زيت الزيتون وشعري!! - منتديات عروس

b

bskotah

عروس نشيطة

06-08-2005 | 08:46 AM

السلام عليكم ورحمة الله وبركاته

شخباركم يا أخواتي..
حبيت اشاركم تجربتي ويا شعري وبعض الخلطات اللي استخدمتها من المنتدى..

انا شعري كان غليظ وماشالله عليه.. طبعا هذا في ايام الطفولة :(
المهم .. صار من أسوا ما يكون.. تساقط.. خفيف.. باهت .. مافيه أي نوع من انواع الحياة ..
المهم سمعت عن المنتدى وقررت ادخله واشوف الوصفات اللي فيه..
وبعد البحث والتنبيش في الوصفات سويتلي جدول لشعري.. وكان كالاتي:
استخدمت المايونبز... وكان جدا جدا مفعوله والحمدلله رائع على شعري.. كنت اتركه على كيفي بس المهم انها ماتقل عن ساعة..
واستخدمت عصير الجرجير.. كنت آخذ حزمة جرجير واعصرها وآخذ عصيرها وكنت اتركه على شعري لمدة ساعتين..
واستخدمت نوع من الزيوت المخلوطة بس هذا الزيت جايبيلي اياه من الهند وهو عبارة عن عدة زيوت مخلوطة احطه على شعري مدة 20 - 30 دقيقة وعقب اغسله..
والحمدلله الكل لاحظ انه شعري بدء يتحسن لدرجة انه بنات عمتي سالوني اتني صابغه شعرج. سألتهم ليش.. قالولي لانه شعرج كان باهت والحين زاد السواد اللي فيه ونحسبه اغلظ عن قبل... طبعا انا كنت اعاني من الشعر الخفيف في مقدمة راسي..

المهم عقب قصة النوم هذي عن شعري.. بتقولولي وين زيت الزيتون !!!
سلمكم الله.. قريت فالمنتدى عن خلطة (ملعقة زيت زيتون و ملعقة عسل و بياض بيضة) نتركهم على الشعر لمدة ساعة مرة فالاسبوع... فقلت بجربه.. جربتها وياليتني ماجربته ..!!! جربتها لمدة شهر وبدأ شعري يتساقط ورد لحالته السابقة!!! بتقولولي يمكن مش من زيت الزيتون.. لكن انا استخدمت البيض على شعري من قبل وماكان يتساقط .. بس يوم استخدمت زيت الزيتون رجعت ريما لحالته القديمه :(

بغيتك تعطوني رايكم في اللي قلته يزاكم الله خير... وعلى فكره.. انا بديت استخدم جدولي السابق لشعري الحين من اسبوع وانشالله يرجع يعتدل مرة ثانيه ... قولوا آآآآآمين

أ

أم هتون

عروس مشاركة

06-08-2005 | 08:55 AM

المعروف عن زيت الزيتون انه مفيد للشعر

بس يمكن لانج خلطي يعني بيض وعسل

اول مره اسمع العسل زين للشعر

البيض يعتمد على نوع شعرك ممكن تستخدمي البضه كامل اذا كان شعرك جاف اما اذا كان دهني فقط تستخدمي بياض البيض

ان شاءالله البنات يفيدونك

ر

ريم81

عروس ماسية

06-08-2005 | 09:25 AM

انا سمعت انه زيت الزيتون مب زين للشعر لأنه يوقف نموه

بس ما ادري

بنات أنا بعد شعري قام يطيح و ما اعرف ليش

و الله خايفة ساعدوني

b

bskotah

عروس نشيطة

06-08-2005 | 09:31 AM

أم هتون

تسلمين حبيبتي على ردج...

انا استخدمت بياض البيضه لانه شعري دهني...

وبالنسبة للعسل .. معروف انه العسل مفيد بشكل عام مب بس للشعر..

مشكورة مرة ثانية :)

b

bskotah

عروس نشيطة

06-08-2005 | 09:34 AM

ريم81

تسلمين حبوبه..

يعني شكي في زيت الزيتون كان صح :(

بالنسبة لتساقط شعرج.. انصحج بالجرجير.. وايد بينفعج انشالله...

تحياتي

ص

صلصوحه

عروس ماسية

06-08-2005 | 10:09 PM

انا الزيت الوحيد الي يناسب شعري هو زيت الزيتون

سبحان الله كيف ماناسبج؟؟؟

انشالله شعرج يرد مثل قبل واحسن عن قبل بعد

ك

كتوكوتة

عروس مشاركة

06-08-2005 | 10:19 PM

اختي اقولج ما في احسن من زيت جوز الهند وبعد جربي فاتيكا ودابر ..

كل نهايه اسبوع ادهني شعرك بزيت جوز الهند وسويه ضفاير وشوفي النتيجه لانه بصراحه الضفاير طول الشعر .. واكبر برهان الهنديات ..

وان شالله فدتج

:shy:

3

3a6lah

عروس نشيطة

07-08-2005 | 02:26 AM

زيت الزيتون معروف انه يبطيء نمو الشعر
وانا سمعت انه مو زين تحطينه على فروة الراس
لان احيانا يسبب تساقط الشعر
اذا حبيتي للتنعيم حطيه على اطراف شعرك بس
انا بعد هالسنه قام يتساقط شعري بشكل غير طبيعي
الظاهر انه صاير موسم :think:

b

bskotah

عروس نشيطة

07-08-2005 | 07:28 AM

اختي صلصوحه <--- اسمج يجنن :)

تسلمين على ردج الغالية..
سبحان الله مثل ما الشعر انواع ...يمكن مب كل فروة تتحمل اي نوع من الزيوت.. يمكن اشياء تناسبج ماتناسبني واشياء تناسبني بس ماتناسبج...

مشكورة على تفاعلج وياي... والله يسمع منج انشالله

b

bskotah

عروس نشيطة

07-08-2005 | 07:34 AM

اختي كتوكوته...

مشكورة على ردج وانشالله نصيحتج تساعدني
مع انه شعري وايد خفيف يعني اذا سويته ضفاير شكلي بيكون وايد يضحك :(
وانا ابغي الغلظ مش الطول لانه شعري الحمدلله يطول بسرعة بس مب طايع يغلظ :(
بس انشالله بسمع نصيحتج..

b

bskotah

عروس نشيطة

07-08-2005 | 07:37 AM

الغالية 3a6lah

ما اقول غير الله يغلظ شعورنا ان شاء الله :(

ومشكورة على الرد

ا

العين الساحرة

عروس نشيطة

07-08-2005 | 10:14 AM

انا سمعت لان زيت الزيتون ما يستخدم بروحه لازم تخلطينه مع زيت ثاني

ص

صلصوحه

عروس ماسية

07-08-2005 | 10:25 AM

انزين جربي السدر وايد زين حق تساقط الشعر

b

bskotah

عروس نشيطة

07-08-2005 | 11:28 AM

الغالية العين الساحرة..

مشكورة على مرورج وردج .. وانا سمعت هالشي بس بعد ماستخدمت زيت الزيتون :(

b

bskotah

عروس نشيطة

07-08-2005 | 11:33 AM

الغالية صلصوحه..

انا بعد سمعت عن السدر..
انا الحمدلله يوم استخدم الجرجير يقل التساقط.. بس ابغيه يغلظ ياااااااانااااااااس :( وانشالله استمر على الجرجير واستفيد منه

تسلمين الغالية

ك

كابتشينو22

عروس جديدة

11-08-2005 | 11:13 AM

عن تجربه مانصحكم انكم تستخدمون زيت الزيتون بروحه لانه ينشف الشعر وايد وقالتلي اختيه بعد بس انا الله يهديني ماسمعت الكلام بس اذا بتستخدمينه اخلطيه ويا زيوت ثانيه ولا تكثرين من زيت الزيتون بس وصفة زيت الزيتون والموووووووووووووووز واااااااااااايد حلوه اتحسين بالنعومه وان التقصف راح من اول استخدام والله انا وايد عيبتني هالوصفه واتمنى انها اتفيدج لاني انا استخدم هالوصفه ووصفة المايونييز والروب والبلسم وزيت الزيتون مع زيوت ثانيه اذا عندج وايييييييييييييييييييد حلوه هالخلطه بعد وان شاء الله اتفيدج وعقب ماتغسلين شعرج عن الخلطات انصحج انج تخلطين زيت الخس وزيت اللوز وزيت الخروع وتدهنين شعرج النتيجه روعه ومافي داعي بعدها اتسشورين شعرج والله

b

bskotah

عروس نشيطة

11-08-2005 | 03:30 PM

الغالية كابتشينو22 .... <--- والله خاطري في كابتشينو الحين :)
اول شي مشكورة على ردج وايد ونصايحج
وانشاء الله راح اجرب اللي قلتيه...

بس بنات ... مافي حد عنده وصفة اتغلظ الشعر :( بس دخيلكم بدون بصل وثوم !!!! ما اتحملهم ابدا!!!!!!!

ق

قلبي_راضي

عروس جديدة

11-08-2005 | 11:06 PM

الصراحه انا زيت الزيتون يناسبني ويناسب خواتي وحتى اخت ريلي وايد تمدح فيه
بس يمكن انتي ما فادج وعزييييزتي نصيحه مني لج لازم ما تهملينها
لازم ما تجربين كل شي لانه اللي يفيد غيرج مش بالضروره يفيدج..دامج جربتي شي وفادج عيل اثبتي عليه ولا تخربطين وايد عسب الشعر لايستوي اسوء من قبل

m

mango2

عروس متألقة

12-08-2005 | 04:40 PM

انا سمعت ان زيت الزيتون ممكن ميكنش مفيد قوي للشعر لانه بيتحط على الجسم يعني لو هيطول الشعر بيقى شعر الجسم هيطول انا لاني شكيت فيه استغنيت عنه لشعري