ريلي والجنس الناعم..افيدوني

فعلا انسان متناقض ؟؟؟
بس الصرااحة اهنييج على انج قدرتي تغيرين شي فيييه .... ماشاء الله علييج مبين مثل ما قلتي انج انسان واعيه وفاهمة وعقلج كبيير واكبر دلييل انج ما خبرتي حد حتى اهلج وحاولتي تحليين الموضووع رووحج .... ربي يوفقج
الغاليه ... انا ماشي في ايدي غير اني ادعاالج ... لاني بصرااحة ما اعرف حق هالامووور .....
ربي يهدي ريلج ويرضى عليه ... ويهنييج ويسعدج وي ريلج وبنوتتج

السمووحة
بنفسووجة

حبيبتي بنفسجه العين الف شكر للرد
للاسف 17 وحده قرت الموضوع ووحده بس ردت!!!!

السلام عليكم ورحمة الله وبركاته


ماشاء الله عليج اختي..............فيج صبر وعقل مب في حريم وااااااااااااااايد بصراحه وهالشي صدقيني مب مجاملة لج..............أنصحج اختي:

أدعي له في كل وقت وصلاة

استغلي ان عنده نوع من الوازع الديني، وهالنوعية من الرياييل الأمل كبييييييييييييير بتغييرهم....شجعيه انه يتقرب أكثر وأكثر من رب العالمين.....سواءا بالعمل الصالح وقراية القرآن الكريم والنوافل.

وحطي في بالج مدام انج قدرتي تغيرين فيه أشياء، بالصبر بتغيرين الأشياء اللي تكرهينها في شخصيته.

أدعي لج من قلبي أن الله يوفقج ويهدي لج ريلج ويبارك في ذربتكم..........آآآآآآآآآآآآآآآآآآآمين

السلام عليكم ورحمة الله وبركاته أولا أختي أهنيج على رجاحة عقلج في انج ما خبرتي أهلج لأن تدخل الاهل يكبر المشكله أنا من رأيي تطنشينه وهو روحه بيستحي على دمه ولكن ادعي له في ظهر الغيب ان ربي يهديه ويصلحه واستغلي الوازع الديني عنده يعني تعمدي يشوفج تقرئين القرآن وايد وتصلين وايد أعتقد كذي ان شاء الله منها راحه لنفسج من التفكير بهالشي ومنها انه يوم بيشوفج بيستحي على دمه ويترك عنه هالحركات الماصخه

عليج بالدعاء له بالهداية ... وإن شاء الله بيتغير ريلج ... وانتي تقولين انه رجل مصلي ... وتعرفين الصلاة تنهى عن الفحشاء والمنكر ... لا تيأسين وكوني مثل ما انتي وتحمليه ومع مرور الأيام بيعرف انه على خطأ وبيندم .. وفي نقطة بغيت اني أنبهج لها ... انج يوم تشوفينه يسوي هالحركات لا تأنبينه .. حاولي انج تشغلينه بأشياء ثانية وتسولفين وياه في مواضيع يحبها .. لأن الرياييل يحبون العناد وخصوصاً إذا كررتي عليه الكلام دوم .. والله يهديه إن شاء الله

الله يعينج حبيبتي

وعليكم السلام ورحمة الله وبركاته



أختي قلبي_راضي

حسيت بضيقة وأنا أقرا مشكلتج مع ريلج عسى الله يهديه

وعلشان أقدر أحل المشكلة وغيري يحلها لازم نحاول نعيش وضعج ونحس بمعاناتج

ونتخيل لو ، وأعوذ بالله من كلمة لو، أن حنا إللي عايشين هالمشكلة

يمكن ما أقدر أقدم لج الحل الكافي لأني مو خبيرة ولا أنا متزوجة علشان أعرف أتعامل مع هالنوع

من المشاكل لكن أنا بقول لج أشياء يمكن تساعد على حل مشكلتج مع ريلج وكلامي بيكون مبني

على أني حاولت أعيش حياتج وأتخيل نفسي مكانج..

أختي الغالية، كلامج عن نفسج كان دليل على كبر عقلج ودليل على إنج إنسانة واعية

إللي تبي تحافظ على بيتها وزوجها وصدقيني أي إنسانة ثانية ممكن تطلب الطلاق

من أول شي وممكن تقول حق أهله وأهلها وتزيد الطين بلة بس أنتي ما شاء الله عقلج كبير..

والشي الطيب إللي فيج بعد إنج قاعدة تحاولين تغيرينه بكل إللي تقدرين عليه..

