كيفية التعامل مع ام ريلج وبنتها

نونابسام

اشكرك على الموضوع القيم
طبعا كثير منا يعرف ان المشاكل مع اهل الزوج غالبا ما تكدر صفو العلاقة بين الزوجين
من هنا تنبع اهمية التركيز على هذه العلاقة والحرص على عدم تكدير صفوها
انا عن نفسي اسكن مع اهل زوجي والحمدلله طيبة وكرم ومستمتعة معاهم
فدايم احرص اني اكون متواجده معاهم
واشاورهم واشاركهم في اموري
واحرص على تقديم خدماتي لهم
والاهتمام بمشاكلهم
وطبعا هذا كله تحت ظل عدم التدخل في مواضيعهم الخاصه الا اذا طلبوا رأيي ومشورتي
اذكر زوجي مرات بالاتصال بهم في حال المرض اذا ماكان متواجد
احفظ اسرارهم وما اذكرهم الا بكل خير جدام اهلي وربعي

والكلمة الطيبة والابتسامة دايما مفتاح القلوب
وسلامتكم:clap:

الله يهنيج ويسعدج فعلا اخترتي الاسلوب الصح وفكيتي عمرج من صدعة الراس

انا وحبي:
الله يهنيج ويسعدج فعلا اخترتي الاسلوب الصح وفكيتي عمرج من صدعة الراس

انا وحبي

وياج الغالية

الحمدلله الله انعم علية بأهل زوج والنعم فيهم بلا حول مني ولا قوة

في كثير من البنات يعانون مع اهل زوجهم بس بالصبر والتوكل على الله يقدرون انهم يتأقلمون في حياتهم

الله يوفق الجميع

آمين يارب اوفق كل بنات المسلمين=================================

السلام عليكم ورحمة الله وبركاته

الله يوفق

مشاركتهم أفراحهم واحزانهم لو حد مريض تسألين عنه
تخصصين وقت للجلوس معاهم
تعتبرين عمتج مثل أمج وأخته مثل أختج تصرفي بطبيعية

ورد الامارات ما قصرت كلامها عين العقل

بصراحه موضوع للنقاش جميل بالنسبه لي...
أنا اعاني وايد من هالمشكله...
هم يبوني دووووووووووووووووووم معاهم داخله وطالعه معاهم.. شو أنا ما عندي أهل يعني ما ابي اشوف امي و ابوي و خواتي..
و ليش استشيرهم ؟؟؟ ليش يتدخلون بإموري ؟؟؟ هم يتكتمون بأمورهم و انا اخبرهم عشان العالم يعرف انا وين رايحه و شو عطيت فلانه من هدايا و شو اشتريت!!!!

انا علاقتي معاهم احترام و كل واحد ما يتدخل بأمور الثاني ... ازورهم و اعطيهم هدايا مثل ما يعطوني و اتصل بيهم و اذكر ولدهم بهم ... بس بحدوووود

انا اقوللك عن تجربتي

شوفي ، اولا انا مش باحب ادخلهم في امور بيتي او علاقتي بزوجي علشان ما يتعودوش على كده ووقت ما احب انهم ما يتدخلوا الاقيهم حاشرين نفسهم في كل حاجة فمن الأول مش بادخلهم

وبعدين اكلم حماى دايما واعرف بيحب ايه واعمله له يعني كيك، حاجة حلوة وابعثها هدية وكنت اعمل كده من ايام الخطوبة

لو حد من اخواته مرض او عنده مناسبة تلاقيني على طول بازوره وافكر زوجي واقربه منهم دايما، في العيد مثلا عملت بومبنيرات مليانة حلويات وبالونات وبعثتها لأطفال اخوات زوجي وعجبوهم قوي ، ممكن لو رايحة السوق وشفتي توكة حلوة او غرض بيبي ظريف وسعره حلو تجيبيه هدية لابن حد من اخوانه او اخواته ، عارفة تهادوا تحابو برضه ، والمثل بيقول انا غنية واحب الهدية، خليكي دايما بشوشة معهم ولما استقبلهم في بيتي ابقى شوية هاشيلهم فوق راسي يعني من امور الضيافة وغيره ولا استخسر فيهم شيء (وده كرم ضيافة يعني مش باعمل حاجة مش متعودة عليها)

