تسوين مثلي؟؟ تعالي نسولف شوي

ماشاء الله ماتركتي شي

على العموم انا مالي خبره بالمكياج كثير بس اعرف شو يناسبني والي بيلبق لي

اما عن نفسي اكثر شي يلفت نظري اللي يحط محدد غامق والروج فاتح احس بشذوذ في الشكل برضو الكريمات الاساس

وما احب الاشياء الغريبه اللي تنحط بالوجه مثل اللصقان والخرابيط هاي

مشكوره اختي

kholoud_sa

يسعدني تواصلك الدائم ،، لا تحرميني منه

وان شاء الله من خبرات البنات في القسم تتعلمين اكثر

واهم شي البنت تعتمد النعومه و تعرف اللي يناسبها :up:

و بخصوص الأشياء اللي ذكرتيها فعلاً احسها شاذه و تلفت النظر

مثل ما قلتي الشغلات الغريبه اللي تنلصق على الوجه ،، مع انه لو انحطت بذوق ممكن يكون شكلها حلو

يعني ممكن حبه او حبتين كرستال في الأعراس تعطي منظر حلو :shy:

بس اللي تحط خط من الكرستالات فوق حاجبها ،، فعلاً احسه شي غريب :down:

بصراحه أكثر ما يضيق النفس .. الذوق نفسه .. يعني تشوفين وحدة بالجامعة كأنها رايحة سهرة!! اباااااااااي كيف يكون شكلها .. والله اني ساعات إذا اقعد مع الدكاترة يقولون لي يعني هذا المكياج الي تضعه بعض البنات هو الطبعي عندكم؟!!! اغير الموضوع ولا رد ..لانه بصراحه مش بس الدكاترة يعلقون البنات الي من ديرتش نفسها تعلق .. ما بالك بالدكاترة وهم غريبين عن البلد!! يستعجبوووووون


يعني للجامعة مثلاً الوحدة شبتحتاج!!!!

ساعات والله إذا ادخل الحمامات وانتوا بكرامه من الصبح اشوف بنات يفتحون حقيبة مكياج فيها الوان الشرق والغرب كلها وصبغ لا تصبغ تقولي لوحه فنية ..

وتقولك شنو : " من الصبح ما مداني !! قلت اي الجامعة اسويه "


بالعكس انا اهني البنت الي تعرف تمكيج نفسها وتطلع نفسها بصورة حلوة لاني احب المكياج عموماً .. لكن المسألة باللنسبة لي ذوق واتيكيت يعني لكل مناسبة وزيارة هندام ومكياج معين


ومشكووووورة عيوني عالموضوع الحلو



تحياتي،،

البنت اللي تحط روج تقولين انه كونسيلر معتقده ان البيج بهالطريقه هو الموضه
+++++++++++++++
ذي الحركه كثير اشوف بنات يستخدمونها
والمفروض البنت اهم شي تستخدم مكياج يناسب بشرتها

ومايعجبني المكياج البرونزي اذا كان كثير وكان الروج برونزي والشدو غامق يطلع شكلها غريب

الشيخه

يشرفني ردك على الموضوع

الكلام اللي ذكرتيه صحيح 100%

والدكاتره ما ينلامون انهم يطالعون البنات بنظرة الأستغراب هذه

لأن البنات هم اللي طلعوا نفسهم بهذه الصوره

وللأسف هم يعتقدون ان كثرة استخدام الألوان فن

ممكن يكون فن حلو لكن مكانه غلط ،، المفروض ما يكون بالجامعه ،، بعرس او مناسبه مثلاً

بنظري ،، البنت حلو ان تروح الجامعه حلوه و مرتبه و مشرقه بمكياج او بدونه

لكن البنت الشاطره او اللي تبي تبين خبرتها في المكياج

الطريقه الصحيحه انها تعرف كل وقت و مكان واللي يناسبه من مكياج

لا تحرميني تواصلك عزيزتي " الشيخه"

فتاة الزهور:
البنت اللي تحط روج تقولين انه كونسيلر معتقده ان البيج بهالطريقه هو الموضه
+++++++++++++++
ذي الحركه كثير اشوف بنات يستخدمونها
والمفروض البنت اهم شي تستخدم مكياج يناسب بشرتها

