الزعل وما ادراك ما الزعل بين الازواج... موضوع للنقاش!

صدق المشاكل البسيطه والزعل ملح الحياة الزوجيه

خاصة بعد الزعل ويوم الازواج يراضون بعض الشعووور يكوون حلوووو والحب يزيد اكثر واكثر:up::D2

امممم .. صح الزعل أو المشاكل بين الزوجين اهي ملح الحياة .. بس كثرتها تهدم حياتهم
انا حياتي مع زوجي حاليا .. خطوبة ممددة ،، يعني صارلنا سنة مالكين و مخطوبين ،، وتزوجنا من ثلاث اشهر تقريبا ،، قبل ما كنت موافقة على الارتباط .. لاني ابي اكمل دراستي و اثبت ذاتي .. وعشان جي عايشين خطوبة ممددة مثل ما اسميها
مشاكلنا اغلبها بسبب .. ان اهو رومانسي وااايد .. و انا جدية (( وارفض تقربه مني بسبب الخجل )) لاني عن جد مو متعودة على هالوضع ..
زين .. جوابي على سؤالج الأول .. معدل الزعل .. امم its depend >> يعتمد .. ساعات في اليوم مرة .. او في الاسبوع مرة او مرتين
امم اسباب الزعل .. مثل ما قلت.. جديتي المفرطة و رومانسيته >> يعني التناقض
شلون ابين له الزعل ؟ ... بنظرات اكثر شي و العناد الوااااضح .. مثلا .. اهو ايي يقعد بنفس الكنبة اللي قاعدة عليها قريب مني .. اقوم من مكاني لمكان ثاني ابعد ،، او على الغدا .. يعرفني احب السلطة يقرب الصحن مني اقول له ما ابي ... يعنييييي مثل اليهال ههه
جم يدوم الزعل بينا ...؟؟ اممم دقايق .. واذا كللش .. ساعات
* شلون يتم التراضي و من اللي يبدا .... في اكثر الاوقات اهو (( بوسة او رسالة)) .. و انا من خلال مسج او ابتسامة اغلب الاوقات
* شنو اللي يدفعني اراضيه ؟ اهو .. يكسر خاااطري ههه

مشكوورة اختي على هالموضوع
ونشوووف تجارب الاخواات

آ سرة القلوب
تسلمين حبيبتي عالرد .. بس والله الزعل يعور القلب مرات خاصة اذا طال... عذااااااااااب هههههه :cry:

بس ما جاوبتي على الاسئلة يالله انتظر ردك ان شاءالله:up:

lina love
حرااااام عليك يا مفترية اتعذبين زوجج هههههههههه:D2

حلو انه الوحده تتدلع شوي على ريلها بالزعل بس الخوف انه الملل يدخل في هذي الناحية و يصير الحبيب بعدها يطنش!!

شو الحل بيكون ساعتها؟! :think:

تسلمين الغالية على الرد.. الله يديم المحبة والحنان من بينكم :up:

موضوع حلو


وان شا الله يستفيدون منه المعرسات

وعقبالنا طبعا مب الزعل الافراح ههههه:D2


lina love
:think:
ترى الجدية الزايدة مب زينه حلو مرة تكونين جدية ومرة رومانسية ياعسل :flower:
والله يوفقج حبيبتي دنيا وآخرة


والف شكر الى صاحبة الموضوع العسوله :flower:
موفقه دنيا وآخرة

عزيزتي ود الإمارات موضوعك حلو أتمنى من العضوات التفاعل ليستفيد الكل
أما بالنسبة لي صار لي متزوجة 12 سنه وبصراحة الزعل مالة وقت معين أحيانا تصير ظروف تخلينا نزعل من بعض
لكن الحمد لله مو يومي ولاحتى أسبوعي وأحيانا تكون الأسباب تافهة ماتستحق الزعل وأحيانا لا...... يعني مثلا يكون عشان الأولاد إذا حسيت إنه قسى عليهم أزعل أو ضرب احد فيهم وساعات هو يكون حساس جدا من أمور مايخطر على بالي إنه ممكن يزعل منها
وإحنا طبعنا الإثنين الصمت الرهيب وقت الزعل لكن أنا ما أتحمل يمر يوم نكون زعلانين فيه لأني أتنكد وأنكد على عيالي أفضل انهي الزعل بسرعة ممكن أخليها يومين لكن مو أكثر
ساعات اكون غلطانة وساعات لا ولو هوغلطان أجلس مع نفسي وأتذكر محاسنه وأحن عليه وأراضيه( لكن طبعا مو دايما )خاصة إنه حنون ومو مقصر بشي
والمراضاة ممكن تكون بكلمة والحمد لله كلنا نرضى بسرعة وساعات اكتب مسج وطرق الحريم ياكثرها والوحدة فينا دايما تسعى تكون حياتها هادئة والمشاكل ماوراها إلا وجع الراس..........ودمـــــــتم

