ما نستقبل حد فالبيت ... تعالوا شوفوا السبب؟؟

لا تخافين ياحلوة ... فيه اطفال كثير مايحبون يشوفون وجوه غريبة .. انا اولهم

امي تقول اني أذيتها يوم كنت صغيرة لا تروح مكان ولا احد يجي يزورها لاني اصيح ولا اسكت اذا شفت وجه غريب حتى اخوالي لو عمومي بس بعد السنة هدأت كثير والحين ما شاء الله علي شوفيني شلون هادئة وعاقلة ( يوم كبرت )

انتي اهم شي خليه يتعود على الجو يعني صحيح بتتعبين في البداية بس لازم يتعود .. لانك لو كل مرة صاح تضايقتي وطلعتي من المكان .. راح تصير الشغلة عنده عادية وكل مرة بيصيح لانه يعرف انك بتطلعين ( ترى الأطفال فيهم ذكاء مو عادي ) انتي حاولي تهديه .. خذي معاك لعبة يحبها عشان ينشغل فيها ... ودائما خليه في حضنك وشوي شوي راح يتعود على المكان

الله يوفقك ويهدي معرسنا عشان تنبسطين في طلعاتك

والله لو تشوفين الالعاب الي اشيلها معاي وانا طالعه .. والعاب يحبها لكن يوم حزت الحزه ما يعرف لا لعبة ولا شي ... ما يعرف غير الصياح ولالالالالالالا يمد براطمه بعد ...

والله يوم نكون في مكان ويصيح حتى انا ما يسكت عندي ..

والمشكله انه لو ركبنا سيارة غير سيارة ابوووه .. يصيح .. سبحان الله كيف يعرف ... مع ان سيارة امي نفس سيارة زوجي ونفس اللون من داخل وبرع ..

حمودي يتدلع وهذا من حقه بس انتي صبري عليه وخذيه بالهداوة ولا تبينين انك متضايقة منه .. ولا يبان خوفك الزايد عليه يعني اذا قرب منه احد لا تقولين لا خلوه عشان لا يصيح

لازم يتعود على الناس خصوصا اهله

فترة وتعدي صدقيني

السلام عليكم ورحمة الله وبركاته

:)

ابنك شكله يتدلع عليكي...و متعلق فيكي بشدة...

بس بالتعوّد راح يفهم...لما تتجمعوا..ما تخلي المكان دوشة كبيرة عليه...لأنه الأطفال ما بيحبوا الضجيج بزيادة...

و إفردي له ألعابه...و خليه يلعب وسط المحيطين به لحد ما يتعود :)

والله كل ما كبر يزيد في صياحه يوم يشوف الناس ...

بس جدامهم اتعلث .. اقولهم لا يصيح من الغازات .. ومن هناك هو يصيح لانه الجو متغير عليه ..

والله ما بتصدقون من ندخل بيتنا يسكت ويضحك ما شاء الله ولا كانه من شوي كان يصيح ...

هلا اختي بجعه
اتعرفين شهوده بعد جيه لعوزتني يوم ما شافت خواتي و امي فتره تصيح جنه شوو مسويلها..بس بعد فتره تسكت يعني امي تشلها و تصرخ بس بعد اخليها معاها لين ما تتعود..وحتى ابوها يوم سافر و رد تمت تصيح بس بعدين تسكت لا و تلعب بعد...سبحان الله ساعات يستوحوشون وما شاء الله فيه يهال عاادي ما يصيحون..بس انت اصبري عليهم و ان شاء الله خير
الحين شهوده احسن الحمدلله يعني بدت تتقبل الناس يمكن عشان كبرت شوي
الله يخلي عيالكم لكم ياارب

عندي مشكله مع بناتي الثنتين بس ارحم منك بكتير يعني بنتي الكبيره من يوم كانت صغيره ثلات شهور لحد سنتين ونص ماتخلي حد يحملها ولايبوسها ولايقرب منها بس امها وابوها وتصوري مرت فتره حتى ابوها ماتقبل تروح معو مشوار لوحها بس هلق تغيرت صار عمرها ثلات سنين ونص خلص دورها هيي بلش دور اختها تصوري هالفصعونه ما عمرها اربع شهور بس احد ياخذها مني (الرجال بس)يدور الصريخ والبكا كأنها تقولي وين رحتي ومع مين تركتيني....

الحال من بعضه ..