بالنسبة للاتصالات مع اخواته ، وازواج اخوانه اللي بيتصل بي باكلمه واللي يودني اوده لكن والده هو الوحيد اللي دايما ابدأ بالكلام معه واتصل به واسأل عنه (وده بقى له مفعول السحر لأنهم لما يشوفوا والدهم راضي بينبسطوا) ولما تعاملي ابنائهم كويس تلاقيهم برضوا يفرحوا

مرة واحدة قالت لي انت لما تشوفي حد بيحب اولادك وحنين عليهم بتحطيه في عينيك وانا باعمل كده مع اولادهم والحمد لله النتيجة حولة بمشيئة الله ولطفه


ودايما خلي نيتك ارضاء زوجك وارضاء الله

نسيت اقوللك انت كمان ما تتدخلي في شئونهم واحفظي لسانك من الغلط في حد امامهم يعني اوعي يكونوا مثلا بيشتكوا من زوجة حد فيهم وتعيبي فيها انت كمان ، الكلام هيوصل هيوصل، فاحفظي لسانك

لو لاقيتيهم مع بعض بيتكلموا في حاجة بصوت واطي مثلا اتركيهم على راحتهم واخرجي من المكان ولا تدخلي الا لما يندهولك علشان ما يحسوش انك بتفرضي نفسك عليهم

هلا فطامي

الاحترام هو اهم شي طبعا وهو اساس اي علاقة
بس لانتسين انه هذيلا اهل ريلج
طبعا كلنا عندنا اهل وما انقصر فيهم بس الوحده من تتزوج لازم اتحاول انها اتزيد الروابط مع اهل زوجها لانه هذا الشي له فوائد كثيره منها
زيادة حب وتقدير زوجج لج لتقديرج ولقربج من اهله
بمشاركتهم امورك انتي اتحسسينهم انك منهم وفيهم ومع الوقت الروابط بتزيد خاصة بعد ما الله يرزقج بالعيال انشاءالله
قدرج عند اهل ريلج كل ما يزيد كل ما فادك في المستقبل اذا لا سمح الله صار بينك وبين ريلج خلافات

الله يوفقك ان شاءالله

موضوع ممتاز للنقاش ..
أنا بكلمكم بلسان أخت الزوج .. يعني أنا والحمدلله عند حريم خوان وعايشين كلنا فبيت كبير كل واحد منفصل فمكان بروحه وله اشتقلاليته فكل شي حتى فالأكل بس نجتمع على الأكل تقريبا 3 مرات فالأسبوع .. المهم بخبركم عن الأمور اللي أحبها واللي اتضايقني في تعاملي مع حريم خواني
أحب لما يدخلون علينا بطبق حلو أو شي يبين إنها تقدر أهل زوجها ..
أحب لما أمي تسير مناسبه عرس مثلا تكون معاها بحكم عاداتنا وتقاليدنا دايما المتزوجه تكون مع عمتها فالمناسبات بغض النظر عن بعض الحالات
أحب إذا يا حد يزورنا تكون حرمة أخوي موجوده
اممممممم
الأمور اللي نتحسس منها
ماحب تدخلها فبعض الأمور الشخصيه بين الإخوان
ماحب إنها تتعامل معاي برسميه
ماحب أيضا انها تتعامل معاي بخبث
ماحب أشعر إنها تحس بالغيره تجاه أي أحد
ماحب إنها تتكلم عن أهلها فكل شي (مثلا : أهلي عندهم 5 خدامات أو من هالقبيل)
ماحب إنها تقلدني فاللبس أو فالمظهر
وأخيرا ماحب إني أحس بعدم الارتياح منها : أحب أعاملها بعفويه يعني تكون مثل اختي واحترمها وأقدرها وأفاجئها بأكله أو هديه ليس بغرض الرياء ...