المشاكل بين الزوجين واردة وباستمرار وهذا طبيعي

احيانا تكون كل اسبوع والأسباب كثيرة

أنا اكثر مشاكلي سهره برى البيت

وإذا زعلت أسكت مررررررررررررره الين يحس بغلطته

اما حكاية اصالحه حتى لو كان هو الغلطان اعتبرها شي ضروري في بعض

الحالات ...ولتستمر الحياة وكنوع من التنازل

شكرا لك على الموضوع

مسك وورد

صباحك مسك وورد عزيزتي...

مشكوره على مرورك وعقبال ما اتلاقين ولد الحلال اللي يدلعك وما يزعلك ابد:no:

قولي آمين لا تستحين ههههه:D2

ا لماضي الجميل و النجم الساطع

اشكركم حبايبي على مشاركتكم الفعالة لموضوعي...

وبالفعل مثل ما قلتوا التنازل مطلوب وضروري خاصة من صوب الزوجة من اجل تمشي الحياة بلا تعقيدات ونكد!!

بس مو ملاحظين شي معاي؟ :think:

العناد عامل اساسي في استمرار الزعل .. واكيد كلكم عارفين ان المرأة تعاند واتناكد زوجها كمحاولة يائسة منها للفت انتباهه لها وليعطيها الاهتمام اللي هيه تتمناه مع العلم انه التجربة المكررة اتأكد انه هذي الطريقة مش فعالة..

الشيطان شاطر مثل ما يقولون ولو اننا جميعنا نتبع سنة رسولنا و الوحده منا ما اتبات وزوجها زعلان منها واتراضيه ولو بمسكة يد كنا بنوفر كثير من التعب وعوار القلب والراس.. بس المشكله هي العناد والكبر يعني بمعنى ثاني الشيطان اعوذ بالله منه:no:

الله يوفقنا كلنا اننا نكون كما يحب الله ورسوله

تسلمون حبايبي واتمنى من البقية المشاركة:clap:

ود الإمارات:
مسك وورد

صباحك مسك وورد عزيزتي...

مشكوره على مرورك وعقبال ما اتلاقين ولد الحلال اللي يدلعك وما يزعلك ابد:no:

قولي آمين لا تستحين ههههه:D2

:o


:D2

ههههههههههههههههه
ضحكتيني غربل الله ابليسج ان شا الله كلها ايامج فرح في فرح ويوفقج دنيا وآخرة اللهم آمين حبيبة قلبي

بقول هني آميييييييييين دامه بالمنتدى

:D2

هلا حبيبتي...صراحه موضوع حلو لاني كنت هاليومين متزاعله ويا زوجي بس امس راضاني :)



لسؤال الاول: ما هو معدل المرات اللي تزعلين فيها مع زوجك (في اليوم..؟ في الاسبوع..؟ في الشهر..؟ في السنة!!!؟ )
انا متزوجه من 3 شهور و نص و كنا مالجين لمده 4 شهور تقريبا و قبل الملجه خاطبين مده سنتين تقرييبا يعني اعرفه من 3 سنوات...طبعا الزعل كان اقل قبل..كان ما يبات ليلته الا مراضيني و يكون كل كمن شهر مره.. بس الحين تعودنا على بعض و صار الزعل اكثر...يمكن في الشهر مره او احيانا مره في الاسبوع...


السؤال الثاني: ما هي اسباب الزعل واسباب التصادم ( السهر ..؟ الاهمال..؟ الشك..؟ الحساسية الزائدة..؟ الاختلاف في الرأي..؟ الخ..)