ومايعجبني المكياج البرونزي اذا كان كثير وكان الروج برونزي والشدو غامق يطلع شكلها غريب

صح البنات كثير يستخدمون هالدرجات من البيج ،، ويغفلون ان هناك درجات عديده للبيج تناسبهم اكثر

بخصوص المكياج البرونزي اذا كان كثير يأتي بنتيجه عكسيه ،، خصوصاً اللي تستخدم باودر و كريم برونزي و تزيده ببقع بلاشر فاقعه و ملفته شاذه
كذلك الشادو الغامق او المبالغ فيه ما يناسب اللوك البرونزي

مشكلة بعض البنات على بالهم انه من الأبداع ان الوحده فيهم تطلع نفسها بشكل مختلف و غريب وبأن كل الألوان و الأشكال تناسبها ،، متناسيه ان طبيعتها مع شوية رتوش متناسقه و تناسبها احلى و اجمل

اختي فتاة الزهور

دام لي تواصلك الجميل

مشكوووووورة أختي رعبوب على الموضوع عجبني حيييييل

ولو أني فعلا ماأستخدم المكياج غير الروج... بس صج فعلا أشوف سوالف بنات ويا المكياج تضحك ومنها اللي تبجي...

موضوعج حلو رعبوب


كل اللي قلتوه ما يعجبني بس بضيف اشياء من عندي

مثلا تلاقون وحدة دائما تحط نفس الروج مع كل الوان الشادو والملابس ما تغير بالمرة وبالذات مثل ما قلتو درجات البيج اذا ما اختيرت صح تبين الوحدة كأنها مومياء او مريضة

وصادفت بنات الله يهداهم يحطون شدو احمر فاقع على كامل الجفن طبعا ما بقولكم شو المنظر اكيد انتوا عارفينه واللي يزيد الطين بله يحطون روج احمر معاه وبلاش احمر

وما يعجبني اشوف بنت صغيرة بعمر 14 او حتى 17 حاطة مكياج يناسب وحدة بالعشرينات او الثلاثينات

ما شاء الله عليك رعبوب ما قصرتي قلتي كل شي

انا مثلك ما أحب اللي تحط لها اساس فاتح خاصة لو كانت سمرا وبعدين تصير رمادية ... لا وتمشي بكل ثقة

ما أحب اللي تحط لها شدو بنفسجي غامق وروج بنفسجي ومناكير ولبسها بنفسجي وعدسات وغليترات وخرابيط ثانية يعني باختصار ما احب المبالغة والزحمة ... المكياج حلو انه يكون رايق وفيه شغلة وحدة ملفتة بس مثل العين ...

ما أحب اللي تحط لها البلاشر كأن احد ساطرها على خدها لو معطيها كف ... البلاشر حلو يبان طبيعي

ما أحب لمن اشوف وحدة لابسة لبس عادي يعني بدلة رسمية مثلا ( رغم ان موضتها راحت بس فيه بنات لازالوا يلبسوها ) وتلاقيها حاطة مكياج سهرة كامل كأنها العروس ... كل لبس وله مكياجه يعني مو معقولة يكون مكياج العروس والمعازيم كله واحد !!

ما أحب اللي حاطها لها مناكير ومتقشر يعني صار له كم يوم .. يا تعدليه وتحطي جديد بما انك طالعة او شيليه احسن لك !!!!

ومثل ما قلتي مشرفتنا في بنات الله يهديهم يحبون يلبسون العدسات الملونة وبمبالغة يعني وحدة سمرا كثير وتلبس عدسات زرقاء تصير كأنها .... ما ابي اغلط على احد بس المفروض كل وحدة تلبس وتسوي اللي يناسبها مو يشوه شكلها

ما أحب اذا كانت الوحدة فيها حبوب او آثار حبوب وتغطيها بأساس كريمي ثقيل وبعد فترة يتقشر ويصير شكله قبيح .. المفروض تعالج الحبوب اول وبعدين تتعلم كيف تغطيها لان شكل الأساس عليها راح يشوهها زيادة

ما أحب اللي تروح زواج لو مناسبة وشعرها مدهن !!! صحيح مفرود بس يمكن مسوية سيشوار من شهر وجاية تفكر اي شعر مفرود يطلع حلو ... تغسله وتحط عليه شوية موس وسيشوار هوا وتطلع ارتب وأحلى

فيه اشياء كثيرة تزعجني لمن اشوفها وانا احاول ما اسويها عشان ما اصير اشين وحدة في المناسبة بس الحين بكتفي بهالشغلات كبداية

maryoom:
مشكوووووورة أختي رعبوب على الموضوع عجبني حيييييل

ولو أني فعلا ماأستخدم المكياج غير الروج... بس صج فعلا أشوف سوالف بنات ويا المكياج تضحك ومنها اللي تبجي...

