هلا فيكم حبيبات قلبي
امس رحت السوق وكانت طلعه سنعه ،، رحت مجمعين وماخليت محل ما دخلته
تعالوا شوفوا حصيلتي من المكياج
اول شي خذت من وجوه
عطر سينما الكبير
وكنت ابي اخذ لخالتي آيلاينر من مدينه ميلانو ،، شافته عندي و عجبها
للأسف ما لقيت لكم صورته
بس عرفتوا كحل جيرلان الفيروزي
تقريباً نفس اللون واحلى بعد وميزته انه سائل مو باودر مثل جيرلان
ولما اغسل وجهي يروح كل شي حتى الاساس ويبقى الآيلاينر حتى ما يخترب ، وبعد معاناه يروح مع مزيل مكياج العيون ،، رهيب يا بنات لا تفووتونه
بعدها خذت من القرشي تولتين مسك العورس ،، لأن بو الشباب صار يشاركني فيه:pain:
بعدها رحت باريس جاليري
كنت ابي اخذ دبل وير حق امي ،، تصدقون يا بنات ان درجة 02 طلعت اوكي على امي ويمكن افتح منها بدرجة
المهم خذته لها
و خذت ليMaximum Cover
اللي مدحته مناري للدمج مع الدبل وير الغامق وفعلاً حتى على يدي كان رووعه
خذت رقم 04
اللي يقهر اني لقيت عطر سينما بنفس السعر اللي خذته من وجوه بس معاه شنطه وكريم اساس و روج و عطر صغير وبعد كانوا بيسون لي خصم
يالله شنسوي الله مقسم الأرزاق
رحت محل 4 u
خذت لي بودرة جيرلان
البيج خذتها ريفل لأن عندي العلبه
وعجبني الروز خذتها مع العلبه
شفت خبرة تجميل استي لاودر عندهم حبوبه مو مثل اللي في باريس جاليري ما تفهم شي
المهم قلت لها عن الاشياء اللي شريتها من باريس جاليري وقالت لي ان الدبل وير الحين منزلين في الخليج درجات جديده فاتحه عشان جذي 02 طلع لونه مناسب
المهم كنت ناويه اسألها عن الشغلات اللي نصحتنا فيها مناري بس هي سبقتني
مدحت لي مجموعة التنظيف نفس اللي عند مناري ،، قلت اخذها بعد ماخلص مجموعة ديور اللي عندي
ان شاء الله
وجربت لي على يدي السكراب الحراري
Idealist Micro-D
Deep Thermal Refinisher
فعلاً رووعه وكنت باخذه بس يحليلها البياعه قالت لي خليه مره وحده مع مجموعة التنظيف،، المره الجايه بأذن الله
وجربت
Idealist
Skin Refinisher
شحلاته وشحلاة نعومته و ملمسه رهيييب
البياعه قالت لي اعطيك عينات و جربيها براحتك في البيت :yes:
بس انا قلت لها باخذه الحين الحين مو مصدقه من روعته:no:
وقلت لها بعد ابي المرطب اللي دوم استخدمه لأنه قارب على الانتهاء
:eek2: طالعتني البياعه جذي وقالت ليش تاخذين كل واحد بروحه
عشان جذي عطتني هالمجموعه ،، وناسه فيها المرطب اللي استخدمه و Idealist
زين حصلت مثلها لأني قلت لمناري لو ما حصلت المجموعه طرشيها لي من الكويت:cool2:
خلصنا من المكياج اللي شريته امس:cry:
وشريت من اجمل بودرة دهن العود رهيييبه و تناسب كل انواع العطور
وخذت عطور rain drops و اشراق ،، عندي بودراتهم من قبل
ودهن العود :: سيف الهند
ومن gusse خذت جينز و بدي لبو الشباب
والله هالانسان متدلع اكثر مني :think:
وخذت لي فستان شيفون نعووم
اي صح كنت ابي هذي اللمعه من رد ايرث
بس للأسف ما حصلتها
وخلاص ردينا البيت مع ان كان بخاطري اكمل
اي خل اقول لكم اول ما رديت البيت الا امي عندها الـ
Maximum Cover
وطايح عندها ما تستخدمه ،، عاد الله يعافيها ما قالت لي من قبل ههههه
بس خلاص
ادعوا لي اليوم احصل عدسة ديور على درجة نظري ، لأني تعبت وانا ادور ،، واخذ نظارة شمسيه وارتاح
احبكم :flower: سامحوني طولت عليكم بالسوالف
:flower::flower: وهذول مخصوص لمناري الحلوه اللي دلتني على شغلااات رهيبه
