شنو احسن نوع حليب للاطفال

حبيبتي لا تشكين فالحليب .. لانه الغازات موجوده موجوده في هالسن ....

وبالنسبة للحليب مافي حد بيفيدج الا انتي وبنتج .. لانه مب شرط الحليب الي يناسب طفل يناسب طفل ثاني ...

يعني انا استخدم s-26 لولدي .. وبنت خالتي تستخدم سيميلاك لولدها .. يوم غيرت بنت خالتي حليب ولدها ل S-26 قام يزبد وما ناسبة .. مع ان مناسب لولدي ...

وبالنسبه للغازات انا ولدي كمل 3 شهور والين الحين فيه غازات .. امس يوم وديته العيادة قالي الدكتور حطيلة مطارة ورقدية عليها (يعني ارقده على بطنه على المطارة) لانه الغازات موجوده الين الشهر الرابع

هلا الغاليه..
أنا استخدم لبنتي إس 26 - (S26)
سألت وايدين قالوا لي هو الاقرب لحليب الأم..
و قالوا لي كل الي ينباع نفس الشئ اللهم تجاره للناس
و بعدين الغازات طبيعيه عند الأطفال
بس دوم رقديها على بطنها و امسحي على ظهرها بترتاح
و اهم شئ ترفعينها بعد كل رضاعه
و طريقة مسكج للطفل مهم عند الارضاع لتسهيل طلوع الغازات
يعني لاتخلين راسها نازل وايد
مثلا حطيها على ايدج مع رفع الراس قليلا للأعلى
هاي الطريقه تخلي الغازات تطلع بعد ما ترضعينها بسرعه

تحياتي

على حد علمي اشوف الاهل يستخدمون سيميلاك حق عيالهم .....في اللي علبته بنفسجي يكون خفيف.....وفي الأخضر يكون اثقل شوي

اختى انا استخدمت سميلاك حق بنتى لانى جربت نان وحسيت انه ما يذوب زين في الماى يعنى يسوى مثل الحبوب
وبعدين سميلاك وايد زين

ما أقدر انصحك أختي بشي أنا ما اعرفة لأني أنا بكل أولادي كنت أستخدم لهم حليب نان وكان مناسبنهم ومشكلة الغازات والإمساك عند الأطفال أعتقد يعتبر شي عادي وهم بهالسن. حتى اخواتي اللي اكبر عني كانن يستخدمن نفس الحليب لأولادهن .

انا استخدم ابتاميل وايد زين لا غازات ولا شي الحمدلله لان يوم بنتي استخدمت نان كانت تعاني من الغازات

انــــــــــا استخدم لولدي يوم كان عمره من شهر الى ست شهور

حليـــب سيميلاك نيو شور اللي لونه بنفسجي(f)(f)

ولما صار عمره ست شهور استخدم سيميلاك غين بتركيبة ادفانس(*)(*)(*)

اللي لونه سماوي يعني ازرق .... والغطاء احمر
(*)(*)(*)(*)(*)(*)(*)(*)(*)(*)(*)(*)
والحمد لله ماشي الحال....طبعا مع الاكل ...خضار....وقليل اعطيه فواكه....(f)

مشكورات اخواتي على ردودكن ...

انا رحت للطبيب وقالي مثل كلامكن ان الغازات ماله علاقة بالحليب قالي ان هالحليب وايد كويس وان الغازات لغاية الشهر الرابع ..

تسلموووووون يااااااارب ..

[[]بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

كيف الحال إن شاء الله دوم بخير ؟

انصحج ياأم هشام بنعمة الله عزوجل التي انعمها على كل الأمهات الا وهو اللبأ الذي فيه كما تعرفون فوائد أكثر من الحليب الصناعي .

ودمتم سالمين

السلام عليكم ورحمة الله وبركاته..



بالفعل ما شي احسن عن حليب الام.. نا تميت ارضع بنتي لست اشهر قامت ما تحب تشرب الحليب الطبيعي فقمت اعطيها جولد 26 الي هو اقرب لحليب الام وبعده يتغير ولما بتكمل سنه باذن الله بعد بيتغير..

وشكرا..

انتي عضوه رقم تقرئي ردي-موضوعي






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

أنا الي اعرفه إن حليب سميلاك يخلي الطفل متين .. و الله اعلم

[grade="FF4500 4B0082 0000FF 000000 F4A460"]ام هاشم 18 عزيزتي اكيد الغازات اللي فيها منج انتي اذا كنتي ترضعينها طبيعي بعد....... يعنيمن الاكل اللي تاكلينه فتجيها الغازات منج وفلا تخافين من الحليب لانه حليب نان ممتاز وخفيف على المعده .[/grade]