العفو عزيزتي

و دام الموضوع عجبج ليش ما تقولين لنا بعض الأشياء اللي استغربتي منها في مكياج البنات

بأنتظارج

n3nooo3aa:
موضوعج حلو رعبوب


كل اللي قلتوه ما يعجبني بس بضيف اشياء من عندي

مثلا تلاقون وحدة دائما تحط نفس الروج مع كل الوان الشادو والملابس ما تغير بالمرة وبالذات مثل ما قلتو درجات البيج اذا ما اختيرت صح تبين الوحدة كأنها مومياء او مريضة

وصادفت بنات الله يهداهم يحطون شدو احمر فاقع على كامل الجفن طبعا ما بقولكم شو المنظر اكيد انتوا عارفينه واللي يزيد الطين بله يحطون روج احمر معاه وبلاش احمر

وما يعجبني اشوف بنت صغيرة بعمر 14 او حتى 17 حاطة مكياج يناسب وحدة بالعشرينات او الثلاثينات

صحيح انا اوافقج الرأي بخصوص اللي ما تحط الا لون واحد
وبعد في بنات مثلاً يعتمدون شادو واحد خنقول سموكي اسود مع كل بدله ولكل مناسبه

وسالفة المراهقات يحطون full ميك آب هذي مأساه بحد ذاتها ، واحيان بالسوق اشوف المراهقات بهالمنظر و ما الومهم لأن امهاتهم اردى منهم

و بخصوص الشادو الأحمر حلو لو كان رتوش خفيفه وما يناسب كل وقت يعني مسحه خفيفه مو على كامل الجفن والاحلى لو البنت تكسر حدته بروج بيج او لحمي وبلاشر طبيعي


عزيزتي لا تحرمينا تواصلك

صباح الخير

لوووووووووووووووووووووول أم خالد

ما خليتي لنا شي نقوله عن البنات


كلكم كلامكم صح و يزعجنا :)

ما تعجبني الرموش التركيب اللي فيها حركات و الوان مع شدووو غامق و جليتر و غيره


ماحب البنت السمره اللي تصبغ كل جسمها ابيض ( يعني البياض مو دلالة على الجمال)

مايعجبني المكياج الثقيل مع الكحل الابيض الثقيل داخل العين ( وايد اشوفه )

ماحب المكياج اللي يخلي البنت حولة :)

ترى صج في مكياج يخلي البنت حولة مادري ليش

RoOoOmy_M:
ما شاء الله عليك رعبوب ما قصرتي قلتي كل شي

انا مثلك ما أحب اللي تحط لها اساس فاتح خاصة لو كانت سمرا وبعدين تصير رمادية ... لا وتمشي بكل ثقة

ما أحب اللي تحط لها شدو بنفسجي غامق وروج بنفسجي ومناكير ولبسها بنفسجي وعدسات وغليترات وخرابيط ثانية يعني باختصار ما احب المبالغة والزحمة ... المكياج حلو انه يكون رايق وفيه شغلة وحدة ملفتة بس مثل العين ...

ما أحب اللي تحط لها البلاشر كأن احد ساطرها على خدها لو معطيها كف ... البلاشر حلو يبان طبيعي

ما أحب لمن اشوف وحدة لابسة لبس عادي يعني بدلة رسمية مثلا ( رغم ان موضتها راحت بس فيه بنات لازالوا يلبسوها ) وتلاقيها حاطة مكياج سهرة كامل كأنها العروس ... كل لبس وله مكياجه يعني مو معقولة يكون مكياج العروس والمعازيم كله واحد !!

ما أحب اللي حاطها لها مناكير ومتقشر يعني صار له كم يوم .. يا تعدليه وتحطي جديد بما انك طالعة او شيليه احسن لك !!!!

