احس ولدي راح يروح مني ساعدوني ..

السلام عليكم ورحمة الله وبركاته

هلا أختي نور المدينة...

إستهدي بالله بس...ليش يروح منّك ؟

شوفي أختي...إبنك مش عارف يرضع..و هذا صار معي...و عرفت إنه السبب كان إنه صدري ممتلئ على الآخر...فلما تيجي مريم تشفط...تلاقي الحليب يندفع بسرعة...ما يخليها تعرف تشفط...

لذلك...ما تطولي الفترات بين الرضعة و الثانية...


ثاني شيء ما ترضعي قدام أحد...علشان الحسد منتشر في موضوع الرضاعة بشدة...

ثالث شيء غيري الوضع اللي ترضعيه فيه...نامي مثلا على جنبك و هو ممدد بجوارك...و إعطيه صدرك...ضميه لك بحنان...و هدّيه بالأول...و إقرأي قرآن أو أغاني أطفال...لحد ما يهدى..و بعدين إبدأي رضعيه...

و إن شاء الله راح يرضع معاكي...

السلام عليكم ورحمة الله وبركاته

اللهم صل على النبي محمد..

هلا مرموم...

لا مش السبب ان صدري ممتلي ..

لأنه كان يرضع من قبل وتغيير الحين ما يبي صدري بنوب..

وبالنسبة للرضاعة قدام احد أبداً ما رضعته قدام احد غريب بالمرة.. امي وخواتي وزوجي..

وحاولت وغيرت وضعي مرة على كرسي ومرة على السرير بس اني انام على جنب ما جربت..

لدرجة ان يدي تنام ورقبتي تألمني وظهري بعد بس اقول في سبيل انه يرضع..

اقول لك امي معاي وتقرا عليه تهديه بس ماكو فايدة .. بمجرد اني اقربه لصدري .. يصرخ يصرخ تقولين احد يضربه..

ليك الف شكر اختي مرموم..

سلامته الغالي علاوي

انا ما عندي خبرة في هالمواضيع بس ان شاء الله البنات ماراح يقصرون معاك ... يمكن مو عارف يمسك الحلمة .. جربي اشتري لك القطعة اللي يحطونها فوق الحلمة فيه اطفال يصير لهم نفس الحكاية بعد فترة بسيطة من الولادة يعني حلمة الام تكون داخل او كبيرة عليه فمايحب يرضع

او يمكن عنده مغص

وديه الطبيب وان شاء الله خير

بس امانة تطمنينا عليه

بنتي نفس حالت ابنك
إلى الآن وهي موب راضية تتقبل ترضع من صدري
مع انها كانت تشرب منه من البداية .. لكن الآن أبد موب راضية
واذا عطيتها صدري تظل تبكي و تبكي و تسكر شفيفها بقوة علشان ماتشرب من صدري
على الرغم من انها جوعانه .. و تنام بالجوع اذا ما رضعتها
سألت الكثير من الأطباء
منهم قالوا لي .. ان السبب ممكن يكون اني ما كنت أمرن الحلمات قبل الولادة
ومنهم قالوا احتمال يكون هناك اصابة للحلمات تمنع الطفل من الرضاعة

و الآن أنا اعطيها الحليب الصناعي و اعصر لها من صدري
و تشرب من الرضاعة

ولدي كان نفس الشء بالضبط ووديته المستشفى عطوني حق مغص وصار اشوى يصيح لكن يرضع بالاخير ..

السلام عليكم ورحمة الله وبركاته

اللهم صل على النبي محمد وآل محمد..

RoOoOmy_M..

هلا بيك اختي تسلمي الله يسمع منك يارب..

انا جربت القطعة اللي قلتي عنها بس ما فاد معاه..

وحالياً استخدم الشفاطة اشفط له واخليه في المرضة يشربه عادي..

أميرة عنابة..

هلا بيك..

أنا من فترة الحمل وانا اذهن صدري بزيت اللوز واحس انه كل شي طبيعي حتى لمن كنت في المستشفى الممرضات كانوا معاي وما قالوا لي اي ملاحظة عن صدري..

جمـــانة..

ما اظن انه عنده مغص لأنه يشرب من المرضعة عادي..

وتشوفيه هادئ وحلو بس تقربينه من صدري ما ادري وش يصيده..

اسألوا الله يهديه ويحميه ويحفظة حبيباتي..

تسلمي على ردك أختي..