لكن خليني أقول لج شي، الله سبحانه وتعالى يقول في كتابه:

((إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ)) سورة القصص آية 56

فالهداية حبيبتي بيد الله سبحانه وتعالى، أحيانا الواحد وده يهدي إنسان لطريق الخير

ويجي له من كذا ناحية بس ماكو فايدة ، والإنسان هذا مو راضي يقتنع لكن بيوم

ممكن يصير موقف بسيط يغير هالإنسان 180 درجة ليش؟ لأن الله سبحانه وتعالى كاتب له الهداية

فممكن أنج تقعدين سنين تحاولين تغيرين ريلج بس أبد ما راح يتغير ففي الحالة هاذي

أختي أقول أحسن حل إنج تلجئين لله سبحانه ، قومي الليل وأكثري من الدعاء أن الله سبحانه

يغير ريلج وصلاة الحاجة صدقيني أنا لاحظت لها تأثير عجيب والله عن طريقها تعرفين قدرة

الله عز وجل .. وتعرفين أن الله سبحانه قدير عزيز ويجيب دعوة الداعي إذا دعاه...

هالله هالله بالدعاء حبيبتي، ريلج حله بيد الله سبحانه ، أستري على زوجج وبإذن الله ربي بيغيره

لأن إذا أنتي قلتي للناس وبعدها ريلج تعدل ، صدقيني راح تبقى نظرتهم له أنه مو زين

وممكن أنج بعدها تغفرين له وتسامحينه والناس ما راح ينسون وراح يبقون يتذكرون هالشي فيه..

فهذا أول شي ، الصلاة والدعاء لله عز وجل، لأن صدقيني كل إللي حوالينج وكل أعضاء وعضوات

المنتدى ما بيدهم الحل ، الحل بيد الخالق الجبار .. خالقي وخالقج وخالق كل شي

فإللي قدر على أنه يخلق زوجج من بعد ما كان ولا شي قادر أنه يغير صفاته بلحظة وحدة..

وإن شاء الله ، الله يهديه..


الشي الثاني أختي، يجي دورج شوي لأنج لازم تحسسينه منو أنتي وأنه لو لف العالم كله ما راح

يلقى وحدة تسوي له جزء من إللي أنتي تسوينه.. صج أهو يقول لج أنه ما راح يلاقي وحدة مثلج

لكن هالمرة لازم تخلينه يحس بهالشي .. ما بقول لج طلعي من بيتج وروحي بيت أهلج

لأن هاذي حركة ممكن تدمر بيتج .. إللي لازم تسوينه إنج تهتمين بنفسج زيادة، ما أقول إنج

هاملة نفسج بالعكس باين من كلامج إنج مهتمة لكن أهتمي أكثر وأعملي أشياء

ما قط سويتيها وبالمقابل أهمليه شوي .. وحسسيه أنج مو مهتمة فيه وأنه عادي عندج إللي

يسويه.. صج راح تدوسين على قلبج ومشاعرج شوي بس لازم تحسسينه أنج خلاص أكتفيتي..

وأنه حر في تصرفاته.. وبنفس الوقت وريه إن إهتمامج لنفسج زاد وإهتمامج ببنتج بعد زاد

وأن وقتج راح تخلينه بس لنفسج وبنتج .. طبعاً دامه معترف بلسانه أنه ما راح يحصل وحدة مثلج

معناها أنه راح يعاني إذا حس بإهمالج له ..

حاولي تلبسين له وتغرينه بشطارتج لكنه ما راح يطولج طول ما هاذي تصرفاته وحسسيه

أنه إحتمال يخسر أروع إنسانة في الكون والسبب تصرفاته الطايشة..

وشي ثاني حاولي تثيرين غيرته ومثل ما هو يطالع صور بنات أنتي مثلي قدامه إنج تحبين

مغني أو ممثل معين وإن هالإنسان هذا صج عاجبج علشان بس شوي تثيرين غيرته

إذا يحبج أكيد بينفعل وإذا شفتيه أنفعل قولي جملة وأمشي ولا تنتظرينه يرد عليها

((طول ما أنا مو مالية عينك وطول ما عينك تخوني، أنت ما راح تملي عيني))

يمكن هالجملة تحرك شوي من إللي بداخله..


هذا شي، أمر ثاني عزيزتي دايم تكلمي قدامه عن قصص سوء الخاتمة

إذا كنتي قاعدة مع أهله وهو معاكم حاولي مع السوالف تجيبين طاري واحد مات على سوء خاتمة

والعياذ بالله وهالقصص تقدرين تحصلينها في الإنترنت .. وتكلمي قدامه وايد

عن عذاب القبر ودامه يصلي هذا معناه إن فيه على الأقل ذرة من الإيمان..