انا بنتي احرجتني امس خالي تجنن عليها وقال يبيها وعطيته ومن ناضرت وجهه صرخت صرخة موطبيعيه ضلت ساعه تصرخ وكل واحد ياخذها تعمل كذا ...

الله يكون في العون ..

يالله يكبرون ويتغيرون

ليش هذا حالنا ............. والله تعبت ............... يعني ايلس فالبيت ما اطلع ... ؟؟

بس تدرون تعود على بيت جدة ريلي يعني شوي هادي عندهم لكن من اسير بيت قوم امي يسويلهم مهرجان الصياح:cry:

[grade="FF4500 4B0082 0000FF 000000 F4A460"]حبيبتي عااادي لا تخافين تصرف ولدج طبيعي وفيه مثله كثير والبنات ما شاء الله ما قصروا بردودهم ورومي ماشاء الله عليها نشيطه ومو مقصره بالركن

وابي اقولج انه بنت عمتي كانت نفس الشيء لين عمر السنه وبعدها الحمدلله شوي شوي بدت تخف وغلط انج تعودين ولدج على القعده بالبيت لانه اذا سويتي جي بيتعود وما فيه الا الخير ان شاء الله

ولا تنسين اطمنينا عليه . [/grade]

والله جنك اتكلمين عني انا اعيالي الثلاثه سوالي نفس الشيء وكانت الطلعه عندي مأساة واللي ايزيدني اكثر لوم الاهل لين صاح الياهل ايقولون لي كله منك ما تطلعينهم وعلشان جذيه هم ايستاحشون من الناس....مع اني مب حابستهم ودايما اروح بيت هلي واهل زوجي شيبوني بعد اسوي ادور من بيت لبيت... بس انا اقول هذا طبع او وراثه في الياهل ولا ليش فيه يهال ايكونون عايشين حتى في بلد ثاني ومن يردون عادي ولا يستنكرون ولا شيء ........

يمكن لأن ولدج ما تعود اول ما انولد انه حد يشيله وايد غيرج او غير اشخاص معينيين

انا ولدي من انولد ما حد ما شالله .. من ادش بيت اهلي كلهم يترابعون عليه .. فتعود شوي على اشكالهم الحمدلله ..

لما امج مثلاً تشيله وصاح عندها خليه وياها شوي شوي بيسكت وهيه شوي تلاعبه وتسولف وياه بيحاول يتأقلم

والله من انولد انا بيت قوم امي اليما خلصت ال40 وعقبها على طووول كانت عدنا اعراس وكنت اخذه معاي .. وعقب الاعراس عزايم وبعد كان معاي .. وعقبها رايحه وراده على بيت قوم امي وخالاتي واهل زوجي ...

لكن ما اعرف ليش يتصرف هالتصرف حتى لو متعود عليهم يصيح يوم يشيلوونه ..

امس سرت عند زوجي المستشفى .. عقب ساعة اتصلت البيت اسال عن محمد .. قالتلي امي يصيح ما يسكت .. نشيله وندور فيه ونشربة حليب لكن ما في فايدة .. مسكين زوجي هديته بروحه ورجعت البيت .... :o

الغالية بجعة لا تهتمي لهلموضوع ترا وايد اطفال مثل حمودي انا مثلا بنتي الحين عمرها 5 شهور لكن ماشاءالله نفس طبع ولدج بالضبط ما شي فؤق بينهم ابدا نفس الحالة لو طلعت مكان صاحت لو احد زارنا صاحت حشرة يصير البيت لو حد معنا ومن يطلعون ولا كأن شي صاير ما شااءالله عليه تلعب وتضحك
والي يخوف طريقة البكي يعني تخوف العيون تصير حمر الخشم احمر الويه كامل احمر

لكن مثل ما تقول امي البنت دلوعة لان بكيها مو بكي تحسي انه مثل الصراخ ومرات بدون دموع فديتها

لكن لازم تتعود على الناس واخليها اي حد يشيلها صح بدون فايدة لكن بعد اخليهم يشيلوها غصب فلا تحاتي الغالية

اللهم ارحمنا برحمتك ...

رحنا حمر عين امس سوالنا سالفه بصياحه والله فشلنا لدرجة ان الكل كان يشوفنا وكانوا يعرضون مسابقة على تلفزيون دبي .. كثر ما كان صياحه عالى ومستمر .. قبل لا نطلع عطونا جائزة من تلفزيون دبي :o:o:o

على قولت زوجي ولدج فشيييييييلة