زواج الاستقبااااااااااااااااااااااااااااال؟؟؟!!!!!

أولا صباح الخير أختي mis-monalisa

تو الناس من صباح الله خير ما تبين تسوين عرس ( أفكار سوداوية) أتغشمر وياج

بصراحة ليلة العرس ما تتفوت على كل بنت و الفستان الأبيض له بهجة و فرحة خاصة

وانتظار المعرس و العروس لهالليلة ما ينوصف

ليش تروحين عليج كل هذا ........؟؟؟؟

الحفلة العادية بتلحقين عليها بعدين و يا كثر المناسبات .........

سوي حفلة عرس بس تكون بسيطة إذا ما تحبين الحفلات الكبيرة تقتصر بس على الأهل المقربين أبو 100 شخص مو أكثر و البسي الفستان الابيض و عيشي أحلى أيامك

مشكورة على الرد ياريم

تحياتي لك

حبيبتي انا رئيي اني اسوي زواج وارتاح من الحوسه مرتين واعزم كل الناس وافتك

وزفة العروسه بيوم الزواج غييييييييير عن اي زفه باي يوم

والي تقصدينه
بالاستقبال عندنا يسمونه زواره وهو اريح للعروس نفسيا
لكن انا من رئي زواج احلى واحلى له طعم غير

وانتي شوفي الي يناسبك

انا رأيي من رأي اختي ريم 81
والله يوفق الجميع

كبري الجمجة بصراحة الافراح بتتكلف كتير جدا وبعد كدة الناس مابتفتكرش الا الحاجات الوحشة حتى لو كانت العروسة حلوة وزي القمر بردة حيطلعو فيها كل العيوب لكن اذا وفرت التكلفة دي وعملتي حفلة صغنونة علشان تفرحي بردة وسافرتي لاكتر من مكان زي مكة المكرمة تروحي تبدئي حياتك بطاعة وبعد كدة تروحي تتفسحي في بلاد الله الواسعه اعتقد دة يكون احسن بكتير

انا صج اني سويت عرس بس ماكان رايي لان اهلي واهل زوجي الي بغو ...:eek2:

انا من رايي الاستقبال احسن اول شي اريح على قولتج لان العرس توتر وقلق اكثر من انه وناسه للعروسه واذا عالصور والبدله تقدرين تصورين وتلبسين بدله عرس بس شوي ابسط مثلا او بدوت طرحه وتدخلين بدخله عروسه

واحلى شي انج تكونين ماخذه راحتج ووتتمشين وتسولفين بين الناس وتضحكين , اما العرس بتتنقعين بمكانج ونفنوفج ماراح يبين عدل والي يسوا والي مايسوي بيعلقون وينقدون وماتقدرين ماتعزمين كل الناس لان بيصير زعل وهذا غير العين وتنقل الحجي
من ناحيه التوفير فالي بتدفعينه حق العرس تسافرين فيه وتستانين وتشترينلج اغراض :up:

واحلى شى الهداياااااااااااااااااااا الي الناس اييبونها بالاستقبال (لان احنا عندنا بالكوويت عيب الوحده تدخل حفله استقبال بدون هديه )

تصدقون جايتني حرة

لأني بتزوج بعرض الدراسة

يعني الزواج ليلة الجمعة

وبروح الكلية يوم الأثنين

وشهر العسل ما راح آخذه إلا بعد سنة بعد الزواج لضروف الدراسة والعمل

وبس

سلامتج اختي مرايم من الحرة واناء الله ايامك كلها عسل

الغالية يوم العرس يوم مــــــــــــــــــــــــــــــــــــايعوض و لو حتى بحفلة بسيطه .

عندنا عاده ومو كل العوايل تتسويها البعض حاجه اسمها زواره

يعني العرس عائلي مختصر جدا

عقب شهر العسل يسوون الاهل حفله ابد مثل العرس بس ميزتها تكون العروس متواجده طول الوقت مع المعازيم وناسه :)

مشكورييييييييييييين حبايبي على الردود
والله فتحتوا عيوني!!!!!!!!!!1

ريم81:
أولا صباح الخير أختي mis-monalisa

تو الناس من صباح الله خير ما تبين تسوين عرس ( أفكار سوداوية) أتغشمر وياج

بصراحة ليلة العرس ما تتفوت على كل بنت و الفستان الأبيض له بهجة و فرحة خاصة

وانتظار المعرس و العروس لهالليلة ما ينوصف

ليش تروحين عليج كل هذا ........؟؟؟؟

الحفلة العادية بتلحقين عليها بعدين و يا كثر المناسبات .........

سوي حفلة عرس بس تكون بسيطة إذا ما تحبين الحفلات الكبيرة تقتصر بس على الأهل المقربين أبو 100 شخص مو أكثر و البسي الفستان الابيض و عيشي أحلى أيامك

رايي من رايك يا ريم

شكرا ياumadil
والشكر للجميع على وجهات نظركم ونصايحكم الحلوة

[grade="FF1493 FF1493 C0C0C0 FF1493"]هــــــلا والله حبيبتي

mrs_monalisa

اول شي الـــــف مبــــــــروك الزواج حبيبتي الله يتمم عليج بالفرح طول العمر يا رب

انــــا عندي ليلة العرس غيــــــر لها شي مميـــــز
بس فكرة الاستقبال حلوه بعد والاغلبيه يسوونها الحين
وفي ناس يسوون الاثنين مع بعض يعني عرس وبعد شهر العسل استقبال
بس طبعــاً هالشي يحتاج ميزانيه

بس اذا تبين رايي
افضــــــل العرس لانه يوم مميز لكل عروس وله ذكرى وايد حلوه
بس الاستقبال تقدرين اي وقت تسوينه وراح اعطيج فكره حلوه

سوي عرس وبعد شهر العسل سوي استقبال بس بالبيت اذا في عندج مكان واسع
وحطي اغاني وبوفيه عشا صغير وجذي ولبسي بدله حلوه ناعمه وسوي لوك يديد مثلاً واستقبلي ضيوفج[/grade]

:)

الغالية
مشكورة حبيبتي على نصيحتك
والله يقدم مافيه الخير