صحيح عزيزتي أن الصلاة تنهى عن الفحشاء والمنكر لكن الشي إللي الناس ما يفكرون فيه

أن الصلاة تنهى عن الفحشاء والمنكر لما يكون القلب حاضر الصلاة.. في ناس وايد يصلون

لكنهم يصلونها رياء وهاذي الصلاة ما تنهى عن الفحشاء والمنكر وفيه ناس وايد يصلون

بس بالهم دايم مشغول لدرجة أنهم مو عارفين شنو يقولون في الصلاة..

فحاولي دايم أنج تجيبين له طاري عذاب القبر وعذاب جهنم وبنفس الوقت تكلمي عن الجنة

وإللي فيها وعن الأشياء إللي ممكن يخسرها الإنسان والسبب اشياء تافهة .. وقولي له

أن كل الأمور الشينة إللي يسويها الإنسان باجر الله يظهرها في عياله وهو عنده بنت

قول لي له ما تخاف عليها من تصرفاتك.. ذكريه بهالأمور أن الذكرى تنفع المؤمنين...


هذول أمور فكرت فيهم بإذن الله يكونون سبب في تغيير زوجج للأفضل إن شاء الله..

أسأل الله أن يهديه ويصلحه ويجعله زوج صالح لج وأب صالح لبنتج.. والتوفيق من الله سبحانه


والله يوفقج ويأجرج كل خير على صبرج في الدنيا والآخرة..



ولج أطيب تحية

شوفى يا قلبي تحمليني ترى انا طبعى قاسيه لا شفت الغلط من زوجى بس باقولج الصقر يحوم يحوم بعدين يرجع لصقارة خليه يشوف مثل ما يبي وتجاهليه كانج ما دريتي صدقينى هو من نفسه بيعرف غلطه وبعدين ادعيله بالهدايه واسالى دايم انت تحبنى تغار على ترضى حد يطالعنى انا ما احب احد غيرك يشوفنى وبعد ما احب حد يشاركنى بك ومن ها الحجى بس بدلع بدون عصبيه ما نفع معاه طنشيه وخفى من الكلمات الحلوة وثقلي عليه ولا تطلعين معاه اماكن السوق وايد روحى مع هلج صدقيني بيحس وبيرجع انا احاول مع زوجى اذا غلط بالتدريج واذا ما صلح غلطته اهجرة بالكلام مو بحقه الشرعى لانه حرام بس ممكن اعاشرة وما لي نفس ولما يسالنى ابدا بالعتاب وانشاء الله تفيدج طريقتى

الحكمة تنبع من عقلج

وانتين بشطارتج تقدرين تغيرينه


والله يوفقج انشالله

بس عليج بالدعاء

بسم الله الرحمن الرحيم

حبيبتي قلبي_راضي

انت لازم تحطين حد للي يصير بس بذكاء

ومن خلال قرائتي لموضوعج تاكدت انج مرة عاقلة والحمد لله

اختي شوفي انتي مثل ماقلتي انج كلمتيه بحنان كبير واستحى منج

الحين حاولي تفاتحينه بهذا الموضوع وتكلمينه بحزن وبينيله انج فعلاً متضايقة

قوليله حرام عليج على بالك انا ماعندي غيره طب حط نفسك مكاني

ماراح تنقهر وتتألم؟؟؟ واقعدي صيحي شوي ونزلي من هالدموع

ترا سلاح المرأه دموعها "سألي مجرب" وحاولي تقنعينه بالين والطيب

عاد اذا شفتي ان مافي فايدة اقسي عليه حبتين وبينيله انج من كثر ماتعبتي ماعدتي تهتمين مثل الاول

لين ماهو يحس فيج وبعذابج...ترا بهالطريقة بيحس انج ماتحبينه مثل الاول وهني بيحاول يسوي المستحيل عشان يراضيج

بس شوفي يا حياتي هالقساوة مو يعطي طولة السان ... ادريبج عاقلة

انا قصدي لاتدلعينه ولا تتدلعين جدامه ولاتبينيله انه شغلج الشاغل او هو من اولوياتج

بعدين عندج الدعاء ولاتنسين ان الله ماينسى عباده الصالحين

وان شااء الله يهديه ويرجعه لج احسن من اي وقت

ومايشوف غيرج ابد ....اللهم اميـــــــــن

اختج
#رومانسية#

انا مع كلام همس القلوب ماشاالله عليها كفت ووفت

بس عليج بالدعاء

ونحن انشاالله بندعيلج

اختي مرايم السعودية
المفروض تكتبين "ان شاء الله" لان لايجوز تكتبين "انشاء الله ".....

