بصراحه هذي أول مشاركة لي بهالمنتدى الجميل :shy:
عندي لكم طريقة جديدة لصينية السمان ..
انا مجربتها وعجبتني حيــــــــــــــــل ..:up::up:
كانت اختي تمدحها لي دايما وانا مب مقتنعه
لين خليتها تسويها لي وجربتها
بصراحه وبدون مبالغه واااايد حلوة
عاد صورتها لكم وهي تسويها وأتمنى تجربونها لأنها لذيذه وتغيير شوي عن المجابيس والعيوش والصوالين:eek2:
والطبق بسيط وكل المقادير تكون العادة متوفره في اي مطبخ لأن كلها اساسيات
بس اللي محتاجينه انكم تشترون طيور السمان ..
وتفضلو الطبق
المقادير :
- أ -
عدد 8 من طيور السمان ( وهذا موجود في كل مكان والصورة بتوضح لكم المقصود)
2 بصل كبير مبشور
ملعقة شاي زنجبيل طازج مبشور
3 فص ثوم مبشور
1 كوب عصير ليمون فرش
قليل من :
بزار (بهارات) + ملح + فلفل أسود + كمون + فلفل أحمر
2 ملعقة طعام خل
1\2 كوب زيت زيتون
- ب -
1 فلفل بارد شرائح
2 طمام شرائح
1 بطاطس شرائح
1 بصل شرائح
الطريقه :
بعد أن تنظف الطيور جيدا تخلط جميع المقادير الموجوده في القائمة - أ – مع بعض وتتبل بها الطيور وتدعك جيدا وتترك لمدة ساعتين حتى تتشرب الطيور بهذه المقادير
وهذي الصوره بالفلاش ..
ثم تصف المقادير الموجوده في القائمة – ب- على وجه الصينيه وتغطى بالألمنيوم وتدخل الفرن على درجة حرارة 200
بعد أن ينضج السمان يكشف عن الألمنيوم ويترك حتى يحّمر الوجه
ملاحظه هامه :
يمكن استبدال السمان بالحمام