ما في اسباب معينه..معضمها توافه وانا حساسه جدا ...وهو عصبي شوي...بس الصراحه ما اذكر سبب مقنع واحد لزعلنا...يعني احيانا عادي يكون معصب و متنرفز من الشغل او غيره و يكلمني بلهجه حاده اقوم لابستنه و مبوزه عليه لين يصطلب و يعدل مزاجه :)

السؤال الثالث: كيفية ابداء الزعل من طرفك.. بمعنى ثاني مظاهر الزعل عندك ( سكوت..؟ بكاء..؟ اهمال..؟ عناد..؟ كلمات..؟ نظرات... الخ........!)

اسكت عنه و البسه ...طبعا انا حلج...وايد اتكلم وياه في كل شي و طول الوقت و ضحك و غشمره عشان جذيه من اسكت يعرف اني بوزمت :)
السؤال الرابع: كم يستمر الزعل من بينكم ( ساعات.. ايام.. اسابيع..!!!!!!!!! )
احيانا ساعات و احيانا ايام..مب اكثر عن 3 ايام


السؤال الخامس: كيفية بدء عملية التراضي –مع تحديد من اي طرف يبدء التراضي- (نظرة..؟ ابتسامة..؟ كلمة..؟ بوسه ..؟ ضمة..؟ رسالة..؟ مسج..؟ الخ...)

حسب...هو و احيانا انا...بس انا دايما احاول اني ما اشد و انهي الموضوع بسرعه الا اذا كانت سالفه كبيره شوي و حسيت انه غلط او قال شي ضايجني..واراضيه بس بكلمه او اني اتكلم معه عادي بس مع ببره صوت اني بعدني زعلانه فهو يرد و يحاول يراضيني بالدلع
..او احيانا بمسجات مني او منه
السؤال السادس: ما الذي يدفعك لبدء عملية التراضي –حتى لو كنتي مقتنعة بانك انتي مش غلطانة؟
يكسر خاطري....احسه ضايع ...ما يطلع من البيت ...يداوم متأخر و كله بسببي :) و عزه نفسه الي اعتبرها احد عيوبه تمنعه انه يراضيني ...والسبب الاهم اني اعرف انه يموت فيني و لو راضيته ادري انه بيموت من الوناسه و بيحبني زياده لاني تنازلت



يلا لا تحرمينا من مواضيعك الحلوه

حبيبتى الغاليه
يزاج الله خير وما قصرتى على طرح هالموضوع


السؤال الاول: ما هو معدل المرات اللي تزعلين فيها مع زوجك (في اليوم..؟ في الاسبوع..؟ في الشهر..؟ في السنة!!!؟
والله مره يكون في الاسبوع ومرات في الشهر .. بس مب دوم نزعل الحمدلله .. ايام حلوه وعسل واسباب الزعل شوفوها تحت


السؤال الثاني: ما هي اسباب الزعل واسباب التصادم ( السهر ..؟ الاهمال..؟ الشك..؟ الحساسية الزائدة..؟ الاختلاف في الرأي..؟ الخ..)
انا ما اسميه اختلاف في الرأي .. الحمدلله متفاهمين .. بس الزعل دايما لما يصير بسبة اهله .. الحمدلله هم زيينين بس المشكله احيانا ما يتأكدون من اي كلام وعلى طوول يفسرونها غلط .. وصرت الحين اسكت وما اتكلم .. عسب ما يفهمون كلامى غلط... وصار السكوت شعاري يوم ادخل بيتهم ..بس اجاوبهم على قد السؤال وطبعاً مب عايبنهم الوضع .. يقولون بلاها متغيره يمكن زعلانه وعلى طووووول يروحون لزوجي ويسألونه .. الحمدلله انا بعمري ما اختلفت معاهم او صارت مشاكل بينا


السؤال الثالث: كيفية ابداء الزعل من طرفك.. بمعنى ثاني مظاهر الزعل عندك ( سكوت..؟ بكاء..؟ اهمال..؟ عناد..؟ كلمات..؟ نظرات... الخ........!)
ههههههه ... بصراحه ذكرتينى .. والله تبين الصج .. كلمات ونظرات وسكوت وما ارد على مكالماته لما يتصل