عزيزتي .. قلبي_راضي

الله يرضى عليج يا رب ويفرح قلبج ويسعدج ويهنيج بزوجج وبنتج يا رب

طبعا الاخوات ما قصروا بس أأكد لج على كلام الاخت .. همس القلوب .. خوفيه ببنته ... وقولي له الدنيا دوااارة ترى ومثل ما تفتش عن عرض الناس ترى بيطلع لك ناس تفتش بعرضك وهي انا وبنتك ... احفظنا ترى انت والينا وسندنا .. ومن هالكلام الهادئ الطيب الرزين .. وانتي ما شاء الله عليج باين عليج رزينة وحكيمة .. الله يتمم عليج يا رب

وكمان حاولي ما تفكري بالموضوع واااايد ولا يشغل بالج ... لانه بياثر على تصرفاتج معاه لا اراديا ... وقد يسوء الامر لا سمح الله بينكم ... طبعا مثل ما قالت احدى الاخوات حاولي تجذبينه اكثر للمحاضرات ما دام هو يحب يسمع .. اجلبي له اشرطة او اذهبي معاه .. وترى يا اختي ما دام زوجج يتندم لج يعني فيه امل وكبير كمان انه يتعدل ومرحلة وتعدي يا رب
وانتي بعد حسسيه بهالشي انها مرحلة وتعدي واشغليه باي شي ببنتج بسوالفج معاه .. لما تشوفينه يعمل هالحركات ... وانتي طبعا شااااطره ولا تنسين ان كيدهن عظيم ... املي عيونه ببيتج عشان ما يبحث عن برا .. وترى هو معذور يا اختي من هالاشكال الماساوية الي يشوفها وغصب عنه عيونه تناظرهن .... لانه زمن عجيب والله

الله يحفظج ويحفظ لج بنتج وزوجج ... وعليج بالقران وسورة يس والمؤمنون يوميا والدعاء لله بان يشغل زوجك عن هذه الحركات

دعائي الخالص لك بالسعادة والهناء في الدارين .. وموفقة لكل خير

الله يهديه يارب ويساعدج

الحل ماراح يكون فجاه

بس ان شاء الله راح يتغير بالتدريج

لانه الشاب اذا تعود من مراهقته على هالاشياء والنظر للنساء

صعبه يتغير فجأه

بس الله يهديه ويصلح باله ويجعله من الصالحين الغاضين لبصرهم

أهلا عزيزتي

أنا عندي راي وهو ...

كلما تشوفينه يحاول يسوي هاذي العادة السيئة.... حاولي انك تقعدين معاه ...يعني لما بتقعدين معاه

مو بس تقعدين ساعة أوساعتين وخلاص" لا " ....كثر ما تقدرين حاولي تتفرغين له فراغ كلي ....

يعني ما تتركينه لحظة انه يفكر انه يتجه للأنترنت ...او ما شابه ...ولما تشوفينه بيفتح الأنترنت قعدي معاه

كلميه ...سولفي معاه سوالف حلوة تنسيه هالأشياءات

يبيي له مواضيع ونصائح تهمه بطريقة ما يحس فيها...وطريقة حلوة ...

وان شاء الله ....الله يهديه

والله ولي التوفيق

حبيبتى
والله مش عارفه اقولك ايه البنات ماقصروش خالص
بس نصيحه منى اوعى تفقدى الثقه فى نفسك واستمرى احلى واحلى
وعلى فكره انتى بطريقتك ممكن متخليهوش يبص بره خالص
ومن الواضح انه عينه مليانه ولكن الطبع احيانا بيغلب التطبع ربنا يهديه يارب وادعيله فى صلاتك
وياريت تطمنينا عليكى

السلام عليكم
اهم شي صح لا تفقدين ثقتك بنفسك لان العيب مو فيك
وحاولي دائما تدعين اليه إن الله إن شاء الله يهديه
ومثل ما قالوا البنات استغلي انه انسان محافظ على صلاته ..
وأتمنى لك التوفيق في حياتك والله يهديه
تحياتي ..

ما شاء الله عليكم يا بنات ....والله انكم كفيتو و وفيتو....و ترى الاخت (قلبي راضي) مو اول و لا اخر وحدة تعاني من هالمشكلة , صديقتي تعاني من نفس المشكلة , والله جنها هي اللي كاتبة الموضوع بتفاصيله, و انا طبعا قريت لها ردودكم الحلوة و هي قالت ان شاء الله بتركز على 3 اشيء :1- صلاة الحاجة و الدعاء له بالهداية
2- تقرا قصص عن سوء الخاتمة و العياذ بالله و تذكره فيها و في بناتها و ان الدنيا دواره
3- تقضي معاه معظم الوقت اثناء جلوسه على الانترنت
و انتو بعد خواتي الحبيبات لا تنسون تدعون لها و لزوجها.