وسلامتكم .. طولت عليكم .. السموووووووووووووووحه

استفدت وايد من كلام ود الإمارات وكلام اختي bridetobe

مشكوووورين جزاكم الله خير

ومشكورة اختي نونابسام لطرحك هالموضوع

السلام عليكم ورحمة الله وبركاته

هلا بيكي أختي...

نفس رأي أختي bridetobe...

الإحترام المتبادل...و عدم التدخل في الشؤون من الناحيتين...

و عدم الشكوى للزوج مهما حصل...لأنهم أهله...و حتى لو غلطانين لن يقبل عليهم كلمة...

عزيزتي اانا حاليا مش فالبلاد وهذا لظروق دراسه ريلي بس يوم نرد بالعطل اقظي اغلبيه العطله في بيتهم
ام ريلي طيبه بس عليها حركات لكن انا وايد اطنش لاني ما احب المشاكل
يعني ام ريلي كله تقعد روحها لان ذريتها شباب وبنت وحده دومها لاهيه بالدراسه عن القعده مع امها والسوالف مع امها
مثلا انا يوم كنت في بلادي كنت حامل وتعرفين حمل البنيه يخلي الوحده تبى ترقد وعمتي كانت تتضايق حتى اتخيلي مرات كانت تصرخ علي وتشتكيني عند ريلها ومعارفها اني وايد ارقد وما اقعد معاها بس انا اطنش والله وصح يحز في خاطري بس احاول اكسبها يعني انش بسرعه وقمت كله اقعد معاها وما اخليها الا يوم ريلي يقولي تعالي او هي تسير ترقد وبصراحه دايما اقولها يعطيج العافيه والله يخليج لنا ولو الف الدنيا ما احصل ام نفسج
وعلىي فكره انا ما اناديها عمتي او خالتي انا اقولها امي وهذا مفعوله نفس السحر عليها
وبالطلعه والدخله احب راسها ودايما اسولف معاها ويوم تتطلع عزايم لازم اسير معاها واكون لاصقه فيها كاني صديقتها وامزح معاهاوجي يعني وكانها من سني
ودايما امدح جمالها وزينتها وعقليتها يعني كلام من هالنوع عشان اكسب رضاها
وهي من النوع اللي تستانس يوم الواحد يمدحها وانا لاحظت عليها هالشي وقمت استغل فرصه تجمع الاهل وامدح في طيبتها وكرمها وحسن معاملتها ويوم ربيعاتها ييوم البيت اقولهم ما بحصل نفس امي واقولهم انها تنحط على الجرح يبرى
بعدين ما اطول مناسبه عيدميلادها ولا يوم الام الا واشتريلها هديه ويوم نطلع مع بعض اصر على ريلي انه هو يدفعلها لها ولبنتها مشترياتهم هب هي اللي تدفع
ويوم تزعلني ويقولي ابو ريلي اللي نفس العسل لا تزعلين من امج تراها لسانها طويل لكن قلبها طيب اقوله يا بوي انت قلت بنفسك امج..وفي حد يزعل من امه؟؟ يعني وانا اتجنب المشاكل وابدا ما اتمشكل معاهم وابدا صوتي ما يعلى ودومي امزح واابتسم يعني ما احسسهم اني مو حابه الجلسه معاهم..وابوس راس ابو ريلي بالطلعه والدشه واسأله تامرني على شي تبى شي
وما اسير ارقد الا يوم امر عليهم واقولهم تامروني بشي ابوي وامي؟؟
والله انا ما اسوي جي من ورا خاطري لاني ابغي الاجر من الله واتحمل وايد وصبوره وايد على زلات لسان عمتي
يعني اسوي طااااااااااااااف ولا كأني سمعت شي وهي من روحها عقب تراضيني بس ما تقولي انا اسفه لا
يعني تسويلي مثلا الكيكه اللي احبها او تمزح معاي بزياده فاعرف انها تبى تراضيني وما ابينلها اني زعلت منها يعني كل شي طبيعي
وشي ثاني ابدا ما اشتكي لريلي منهم ولا اقوله زعلوني بشي وللعلم ريلي اذا شكيته اهله عادي يتضارب معاهم عشاني ونا ما احب استغل هالشي بالعكس اقول امك طيبه وابوك طيب ويازين عايلتكم والله انهم شيوخ وجي يعني
والله يسعدج وعلى فكره انا بعيش معاهم يعني نفسج ما بعيش بييت بروحي والله المستعان