السؤال الرابع: كم يستمر الزعل من بينكم ( ساعات.. ايام.. اسابيع..!!!!!!!!! )
تقريبا ايام واحيانا سويعات .. بس مع مرور الزمن يقل الخلاف .. لانه كل واحد يعرف شو اللى يحب الطرف الثاني وشو اللي يضايقه .. فيتجنب كل منا الخطأ بقدر الامكان


السؤال الخامس: كيفية بدء عملية التراضي –مع تحديد من اي طرف يبدء التراضي- (نظرة..؟ ابتسامة..؟ كلمة..؟ بوسه ..؟ ضمة..؟ رسالة..؟ مسج..؟ الخ...)
طبعا هو دايما يراضي وحليله ومن اول يوم .. يسوي حركات عسب اضحك ( احيانا ما اقدر امسك نفسي واقعد اضحك, وعقب اتنازع) ويقعد يكلم ولده ابو 8 شهور يقول ..شوف ماما زعلانه انا ما سويت لها شي .. وتبون الصج اغلب الاوقات يراضي بهديه بس .. متى اعقب ما ارضى ويفرح يروح يشترى الهديه

السؤال السادس: ما الذي يدفعك لبدء عملية التراضي –حتى لو كنتي مقتنعة بانك انتي مش غلطانة؟

طبعا هو اللى يراضي .. وقبل ما ارضى لازم احط قوانين .. مش قوانين .. اقصد اخليه يشرح لى موقفه وليش سوى جذه ويتجنب تكرار الغلطه ... وقلت له اذا سويت فيه جذيه مره ثانيه بعاملك بنفس الاسلوب ... وطبعاً يكون متضايق ومب عايبتنه الوضعيه ..فيحاول وحليله من اول ما يصير الموضوع يراضي بس تعرفون أنا اشوي اتدلع واتخلى واقوله .. محد قالك تسوي فينى جذه تحمل النتايج اللى بتيك .. صد .. وما شي ابتسامه ولا ضحك ولا سوالف .. بس الحياة حلوه .. مرة زعل ومرة ضحك
ومثل ما يقولون ملح الحياه .. وتصدقون تراهم يكسرون الخاطر لما نعاقبهم

الحمدلله الحوار ينفع مع زوجي .. ويسمعنى ويحاول انه ما يزعلنى .. إلا اذا كان يمزح طبعاً فهذا شي ثاني

يعنى لازم كل واحد منا يغايض الثاني



وسلااااااااااااااااااامتكم

موضوع حلو ويختلف مع اختلاف شخصيه الزوج والزوجه.........وألاحظ انه اول سنه في الزواج اصعب سنه دايم يكون فيها مشاكل لأن بعدهم ما تأقلموا على بعض.....وصعب عليهم يقدمون تنازلات للطرف الثاني.....بس مع مرور الوقت تقل المشاكل والزعل لأن تقريبا كل واحد عرف شخصيه الثاني وشو يرضيه وشو يزعله

وهذي تجربتي الخاصه مع هالموضوع
السؤال الاول: ما هو معدل المرات اللي تزعلين فيها مع زوجك (في اليوم..؟ في الاسبوع..؟ في الشهر..؟ في السنة!!!؟ )
تقدرون تقولون شهريا في بدايه الزواج.....بس مؤخرا قل يعني نقدر نقول مره كل شهرين

السؤال الثاني: ما هي اسباب الزعل واسباب التصادم ( السهر ..؟ الاهمال..؟ الشك..؟ الحساسية الزائدة..؟ الاختلاف في الرأي..؟ الخ..)
اغلب الزعلات تكون بسبب انه ينسى.......يوعد وينسى.....وانا ماحب اذكره .....ومرات يكون الزعل بسبب تدخل الاهل

السؤال الثالث: كيفية ابداء الزعل من طرفك.. بمعنى ثاني مظاهر الزعل عندك ( سكوت..؟ بكاء..؟ اهمال..؟ عناد..؟ كلمات..؟ نظرات... الخ........!)
رغم اني من النوع الهادي......بس مادري شلون يقدر يعرف اذا سكوتي وراه زعل او انه سكوت عادي .......ومرات اعاند