الله يحفظه لج ويرزقج بره

بس اختي لا تنسين الدعاء تراه اهم شي

ربي يوفقج

بسم الله الرحمن الرحيم


اختي وديه المستشفى أحسن………عشان اليهال ما تعرفين بسهولة سبب تعبهم


بنت عمي ولدت بس قبل موعدها بكمن يوم ويوم يابته البيت كم يوم كان اوكي بس مره كانت ترضعه
وشافت انه قام يختنق ومره طاح عليهم….يوم ودوه المستشفى أخصائية طب الأطفال قالت لها المفروض ما
كان يطلعونه عشان بعده صغير وحليب الأم يتعبه………عشان أعضائه الداخليه بعدها صغيرة…….خلوه كم
يوم في المستشفى وبعدين رد البيت ماشاءالله عليه بخير وعافيه……


الله يشفيه ويفرحج به……………آآآآآآآآآآآآآآآآآآآمييييييييييييييييييييييين

ولا تنسين تطمنينا عليه

أختى الغالية الله يعينج
أنا بنتى كانت ما تحب ترضع الا من صدر واحد والثانى كانت اتم اتصيح وما تطيع ترضع وعانيت معاها وحاولت لين الحمدالله ارضعت
اقولج اختى حاولى ولا تستسلمين لصياحه ولا تعطينه المرضعة وصدرج مع بعض لانه المرضعة غير الصدر فالطفل بيحب المرضعة لانها اسهل عليه وبسرعه يطلع الحليب
وجربى اتغيرين وضعية الرضاعة (حطى مخدة تحت راسه لا تحطين ايدج وامسكى صدرج له

السلام عليكم ورحمة الله وبركاته

اللهم صل على النبي محمد..

haml_almsk..

هلا اختي ما قصرتي الله يسمع منك يارب..

وصدقيني اختي على طول اطلب من الله الله يهديه يارب ..

Runaway Bride..

هلا اختي انا بعد ولدت قبل موعدي باسبوع..

بس ماشاء الله عليه كان يشرب عادي ..

بس من 3 ايام مادري وش صادة عين ماصلت على النبي..

راعية العين..

انا تعبت يا اختي وانا اغير وأقول يمكن من المكان ويمكن من الوضية ومرة اغطي نفسي ومرة اشيل ثيابي وكل مرة شي ولا ادري يا اختي..

تسلمون اخواتي اطلبوا من الله واسألوه يحفظ ولدي يارب..

الله يساعدك اختى

وحاولى تحطينه على الثدي اليمين مره ومره غيريله اليساار

وكلميه وسمى عليه بصوت عالى شوى


وهدي الطفل اهم شئ انك تحاولى تسيطرى على صياحه

ومع المحاولات وتاكدي ان وضعيته تمام ومريحه

وامسكى الثدى له حتى يدخل في فمه

حاولى ان لايكون صدرك مملوء حليب حتى لا يدر عليه ويتعبه

والمكان يكون معتدل وليس بحار

لا تقولى المرضعه يشربها صحيح

لكن عندما يلتصق بك تكون الحراره مرتفعه وليس مثل ما يكون انتى تعطينه المرضعه

تاكدي من الجو مناسب ليس حار عليه وهو في حضنك وليس بارد

تخيلى نفسك مكانه

الله يساعدك

وتبشرينا يا رب بالرضعه من صدرك

بسم الله عليه
الله يحفظه من كل شر

اختي انا ماعندي خبره بهالشي بس من فتره شفت ولد اختي يعاني لما يجي وقت الحليب ولما امي كشفت عليه اكتشفت ان (خناقه نازل)
والله هاللي اعتقد قالوه حزتها

يعني تغسلين ايدينك عدل و تحطين بكل هدوء و لطف صبعك الاسبابه ولا الوسطا في فمه تعرفين في فم كل انسان توجد منطقه مثل السقف (الخناق بلغة العامية)
تحسسين بصبعط على هالمنطقه لطفلك و تشوفين لو حسيتي انها نازله فهاذا و السبب لان الطفل يتألم
وبصراحه امي سوت مثل تدليك خفيف للطفل على المكان النازل و الحمدلله سكت منالبكاء و رضع من امه مره ثانية


بس في سبب ثاني
الحسد

اسمحيلي الغالية لاتقولين محد يوفه عشان ينحسد

ترى حتى الام ممكن تحسد ولدها من حبها له

اقري عليه اختي حتى لو انتي في النفاس مايمنع انك تقرين على ولدك المعوذات والاذكار و لو تبين نصيحتي توضي في وعاء و سبحي ولدك بهالماي (ما اعرف مدى صحة هالشي شرعا بس انا وحده متدينه قالتلتلي على هالطريقة)
و لو تقدرين خذي من غسول اهلك كلهم و صبيه على ولدك

و شغلي سورة البقره في الغرفة على طول و يوميا ولاتخلين الشيطان يستانس لما يشوفك مب طاهره وياخذ راحته
الغالية العين حق ديري بالك

واذا ماعجبتك ولا حد عنده تعليق على طريقتي مو مشكله بس اكيد اكيد اقري عليه ولعى نفسك المعوذات في الصبح والمغرب

والف مبروك على البيبي ويتربى في عزك انتي وابوه

انا حالتي نفس حالت راعية العين

بس عرفت السبب ....؟؟

ان عين من العيون الي في الحلمة ترش الحليب حتى لو صدري ما كان ممتلي .. من يمص يبتدي يرش وما يوقف الا لما اضغط على الحلمة.. وهو فقير ما يقدر يسيطر على الوضع يا يصيح يا يشرق ...

