متى رأيكم الشهر المناسب لشراء ملابس البيبي

هلا حبيبتي عهد

أنا أفضل شراء بعد الشهر السابع و قبل التاسع

بحملي الاول اشتريت الملابس من الشهر الثاني تقريبا :bigsmile:

السلام عليكم ورحمة الله وبركاته

ما شاء الله فوانيسو ماقصرت

وان شاء الله البنات يفيدوكى كمان اختى

والله يكمللك حملك على خير يارب

حبـــيبـــــــــه ,,,

فوانيس .. ضحكتيني الصراحة .. من الشهر الثاني عاد .. حتى نص الحمل ما طاف

الغالية عهد .. أصلان اول شهر و شهرين الياهل دومه بالقماط و اترومين تاخذين له الأشياء الأساسية المشتركة اللي اتناسب الجنسين



أن أحس الوحدة اتكشخ النونو عقب ما يخلص 3 شهور بس لما هو فار كبر اليد شو بتكشخين فيه

أنا ناوية جيه أسوي اذا الله كتب و راد .. و ربي يقومج بالسلامة

انا لو مكانج اول ما اعرف جنس البيبي اروح اتشرى وانا اتريا اعرف عشان اتشوفوني احوط ف المولات وما اخلي شي ف خاطري

انا من رايي تبدأين من الشهر السابع..
و عن لون الملابس اشتري الي يليق الجنسين (أصفر, أخضر, برتقالي, ابيض, بيج ) و الموديل بليق بالاثنين و لاتكثرين من المشترى في البدايه لانه البيبي بيكون كله ملفوف و بيكبر بسرعه...
اتمنى اكون افتدج..
و الله يسهل عليج و علينا

هلا وغلا
انا عضوة جديدة بالمنتدى
اول شى الله يهون عليك ويرزقك بالذرية الصالحة
وانا انصحك تبدين تجهزين من الشهر السابع
وعن الالوان ==== للجنسين ( الابيض -- والبيج ----- والاخضر --- والاصفر
والله يهون عليك
بس تو الناس عليك لاتجهزين الحين يمكن ينزل شى حلوووووووو:cool2:

احسن شي ...
الشهــــــــــر السابع...
وحلو بعد في الخامس قبل لاتتعبين...:up:

اولا : الله ايهون عليك ويقومك بالسلامة انشاء الله ..
ثانيا: انا من الذين ايأيدون التجهيز من الشهور الوسطى لانك في هالوقت بتكونين في احسن حالاتك من حيث النشاط والمزاج الرايق واللي بينفعك عند التجهيز قبل لا تثقلين وتصير حركتك صعبه ، حاولي اتخلصين اكبر قدر من الاشياء خلال الشهرين السادس والسابع وفي الثامن خلاص تشطبين اذا كان فيه اي نواقص وفي الشهر التاسع خلاص الشنطه مصكره وجاهزه لوقت الولادة ..

انا شريت اغراض البيبي من الشهر السااااااااااابع
لانه اهون شهر الثامن والتاسع جدا متعبين وثقاااااااال.

انا راي مع اني توي ما جربت الحمال اقول انصحج
انج تشترين ملابس البيبي وملابسج من الشهر السابع
والشهر الثامن تاخذينها راحه و التاسع تتجهزين للولاده
والله ييسرها لج

انا كنت متلهفة على الشراء
ف بدأت الشراء من الشهر الخامس
والحمدلله خلصتهم من الشهر الثامن
لأنه الجسم يكون ثقيل
وما يساعد على التسوق

احسن شي ...
الشهــــــــــر السابع...
وحلو بعد في الخامس قبل لاتتعبين

الله يتمم عليج ويهون عليج يارب

انا دايما اجهز من الخامس شوي شوي على الراحة

قبل لا الوحدة تثقل وعلى الالوان ماقصروا البنات

اشتري الاساسيات كل ما حصل فرصه او اشوف مزاجي متعكر من الوحام اروح وتفرج ويحن قلبي على البيبي لان تعرفون اغراض

الاطفال سبحان الله تكون محببه للنفس حتى لما اخذ خواتي وياي يقولون متى نتزوج ونشتري للبيبي

والملابس احيانا في الثامن والتاسع اشتري وزين حق المشي لاني ما اولد الاقبل الموعد بثلاث ايام

أنا بديت أجهز أغراض البيبي من نهاية السابع ... وهذا أول بيبي لي

وصارت عندي مشكله اني ما كنت اعرف شو بشتري ...و بعد ما شريت من أربع محلات أكتشفت معظم مشترياتي كانت لعمر 3 شهور وأقل ... تحسفت كثير اني ركزت على هالعمر .. وأصلا الياهل ما ايكون الا بالقماط ..

لازم اتييبين ورقة وقلم وتكتبين الاشياء الي محتاجتنها وتسجلينها عندج ..

والاطفال في أول 3 شهر يلبسون نفس الشي تقريبا مع استبعاد اللون الوردي والازرق ..

بصراحة انا باشتري من الشهر الثاني ومبسوطة اني عملت كده لأني الحمد لله قربت اخلص كل حاجة وبدأت دلوقتي اتقل واتعب فطبعا ما كانش هينفع اني استني لدلوقت من غير ما اشتري لأني كل خطوتين اتعب وادوخ، وعلى فكرة انت دلوقت في احسن حالاتك الحقي اشتري قبل ما تتعبي زي

السلام عليج..

الله يسهل عليج اختي..

شوفي الصراحه يفرق من حمل لين حمل..

اول حمل ودج تشترين الاغراض من الاشهر الاوله عشان فرحة حملج..

انا اشتريت من الرابع بس تبين الصراحه الحمدالله اني اشتريتهن قبل لانه الحين خلاص مااقدر اوقف ع ريلي وايد وما اقدر امشي بسبب انتفاخ ريلي وعظامي كلهن تعورني...ومن الحر والحساسيه اللي فيني مااقدر اظهر من البيت وحمدت ربي اني شريتهن قبل...

وع الالوان في لون بني وبيج والابيض والاصفر والاخضر..كله في بيبي شوب اذا ماكنت شايفه جنس المولود..تراها شغلات فنانه...

انا ودي اخذهم من الحين ..

بس الافضل في السابع

وااااااااااااااااااااو

ما شاء الله عليكم

ما قصرتوا ابدا في الردود

بصراااااااحه ما اتوقعت كل هالمشاركات .. بس فعلا ما قصرتوا

وتسلموا عالنصايح

بس تعرفوا

اني من اول شهر وانا ماسكة نفسي عدل لأنه اول حمل لي ومتلهفة اشتري الملابس

ووان شاء الله رح امشي بنصايحكم ورح ابدأ اشتري من الشهر الجاي ان شاء الله

وكيف على السرير ؟؟

انا فكرت اشتريه بعدما اكمل 40 يوم من ما بعد الولاده يعني اطلع انا وزوجي والنونو معانا

لأني رح اكون 40 يوم بعد الولاده بيت امي .. ورح يكون عندي هنا سرير عادي بسيط بس رح ازينه على كيف كيفكم

فشو رايكم انتو ؟؟؟