السؤال الرابع: كم يستمر الزعل من بينكم ( ساعات.. ايام.. اسابيع..!!!!!!!!! )
ساعات......يمكن مرتين بس كملنا 24 ساعه من الزعل......الحمدلله الحين قل الزعل وصرنا متفاهمين اكثر

السؤال الخامس: كيفية بدء عملية التراضي –مع تحديد من اي طرف يبدء التراضي- (نظرة..؟ ابتسامة..؟ كلمة..؟ بوسه ..؟ ضمة..؟ رسالة..؟ مسج..؟ الخ...)
دايما انا ازعل واخليه غصبن عنه يراضيني....... في البدايه كان يراضيني بالكلام......بعدين صرت اعاند وماقبل كلامه.....وعلشان اجبره يراضيني...اقوم اكشخ .......(إن كيدهن عظيم)

السؤال السادس: ما الذي يدفعك لبدء عملية التراضي –حتى لو كنتي مقتنعة بانك انتي مش غلطانة؟
نادرا ما ابدأ بعمليه التراضي....يمكن مرتين تنازلت.....والسبب اني لمن افكر بسبب الزعل احسه شي تافه ما يستاهل

|--*¨®¨*--|

مشكلتي حساسه كثييييييير وهذا هو سبب زعلنا أغلب الأحيان ومشكلته عصبي وأحيانا لا يوزن معنى الكلمه إللي يقولها

السؤال الاول: ما هو معدل المرات اللي تزعلين فيها مع زوجك (في اليوم..؟ في الاسبوع..؟ في الشهر..؟ في السنة!!!؟ )
مره في الشهر تقريبا علما بأني تزوجت من شهر وسته أيام بس كنت مملكه لمدة سنه وأربع شهور قبل الزواج

السؤال الثاني: ما هي اسباب الزعل واسباب التصادم ( السهر ..؟ الاهمال..؟ الشك..؟ الحساسية الزائدة..؟ الاختلاف في الرأي..؟ الخ..)
الحساسيه الزايده عندي والعصبيه الزايده عند حبيب قلبي

السؤال الثالث: كيفية ابداء الزعل من طرفك.. بمعنى ثاني مظاهر الزعل عندك ( سكوت..؟ بكاء..؟ اهمال..؟ عناد..؟ كلمات..؟ نظرات... الخ........!)
سكوت + نظرات غريببه

السؤال الرابع: كم يستمر الزعل من بينكم ( ساعات.. ايام.. اسابيع..!!!!!!!!! )
مرتين صار عندي لمدة يوم باقي المرات ساعه أو بالكثير ساعتين...

السؤال الخامس: كيفية بدء عملية التراضي –مع تحديد من اي طرف يبدء التراضي- (نظرة..؟ ابتسامة..؟ كلمة..؟ بوسه ..؟ ضمة..؟ رسالة..؟ مسج..؟ الخ...)
مره وحده راضيته بس وباقي المرات هو إللي راضاني فيها وتكون ببوسه + إبتسامه + ضمه (شسوي رومانسي ريلي)

السؤال السادس: ما الذي يدفعك لبدء عملية التراضي –حتى لو كنتي مقتنعة بانك انتي مش غلطانة؟
الذي دفعني لعمليه التراضي في المره الوحيده إللي راضيته فيها هي كثرة الخلاف بيني وبينه في آخر شهر خطوبه قبل الزواج يعني بشهر على أشياء تافهه جدا من مستلزمات الزواج...
يعني أكون أنا رافضه أشياء وهو يبغاها أو العكس هو رافض أشياء وأنا أبغاها....

|--*¨®¨*--|

انا ابغي ارد على شي واحد بس


12 سنه مرت على زواجي واغلب الاوقات اهو الغلطان ولا مره جاني واعتذر دايما انا اللي اعتذر

حتى لو اني مو غلطانه هاذي معاناه وضحيتها انا

هو يغلط وانتي تعتذرين؟؟؟؟
الله يعينج.......مادام هو جذيه ما يحس اظن من الاحسن انه يوم يغلط عليج تخبرينه بغلطته وانج متظايقه من الشي اللي سواه كلميه باسلوب لطيف......قوليله انه يدين لج باعتذار أو عالاقل تفسير للي صار.......اما يغلط ويسكت فهالشي برأيي استغلال لطيبتج........انا ما اشجع عالخلافات بس المفروض اللي يغلط يعطي مبرر واضح واذا مافي مبرر المفروض يعتذر

والله موضوع حلو ..