والين يومج هذا وهو ما يشرب من هالصدر الا نادر .. لانه امي قالتلي لا تجبرينه بعدين ما بيشرب من الصدرين

بس تعرفين يمكن يكون السبب الشعر الي حولين الحلمة .. لانه ربيعتي بنتها ما كانت ترضع منها وكانت تصيح يوم تحاول وياها .. بالصدفة يوم عرس اخوها شالت كل شعر جسمها ومن يومها بنتها ترضع عادي .. ولما رد الشعر ينموا عادت ريما لعادتها الاديما ..

يالله عاد اكتشفي ودوري السبب ...
@@
0

السلام عليكم ورحمة الله وبركاته

اللهم صل على النبي محمد..

العنا19..

مشكورة اختي على النصايح السنعة..

بس صدقيني اختي كل اللي قلتي عليه جربته معاه..

3sooolah..

لا اختي باسم الله عليه خناقة مو نازل ولله الحمد..

ما ظل احد في بيتنا الا وحمل القرآن وظل يقرا عليه ويعوذه ..

مشكورة اختي..

bj3a..

بعد شي غريب..

الله يعينك..

لا اختي بالنسبة للشعر الحمد لله ما راح عن بالي...

لكم الف شكر حبيباتي..

بسم الله الرحمن الرحيم

السلام عليكم ورحمة الله وبركاته
انا صار معاي نفس الشي
وقلت بعد ما اقدر ارضع بنتي خلاص بعطيها صناعي

لكن اهلي نصحوني بالصبر والمحاولة

قالو لي الطفل اذكى منا لكن احنا لازم نحول لما نغلبه

انا كنت مثلج لكن حاولت ارضع بنتي واصريت عادي رضعيها بالطريقة الصحيحة وانتي جالسة جلسة صحيحة ومع الايام راح يتعلم اذت كان الطفل جائع راح يشرب الموجود لاتياسين كوني قويه

انا حاولت يمنك 20 يوم جذي تعبت لكن الحين الحمدالله بنتي عمرها 6 شهور وما تنام الا لما تشرب نت صدري وغصب تشرب الصناعي

كوني قوية وصبري والله راح يوفقج وتذكري لان الله يحث على هالامر فما راح تنسحبين انشاء الله وجربي وبشريني بعدين وادعيلي

انا سالت الحريم اللي يرضعون يقولون عادي اول شي جذي وكلهم رضعوا سنتين

السلام عليكم ورحمة الله وبركاته

العيمية..

هلا اختي لك ألف شكر على نصايحك ..

ومثل ما قلتي يا اختي احنا في جهاد والله يعينا ويصبرنا على الجهاد..

الحمد لله اشوف شوي قام يتقبل يشرب من صدري ولله الحمد..

ولكن مثل ما قلتين تعب تعب..


جزاء والدينا الجنة بإذن الله ..

انا من يومين بدت هالحاله عند بنتي وراافضه
تشرب من صدري الااااااااا بعد صياح ونياح بس
انا ما اخليها اغصب عليها انها تشررررب :(
لكن اليوم بزيااااااااده اضطريت اني اعطيها حليب
صناعي فى المرضعه والله يستر شنو بيصير معاها.
والله يا اخت نور سبحان الله كل اللي يصير مع ولدج يصير مع بنتي
يمكن لانهم انولدوا بنفس الفتره؟؟ فرق يوم واحد بس؟؟
سبحان الله.

السلام عليكم ورحمة الله وبركاته

اللهم صل على النبي محمد..

هلا بنات..

حبيت اطمنكم على ولدي..

ولله الحمد والمنة بدا يشرب من صدري..

لكن في مشكلة ثانية وهي انه كلما أخليه على صدري ينام .

يرضع شوي وينام ولمن اخليه في سريرة يرد يقعد من النوم ويبكي وأخليه من جديد على صدري ويرد ينام..

والله انا احترت معاه قلبي تعب من القلق والخوف عليه وجسمي تعب من القعدة والمحاولات..

يارب اهدي ولدي واولاد البنات يا رب..

نور المدينه الله يخلي لج و لدج و يهديه يا رب . و اعتقد اللي صار معاج هذا طبيعي و كل و حده ايصير لها .

انا بنتي على طول من جبتها كل تصيح و تعبتني و ايد , قبل كانت ترضع من صدري حتى لو كانت اتصيح تصوري الحين ما ترضى ترضع مني الا اذا نامت و ظليت اعطيها اشويه حليب صناعي و شويه من عندي و بالذات لين اطلع اعطيها صناعي مع انها ما ترغب ليه بس شا اسوي مظطره اني اعطيها بس الحين اشوفها ما تبغاه بالمره بس تاكل ازو تشرب من عندي و مثل ما قلت لج اذا كانت قاعده و هي جوعانه ما تشرب الا اذا نامت اتم اتصيح اتصيح لين اتنام و بعبدين ترضع .

الله يساعدنا يا رب .