ومثل ما قلتي مشرفتنا في بنات الله يهديهم يحبون يلبسون العدسات الملونة وبمبالغة يعني وحدة سمرا كثير وتلبس عدسات زرقاء تصير كأنها .... ما ابي اغلط على احد بس المفروض كل وحدة تلبس وتسوي اللي يناسبها مو يشوه شكلها

ما أحب اذا كانت الوحدة فيها حبوب او آثار حبوب وتغطيها بأساس كريمي ثقيل وبعد فترة يتقشر ويصير شكله قبيح .. المفروض تعالج الحبوب اول وبعدين تتعلم كيف تغطيها لان شكل الأساس عليها راح يشوهها زيادة

ما أحب اللي تروح زواج لو مناسبة وشعرها مدهن !!! صحيح مفرود بس يمكن مسوية سيشوار من شهر وجاية تفكر اي شعر مفرود يطلع حلو ... تغسله وتحط عليه شوية موس وسيشوار هوا وتطلع ارتب وأحلى

فيه اشياء كثيرة تزعجني لمن اشوفها وانا احاول ما اسويها عشان ما اصير اشين وحدة في المناسبة بس الحين بكتفي بهالشغلات كبداية

يا هلا فيج حبيبتي روومي

كل اللي ذكرتيه فعلاً الاحظه و يقرفني

بخصوص المانكير ،، هذي عقدتي الأزلية لو اشوف بنت متكشخه ومتعطره من فوق لين تحت و ما ناقصها شي ،، مجرد منكيرها متقشر ،، اعتبرها انسانه مهمله لنفسها ولأناقتها
واللي يقهر زياده اظافر الأقدام الاحظ البنت تكون مهتمه بأظافر يدها و المانكير المرتب وتلقين اظافر اقدامها يا اما المانكيير متقشر او حتى ما تعني روحها على الأقل وتقص اظافرها

بخصوص العدسات ابداً كلامك مافيه غلط ،، بأختلاف التدرجات اللونيه لازم نعترف مثلاً ان العدسات الزرقا ابداً ما تناسب السمر ،، وهذا شي مو عيب
بس اللي يقهر بجد سمرا تحط عدسات زرقا و تصبغ الشعر اشقر ،، المنظر بشع
مع احترامي للسمر فيه شغلات ما تناسبهم ،، كذلك في اشياء بعد ما تناسب الحنطاويات او الفاتحات

حبيت اضيف شغله وهي تمسك بعض البنات بموضه قديمه في المانكير وهي اللون الأسود و الأزرق و الأخضر اللي صار لهم كم سنه خلاص راحت موضتهم

وحتى لو كانوا حلوين ماعتقد مثلاً مانكيير كحلي او اخضر يناسب بدلة رسميه او فستان سواريه

احسه ممكن يناسب الجينزات و صرعات المراهقات اكثر

و البنات اللي يختارون الوان مانكير قوية وما ينتبهون ان هالألوان ممكن تعطي ايحاء ان اليد سمره

رومي لا تحرميني من تواصلك والأمور اللي ذكرتيها مهمه جداً

Manary:
صباح الخير

لوووووووووووووووووووووول أم خالد

ما خليتي لنا شي نقوله عن البنات


كلكم كلامكم صح و يزعجنا :)

ما تعجبني الرموش التركيب اللي فيها حركات و الوان مع شدووو غامق و جليتر و غيره


ماحب البنت السمره اللي تصبغ كل جسمها ابيض ( يعني البياض مو دلالة على الجمال)

مايعجبني المكياج الثقيل مع الكحل الابيض الثقيل داخل العين ( وايد اشوفه )

ماحب المكياج اللي يخلي البنت حولة :)

ترى صج في مكياج يخلي البنت حولة مادري ليش

صباح النور والنوير

هلا هلا بالزعيمه ،، سوالفنا مالها حلاه بدونج

بخصوص الرموش صحيح اللي قلتيه مزعج وبعد اكثر لو كان الشادو فيه جليتر و تجيج الرموش فيها حبات كرستال ،، وع :down:

