج بام محمد واخذي عسل طبيعي لعلاج التكيس والله يرزقج
n
16-08-2005 | 08:45 AM
السلام عليكم ورحمة الله وبركاته
اختي العزيزه انا لي قريبه ماجاتها الدوره 4 شهور وراحت للدكتور وقالها مو حامل بس عندك كيس وضلت المسكينه تضرب على بطنها عشان تفجر الكيس ولمن وصلت الشهر الخامس اكتشفت انها حامل والان ولدت وجابت ولد ويمكن انتي تطلعين حامل وعلاج التبويض سهل بالمنشطات والابر بس انصحك غيري الدكتوره
اختي العزيزه انا لي قريبه ماجاتها الدوره 4 شهور وراحت للدكتور وقالها مو حامل بس عندك كيس وضلت المسكينه تضرب على بطنها عشان تفجر الكيس ولمن وصلت الشهر الخامس اكتشفت انها حامل والان ولدت وجابت ولد ويمكن انتي تطلعين حامل وعلاج التبويض سهل بالمنشطات والابر بس انصحك غيري الدكتوره
h
16-08-2005 | 08:55 AM
اخت ليلى لا تخافين حالتج تشتكي منها الكثير من البنات
انا كنت وحده فيهم
والحين الحمد لله انا حامل بالشهر الثاني
علاج ضعف التبويض سهل جدا
حبوب وابر ووايد اشياء
بس انا نصيحتي لا تروحين بروحج عند الصيدلي ولا تاخذين اي حبوب بدون وصفه طبيه
لان الحبوي هاذي عباره عن هرمونات فلا تخربطين هرموناتج بنفسج
الطبيب افهم من 100 صيدلي مع بعض
وشوفي ردي على الخاص
انا كنت وحده فيهم
والحين الحمد لله انا حامل بالشهر الثاني
علاج ضعف التبويض سهل جدا
حبوب وابر ووايد اشياء
بس انا نصيحتي لا تروحين بروحج عند الصيدلي ولا تاخذين اي حبوب بدون وصفه طبيه
لان الحبوي هاذي عباره عن هرمونات فلا تخربطين هرموناتج بنفسج
الطبيب افهم من 100 صيدلي مع بعض
وشوفي ردي على الخاص