السؤال الاول: ما هو معدل المرات اللي تزعلين فيها مع زوجك (في اليوم..؟ في الاسبوع..؟ في الشهر..؟ في السنة!!!؟ )

أول شي أنا مملكة لي 5 أشهر .. ومعدل المرات تقريباً شهرياً يعني مرة أو مرتين بالشهر

السؤال الثاني: ما هي اسباب الزعل واسباب التصادم ( السهر ..؟ الاهمال..؟ الشك..؟ الحساسية الزائدة..؟ الاختلاف في الرأي..؟ الخ..)

من أسباب الزعل : أحيان كثيرة يوعد ويخلف وهالشيء أنا ما أحبه .. وأصحابه كثير يحب يخرج معاهم حتى لو كان جالس عندي .. أحس إني أبي امتلكه :cool2:

السؤال الثالث: كيفية ابداء الزعل من طرفك.. بمعنى ثاني مظاهر الزعل عندك ( سكوت..؟ بكاء..؟ اهمال..؟ عناد..؟ كلمات..؟ نظرات... الخ........!)

امممممممم العناااااااد وأحياناً السكوت والنظرات وفي الفترة الأخيرة صارت كلمات واهمال :down:

السؤال الرابع: كم يستمر الزعل من بينكم ( ساعات.. ايام.. اسابيع..!!!!!!!!! )

الغالب ساعات .. بس من ناحيتي تصير أيام بسبب العنااااااد

السؤال الخامس: كيفية بدء عملية التراضي –مع تحديد من اي طرف يبدء التراضي- (نظرة..؟ ابتسامة..؟ كلمة..؟ بوسه ..؟ ضمة..؟ رسالة..؟ مسج..؟ الخ...)

دايم هو اللي يبدأ بس صرت اتنازل وابدأ أنا لو كنت أنا الغلطانة وتكون من ناحيته كلمة واعتذار ممكن مسج ومن ناحيتي مسج وابتسامة .. :shy:

السؤال السادس: ما الذي يدفعك لبدء عملية التراضي –حتى لو كنتي مقتنعة بانك انتي مش غلطانة؟

حرااااااام عشان الرجل تحسيه مسكين ويكسر الخاطر بدونك :pain:

angel eyes

الف شكر على مرورك حبيبتي :smile:

حلو انه مره انتي تتنازلين ومره هو يتنازل لأنه الزوج مع مرور الوقت يمل من هذي السالفه ويبدأ يتجاهل .. فاعتقد من الاحسن انه الزوجة تبلع زعلها اذا كان بسبب حساسيتها الزائده وخاصة انها صار عندها الوعي انها حساسه واتعود زوجها انها اتكون مرحه ومتسامحة بعدها يبقى للزعل والرضى قيمة اكبر.. ولا شو رايك يا angel eyes? :shy:
تسلمين حبيبتي:up:

المبدعة

تسلمين حبيبتي على مشاركتك معانا الموضوع

بصراحة ذكرتيني بوحده من اعز صديقاتي في مسألة النقاش والقوانين (i)

انا اعتقد انه هذا الشي ممكن يضايق الزوج حتى لو ما بينلك , لأنه الواحد منا مش معصوم من الخطأ والازواج خاصه المفروض انهم فاهمين بعض ويعرف كل طرف اسباب تصرف الثاني واذا كان عن قصد او لا .. فانا اقول خلى الحياة اتكون ابسط وحلوه مثل ما اتقولين:flower:

انا عن نفسي ارضى بسرعة من زوجي وما احب اسمع كلمة اسف تخجلني لانه قالها فاسامحه بسرعه بس اذا حبيت استفسر عن شيء أأجله وافتح الموضوع كانه سالفه عادية:salam:

الف شكر لج مرة ثانية حبيبتي والله لا يجيب الزعل بينكم جميعا ان شاء الله:up: