اللي تحصل على هذا العطر بليز تخبرني

من عيوني

تـــــــــامرين أمر

أذا حصلته أبخبرك وأذااااااااااااا حبيتي شريته لك

ما يغلااااااااااااا عليك واللّه

هالعطر مووجود في محلات اجمل في قطر ودبي

وسعره 40 ريااال كان ب 30 واستوى ب 40 ريال

يمكن يكون مخلص من محل اجمل اللي في البحرين بس اكيد بيبون منه :)

هو ريحته مثل كوكو شانيل

و موجود بكل محلات اجمل عندنا

بس سعره مستحيل يوصل 7 دينار

قبل كنت اخذه بـ 30 ريال والحين وصل سعره 40

الغاليه تراه موجود في الامارات بوظبي بكل محلات اجمل
عنا بـــ 30 درهم

اذا كان هالعطر حلو دلوني على محل يبيعه بالسعوديه (((الرياض خاصة)))


وعن نفسي ماقد سمعت عن محل اسمه أجل بالرياض او يمكن ماقد انتبهت له لاني من النوع اللي يشتري ويطلع ولاينتبه للمحل اللي دخله :) وش يكون


وشكرا

اجمل تلاقينه بالفيصليه والمعيقليه بالرياض

العطر عندنا موجود ب 30 درهم


اذا تبينه تراني حاضره

sedi4241 عزيزتي ذاك الشهر ويمكن أقل من شهر آنا شارته من أجمل اللي بالرفاع شارع بوكوارة.. وقيمته 4 دينار مو 7 دينار... وكان عندهم بكثرة يقول لي هذا مايخلص أبدا هذا العطر عليه إقبال وايد.. وأتمنى أني أفدتج عزيزتي

السلام عليكم ورحمة الله وبركاته..



الغاليه تقصدين هالعطر قطرة مطر Rain drop السيلفر.. من ماركة la praire



اذا هو تراه ينباع عند محلات اريج والصغير منه على 600 والعود تحت ال5000 درهم..
وبتحصلينه في محلات باريس غاليري اذا ما كنت غلطانه..
ريحته جناااااااااااااان على العود والبخور والبهارات الخفيفه.. يعني روعه روعه..

وشكرا..






-( نصيحه لكل متزوجه سماع شريط شروخ في الحياة الزوجيه للشيخ: سعيد بن مسفر..)-

أنا رحت اجمل الي هني في دبي و سالت عنه

موجود هني عندنا

ياليت لو نقدر نوصله لج


و السلام ختام:cool:

صراحه العطر دخل خاااطري وانشاء الله باخذ منه


يسلمووووو

ام سعيييييييييد هي ماتقصد هالعطر:)
:
:
:ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
:
:
الغاليه هالعطر موجود هني في الامارات لو يستوي اطرشلج جان طرشتلج^_^
امممممممم انزين انتي قوليلهم يمكن اييبون سألي ترى دوم اييبون انا كان عندي قبل بس من خلص ماخذت منه مره ثانيه.. حلوو وسعره احلى^_*
انشااااااالله تحصلينه^_^

العطر موجود في محلات أجمل في الكويت وبكثرة بعد.

أنا رحت محلات أجمل إللي في السعوديه وما فيه منه....

أهلين اختي

kholoud_sa

شكرا لانك دليتيني عالمكان
تصدقين ولا مره انتبهت له....


بس زي ما قالت الاخت
Wisam

مالقيته بالمحل....

مراحبا حبايبي
حبيت اقولكم على عطر قمة في الروعة وما فية اي نقاش (ثابت - كلاسيكي - جذاب -فواح ) عطر شيوووووووووووووخ
العطر اسمه ((عطر الشيخ )) ومن اسمه يدل على ريحته وشكله وفخامته
تلاقونه في باريس غلاري أو قزاز أو وجوه
رجالي سعره 550 ونسائي 780 تقريبا اعداده قليله ويخلص بسرعه عليه طلب كثييير
وفيييييييييييييييييييييييييييييييييييييييه ميزه اذا خلص تعبينه

ايضا في عطر جدا رائع وحلو برازيلي مو فرنسي عند وجوه العطر شكله دائري لونه اسود والغطا مسطح ودائري

(f)أنا شفت هالعطر اللي اسمه رين دروبس في محل حامل المسك وتأكدت انه من أجمل انشاء الله تلقينه عندهم