و كلامج عدل بخصوص اللي يفتحون لونهم ،، وهذا مو عيب في السمر ،، كلنا بأختلاف الدرجات اللونيه فيه شغلات تناسبنا و شغلات لا

اما عاد المكياج اللي يخلي البنت حوله هذا موضوع بحد ذاته ،، ألاحظ احيانا مكياج بنات دشتي يسوي الوحده حوله ،، وبعد يحطون لكل وحده كحل ابيض داخل عينها مع كحل اسود فاحم و عريض برا العين تطلع كأنها مخلوق فضائي وصج حوله
مع ان الكحل الأبيض يوسع العين والبعض ما يحتاجه بس مادري ليش هالحركه

حلووووووو الموضووووووووع
الله ياني ضحكت على اللي ذكرتوه
عموماً أنا ما أفتهم بالميك آب كثير بس اكثر شي يضايقني أشوف وحده حاطة ميك آب كامل و متزينه ومتكشخة
ومخليه حواجبها بدون ما تعدلهم (( تحفهم )) والأعظم من الحواجب تاركه شنبها ومع كريم الأساس يصير لونه أخضر لوووووووول
عن جد شي يقهر و يضحك بنفس الوقت
:D2:smile::D2:smile:

شكرا لج رعبوب




لان مكياجهم ثابت لكل الوجوه نفس المكياج

شي متعلمينه و حافظينه و يطبقونه مثل ما هو :)

rain:
حلووووووو الموضووووووووع
الله ياني ضحكت على اللي ذكرتوه
عموماً أنا ما أفتهم بالميك آب كثير بس اكثر شي يضايقني أشوف وحده حاطة ميك آب كامل و متزينه ومتكشخة
ومخليه حواجبها بدون ما تعدلهم (( تحفهم )) والأعظم من الحواجب تاركه شنبها ومع كريم الأساس يصير لونه أخضر لوووووووول
عن جد شي يقهر و يضحك بنفس الوقت
:D2:smile::D2:smile:

ردج يحلي الموضوع اكثر

مسألة الشوراب هذي مشكله ،، لأن الكريم يبينها اكثر حتى لو كانت خفيفه

بس البعض تلاقينها ماتبي تحفهم اوكي براحتها ،، بس ليش يصرون يحطون روج غامق

المنظر جداً بشع ،، شوراب والروج ماروني و عنابي او احمر

Manary:
شكرا لج رعبوب




لان مكياجهم ثابت لكل الوجوه نفس المكياج

شي متعلمينه و حافظينه و يطبقونه مثل ما هو :)

شاكرة لج مرورج الثاني ولا تحرميني من التواصل

ههههههههههههههههههههه والله جتلتوني من الضحك لانه بالفعل هاي الاشياء اللي انا و صديقتي دايما نعلق عليها و ازيدكم من الشعر ابيات :)

1.البنت اللي تحط روج عنابي مع محدد اسود!!!
2.البنت اللي مشقره ويها بس التشقير صاير لونه برتقالي لانها سمره و الشعر طويل!!! اعتقد الحف احسنلها!!
3.البنت اللي تفتح شعرها في المناسبات لانه طويييييييييييييل يمكن لين تحت الركب بس للاسف خفيييف جدا و متقصف لين النص...يعني يا حرام الناس بدل ما يمدحون شعرها بيعلقون عليه و هي تتحسبه حلو....لا والمشكله بدون سشوار بعد!! يعني اذا الوحده تبي تطول شعرها لازم تحافظ على صحته و جماله قبل ما تطوله
4.اللي تحط تحت عينها شدو برتقالي ليييييين الخد تقريبا!!! و للاسف فيه وايد خبيرات مكياج يسوون هالحركه فتطلع الوحده جنها مدمنه مخدرات!!!
5.اللي تكبر بوزها بالمحدد بطريقه مبالغ فيها....و احس حتى هالحركه تسبب الحول :)
6.اللي ترسم حبات خال بواسطه الكحل !!!!!!!!!!!!!!!!!!!!!!!!! علي جنب الذقن او فوق البوز !!!
7.اللي م اتحط مسكارا و ويها كله كريم اساس و بودره و الرموش مغبره و هي عادي عندها
8.المكياج المبالغ فيه للاوقات العاديه!!! شو خليتوا حق الاعراس!!؟؟


و للحديث بقيه :)