بسم الله الرحمن الرحيم
السلام عليكم ورحمة الله وبركاته
صورة نادرة للملك فيصل رحمه الله ( يمين ) والملك فهد ( الوسط ) والأمير عبدالله (يسار )
في موسم الحج عام1965م
قصيدة خادم الحرمين الشريفين الملك فهد بن عبدالعزيز رحمه الله عندما كان مريضاً في لندن في شهر شوال من عام 1385هجري حيث بعثها إلى المرحوم الأمير فهد بن سعد يشكو فيها قساوة المرض
يابو سعد صارت على أخوك غارات
شهرين أقاسي مـن شديـد الغرابيـل
سو المرض يحمل على أخوك حملات
ما في يدي حيله ولا في يـدي حيـل
والله فزع من فوق سبـع السمـاوات
وأنا احمد الله يوم صـارت تساهيـل
ما ينفع الخايـف والأيـام عجـلات
الخوف ما ينفـع ولا القـول والقيـل
حنا هل العوجـا ولا بـه مـروات
شرب المصايب مثل شرب الفناجيـل
لا شك أنا مشغول في كـل الأوقـات
على الـذي حنـا بظلـه رجاجيـل
ما ني على نفسـي كثيـر الحسافـات
لا سلم راسه روسنـا رفـاع
بالحيـل حامـي حمانـا بالليالـي المخيفـات
لو صـار بالعالـم كثيـر الزلايـل
فخر العروبـه بالعـدل والمسـاواة
هذاك هو فيصـل ولا فيـه تشكيـل
يشهد له اللـي شاهـدوا منـه ليـات
ويشهد له التاريخ جيـل بعـد جيـل
فأجابه الأمير فهد بن سعد رحمه الله بهذه القصيدة
يامرحبـا بكتـاب زبـن المـخـلات
أهـلاً هلا بـه عـد وبـل الهماليـل
حمـدت مـن زال الكـدر بالمسـرات
فكاك مـن صكـت عليـه المحابيـل
فـزع لـك اللـي عالـم بالخفـيـات
مبري جروح أيوب غيـث المراميـل
لعل ما يزعج علـى فقـدك أصـوات
ولعلهـا لـك يابـو فيصـل تماهيـل
الله يجيرك مـن صواديـف الآفـات
عسـاك تسلـم ياعشيـر المشاكـيـل
ما انت برخيـص ياربيـع القرابـات
لو هي بالايدي كان دونـك حلاحيـل
ترا لنا بـك يافتـى الجـود هقـوات
في وقتنا الحاضـر وباللـي مقابيـل
يفـداك ربـع قصـروا بالمهـمـات
اللي علـى القـالات ماتنطـح الشيـل
بعض العرب حي ومن عرض الأموات
ما يرتجـي نفعـه بحـل المشاكـيـل وفيصـل ذرانـا بالسنيـن المخيفـات
هو درعنا الضافي إلى ضدنـا الميـل اللـي نقـل عنـا حمـول ثقـيـلات
راس الحصيـل ان كملـن الحصيـل
