انقلبت الخطبه عرض ازياء وتكسير خواطر...دعوه للنقاش...ماهو الحل

اعلم انه ليس وقته كتابت موضوعي هذابحكم ظروفنا
ولكن ماان (اعصب)الا الجى لمنتداي لاعرض عليهم سبب المزاج المتعكر لنناقش هذه القضيه

اتصلت صديقه تعرض علي قصتها
وتقول بالنص:اول مره احتقر نفسي واحس نفسي رخيصه مثل السلعه
قلت لها:خير عسا ماشر
قالت:جو ناس يشوفوني وقلبوا فيني وبالاخير راحو وهي الروحه وقبلهم ياما
قلت:ان شاء الله بيجيك ابرك منهم ومايكتب ربي لك الا الخير
قالت:ماهمني روحتهم بقدر دخلتي عليهم وعيونهم الي تفصفني وبالاخير يروحون حتى مايقولون ماصار نصيب واقعد على اعصابي اذا مر الاسبوع قلت خلاص ماصار شئ ولك ان تتخيلي شكلي عند اهلي
بصراحه انا من الي جربو هالشئ لذلك لم املك الا ان اصمت لاني لو تكلمت بازيد عليها الوجع

الموضوع هو
شوفت اهل الخطيب قبل الخطيب
سؤال؟؟الحين مين الي بيتنزوج الولد ولا اهله
تلقى الام والاخوات يجون ياكلون ويشربون ويتفرجون وبالاخير يطلعون ولايقولون الله يوفقها بغيرنا ولاشئ
لهالدرجه مشاعر الناس رخيصه

انا مااعارض جيت الاهل لكن لو الولد الي يجي احسن بعدين الاهل
او يجون الاهل ويشوفونها ويحكون شكلها بدون مدح مبالغ او ذم لان الناس اذواق واذا ارتاح يشوفها

اكيد بيقراء موضوعي بنات يدورون لاخوانهم او رجال يدورون الزوجات
لكن اقول اتقوا الله في بنات الناس
تفتحون ابواب خلق الله وتتفحصون وتتركونها كانها منبوذه بدون رد خبر
والله ثم والله لو الموقف لكم ماقبلتو لبناتكم
والمشكله اذا قال الواحد لهم الولد يجي يجلس مع ابوها ويشوفها (بعد السؤال عنه طبعا)ثم تجون انتم قالو لا
طيب وش عليكم اذا الي بيكون بموقف محرج البنت في كل الاحوال
ولو قلتو مايحتاج يجي احد قولو ماعندنا بنات ينشافون الواحد ماوده يقطع رزقه

صحيح شوفت الاهل للبنت وردهم لها اهون من شوفت الولد للبنت((والله لايعيشني بهالموقف))
لكن هنا نقول ان صاحب الشان ردها مو اهله

وعموما صحيح ان الرزق بيد الله لو ايش ماكان بيكون دام ربي كاتبه

بس حبيت اشوف مواقفكم وارائكم بهذا الموضوع
الي كثييييييييييرمن البنات جربوه
انا كتبته ليس للنصح والمواساة انا جبت الموضوع للنقاش
ويله ورونا ردودكم

وش رايكم يجي الاهل قبل ولا الخطيب؟؟