موضوع مهم ليوم العرس

السلام عليكم ورحمة الله وبركاته
من كثر مااروح اعراس لاحظت شي مهم بالاعراس تعرفون شنو هو:cool2::cool2::cool2:
والله لما تكونون معزومين تحسون بالموضوع اكثر من اهل المعرس والعروس
العروس تكون مستانسه على عرسها وتحس انه احلى عرس بالدنيا بس المعازيم ترا عادي عندهم
يعني تحط بالها على كل شي العروس ترا والله محد يتذكر الا انه حلو او مب مرتب
هذا مو موضوعنا
موضوعي هو العشا
شنو يعني معناته ان العروس تخلي الناس ينطرون العشا؟؟؟؟؟؟؟؟؟؟؟؟؟؟
ترا الحركه بايخه يعني تنزل 10 ونص وتقول لا تصير القاعه ريحتها عشا وخلي الناس ينطرون ترا يا يبا ياعروسه غلط غلط غلط شنو الناس جايين اول شي يشوفون العروس يتعشون ويطلعون مالهم خص بالمعرس اللي يبي يشوف المعرس يشوف اللي مايبي خل يروحون مساكين ترا المعرس يتأخر شنو تعشون الناس 12 ونص
تدرون الفندق متى يبرزون العشا من الساعه 5 مخلص
شدعوه 12 ساعه ناضج العشا وخالص عالنار؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!
وثاني شي وهو اهم شي
بذمتج هالعشا انا رحت عرس رفيجتي والله ان العشا تم مابطلوا البوفيه لين الساعه 12 شدعوه
الناس طلعوا ترا ماينطرون والله نص القاعه طلعت
وتقولي مسؤولة الفندق ان نظام فنادق الدرجه الاولى او اي فندق اي شي يطلع من المطبخ حتى لو مسكر محد ماسكه ينقط بالزباله تخيلوااااااااااااا
ليلة عرسج مباركه تبين تبديها بالشي الصح الاكل بالزباله عيل ليش دافعه ومسويه عشان الشكل العام بس!!!
لا يبا خلوا الناس تاكل وتدعيلكم بالخير بدل ماالله ينكسكم بعرسج وترا ليلة عرسج يستجاب فيها الدعاء
لاتسوين غلطة العرايس الكبيره وعشي الناس اول ماتدشين بعدها بنص ساعه ولاتتأخرين على المعازيم حدج 10 دشي
وسلامتكم