شكرا بنات ع المرور ان شاء الله نستفاد معكن

أول شي وأهم شي

خلي ريلج بصوب لحالة

وأهل ريلج بصوب لحالهم

يعني إذا تهاوشتين ويا ريلج لا سوح الله

لا تحملين على اهله

والعكس صحيح

والأختلاص وااااااااارد

بس بذكائج تعرفين تتخطين الأمور

يعني عمتي الله يخليها لي

ماتفرق بيني وبين بناتها

مثل ما انا اعزها مثل امي

يعطيكم العافيه جميعا الصراحه استفدت واايد من تجاربكم..

أنا ما أفظل إني أكون معاهم لهذا الحد !!!
كون بعيد بتكون سااالم ... مش بعيد بعيد..

يعني مثلا هل أنا غلطانه : في الإسبوع يشوفوني مرتين..
أودي لهم طبق أو أحيانا شئ بسيط أشتري لعيالهم ..
أشتري لعمتي شيل و عبي و ما أرضى آخذ فلوس منها يوم تطلب مني أشتري لها شئ.. و هي ما تقصر بالهدايا معاي..
أتصل بكل خواته أسأل عن أحوالهم لمدة لاتزيد عن 5 دقائق كل وحده .. ما تدخل بالتفاصيل بس شلونكم و اشلون العيال و دراستهم ..مع إنهم مب كلهم يتصلون فيني..


لكن اي ما احب فيهم : أوقات يكونون عندي في بيتي و أحس انهم يتكلمون عني (يتساسرون).. و يوم يشوفوني يشلون روسهم من بعض ..(اكيد هالحركه بتولد الكره)
يعني لو في شئ أخروه شوي مب عندي..

بعضهم يقدروني بين الفترات و يطرشون لي هدايا و في البعض ما يذكرني بشئ .. بس المشكله إن إذا عطيت الي تقدرني هديه تخبر الكل و الباقي يشل بخاطره ليش ما عطيتهم ... مع إني اشوفهم يتهادون الخوات بينهم و بين بعض و انا ساكته ما اقول وين لي و ليش ما تعطوني..

أم زوجي أحس إنها تحبني و راضية علي .. و بصراحه كل يوم تتصل اتطفرني من المكالمات .. و ساعات تتصل بالبيت مع إنها تعرف إني مش موجوده بس تسولف مع الشغاله و تاخذ الأخبار منها و انا ما احب اخبر عن الي يصير بالبيت لأي حد ..

شو رايكم بوضعي؟؟؟؟!!!!!

ماشاءالله عليج يا فطامي
اسلوبج جيد جدا و مش مقصره معاهم بالمره
ومتخذة مبدأ خير الامور الوسط

حاولي تتجاهلين الاشياء اللي اتضايقك منهم وما اتحطينها في بالك
بيني لعمتك انك تدرين انها تتصل اتكلم البشكاره باسلوب غير مباشر يمكن هالشي يخليها اتوقف هالاسلوب

الله ييسرلك امورك

والله يابنات فعلا انتم روعه الله يعطيكم العافيه وانشالله مستانسين مع رياييلكم
بعيدا عن الهم والغم
مشكورات بنات ع التجاوب في هذا الموضوع
اما انا فلا ادري وش اسوي مع حساسيتي الزائده
ما اتحمل اي شي من عند اهل خطيبي مع العلم انوا مزاح بس طريقتهم بلمزاح ماصخه
وخطيبي حبيبي ينتبه علي ويتكلم معاي ويكولي انوا يتمازحون
وانا هنيه اتشاجر معاه واقوله مش مزاح
بحيث هو جزعت روحه من حساسيتي
وش العمل يارب استفيد من البنات ومن تجاربهم