هل اجهضتي اول حمل لك ؟؟؟

السلام عليكم ورحمة الله وبركاته

هلا بيكي أختي angel_eyes...

أختي أغلب الحوامل الجدد يجهضوا في أول شهور..يعني ما تخافي و ما تقلقي...

لسه الرحم مش متعوّد على الحمل...

و مثل ما قالت لك الدكتورة...لو إنتظرت شهرين أو ثلاثة يكون أحسن...تكوني إستعدتي صحتك...

و إبدأي خذي حديد و فوليك أسيد من الآن...علشان تكوني مستعدة إن شاء الله للحمل الجديد...

بإذن الله تبشرينا قريب :)

شكرا عالمرور حبيبتي مرموم...انا مداومه عالفوليك اسيد وبتريا 3 شهور والله كريم :)

انا بعد اجهضت اول حمل بدون اسباب تذكر....والحمل الاول صارلي بعد 5 شهور من الزواج والاجهاض صار بعد شهر ونص من الحمل.....بعد كذا انتظرت شهرين قبل ما احمل مره ثانيه والحمدلله كاني بالشهر الخامس

الحمد لله :)

والله يتمم لج حملج على خير....و شكرا عالمرور...فرحتيني بمرورج

هلا وغلا أختي الغاليه

الله يتمم لك على خير ان شاء الله ويرزقك الذريه الصالحه

انا بعد أول شهر من زواجي حملت وأجهضت بالشهر الثاني وتميت 6 شهور والحمد الله الحين حامل وبالشهر الرابع

لاتشيلين هم خيتوو :smile:

وانا بعد حملت بعد شهرين من الزواج..و اجهضت بعد 3 اسابيع يمكن او اقل..
وحملت مره ثانيه بعد شهر...

بفضل الله..

شكرا حبيباتي عالمشاركه...الله يتمم لكم على خير

صح كلام الدكتورة

واغلب اللي اعرفهم يحملون بعد شهرين او ثلاث من الاجهاض

السلام عليكم

انا بعد ما تزوجت بسنة حملت ونزلت بالاسبوع الخامس ما عرفت السبب

وبعد بسنة ونص حملت ونزلت كمان مرة بالشهر الاول وبعد اشهر حملت كمان مرة ونزلت في الشهر الرابع بسبب الرحم ذو قرنين

ولحد الان ما صار عندي حمل ولا اطفال وانشالله الله يرزقني انا وكل المحرومين بالذرية الصالحة لا زيادة فيها ولا نقصان اللهم امين وهذي قصتي مع الاجهاض المتكرر

bint blade

الله يعطيج و يعطينا و يعطي كل اللي يبون عيال يارب العالمين

انا بعد مثلكم
حملت بعد زواجي بسنه و3 شهور تقريبا بس للأسف اجهضت في الاسبوع الأول من الشهر السادس
وقالو لي انها ولاده مبكره .. وكانت بدون سبب وبدون مقدمات لاني ماكنت حاسه بألم او اي شي فجأة مالقيت الانزيف ..

بس الحمد لله بعدها بشهرين ونص حملت والحين انا في الشهر الثالث بس قالو لي في المستشفى لازم اسوي عمليه ربط للرحم
لانه هالشي يمكن يتكرر ..
وانا الحين انتظر نهاية الشهر الثالث علشان اسوي العمليه ..
ادعو لي ..

أم حسوون ..

هلا ياعسل

انا حملت بعد زواجي بثلاث اشهر وقعدت شهر ونصف ومات الجنين والحين ليه 10 شهور وماحملت وماخليت لا دكتور ولا دائيه ولا علاج من النت ماسويته ويقوليله سليمه وزوجي الحمدلله سليم
لكن الله ماااااااااااااااااااراد
ادعولي مل صبري

حبيباتي

شكرا على المشاركه

والله خوفتوني :(

الله يرزقكم و يرزقني

لا تخافين angel eyes الاجهاض خاصة في الحمل الأول شي عادي وتصير لكثيرات

صديقتي اجهضت في الشهر الرابع .. وقال لها الطبيب ان السبب انها تشرب شاي كثير وهذا يمتص الحديد من دمها والبيبي يحتاج الحديد وهي ما اخذت حتى فوليك اسيد ... بعدين انتظرت سنة وحملت والحين عندها فيصل ما شاء الله جابته طول بعرض الله يخليه لهم

لا تحاتين ان شاء الله ثلاثة شهور ونحمل انا وانتي مثل ما اتفقنا ( كأنه على كيفنا ) انتي خليك مداومة على ال Folic Acid انا من هالشهر ببتدي استخدمه بعد ... عشان لو الله رزقني وحملت خاصة ان جسمي ضعيف ودايما عندي ارهاق وتغذيتي مو كويسة

المفروض الوحدة تستعد قبل الحمل على الأقل ما تحمل الا جسمها صار قوي لاستقبال البيبي

الله يرزقك ويرزقنا وكل محرومة ان شاء الله ما تطلع السنة الميلادية الا كل البنات حوامل خاصة ان هالشهر ما شاء الله سمعنا اخبار حلوة عن روينا والعيناوية وريح النفل من قبل

الله يتمم لهم بخير ويسهل عليهم

رووووووومي حبيبتي

ان شاءالله على خير...حاولي تعدلين تغذيتك لاني انا بديت احاول اتغذى عدل...خضار و فواكه و عسل و حليب (مع اني ما احبه) بس عشان جسمي يقوا و يكون جاهز لاستقبال البيبي واهم شي الفوليك اسيد....بس تدرين رووومي...اخاف اخونج واحمل قبلج لانه من كثر ما سمعت من اخبار حلوه هالشهر ...ماشالله وايد بنات حملوا صار خاطري احمل....:)
بس لا شكلي لازم اصبر شوي ....خلينا اتهنى بحياتي شوي لاني جربت الحمل و عرفت انه متعب جدا...فلاحقين على التعب:)

والصراحه هو الله متى بيأذن يعني متى ما الله يريد بنحمل .....

ادعولنا بنات...انا ورومي نحمل مع بعض و يثبت حملنا..ويرزقنا بيبي سليم و معافى

على خير ان شاء الله

الله يكثر من الأخبار الحلوة يارب ... انا بروح الاسبوع الجاي ان شاء الله المستشفى عشان اسوي شوية فحوصات وبشوف شتقول لي الطبيبة اذا كنت احتاج شي غير ال Folic Acid لاني مثل ماقلت لك تغذيتي مو ذاك الزود ما آكل شي غير الدجاج ولا أحب معظم الخضار .. والحليب حتى ما رضعته من امي !!! ما أدري ليش انا كذا الله يستر على اللي بجيبه مسكين بيطلع صغير وضعيف اكيد

بس الفوليك اسيد اكيد هالشهر من بعد الدورة وبترك الخرابيط مثل ال Fast Foods او على الأقل بحاول اقلل منها .. وباكل خضار قد ما أقدر

الله يرزقنا جميعا ان شاء الله مثل ما قلتي الاخبار في المنتدى تحمس

:)

بشرينا شو بتقول الدكتوره..خلينا نمشي مع بعض خطوه بخطوه

هلا اختي
انا اجهضت اول حمل وثاني حمل بعد
بس الحمد لله الثالثة ثابتة
الحمد لله الذي رزقني الذرية
وعقبال الكل

بناااااااات الله يرزق الكل ان شالله عياااااااال يملوت عليه حياته و حتى انا بعد اعرف واايد اجهضوا وتقريبا كل خالاتي اجهضوا الي مره والي مرتين
بس عفيه بنااااااات قولولنا اسباب الاجهاض عشان الواحد يدير باله