أفكار لدخــول العـروس ...

يعطيك الف عافية اختي AnGeL_Me
موضوعك جدا رائع
واكثر مايهم العروس كيف تكون طلعتها على المعازيم
وانا عشان قادمه على الشيء يهمني كثير كيف تكون الزفه بعيدة عن التكرار والروتين
ويالريت نلقى افكار جديدة

يمكن قبل خطبتي كان عندي افكار كثيرة بس الحين مع هم الزفة والحفلة وغيروووووووو كثيييييييير والله كثير الهم
انشلت افكاري وتبخرت كل الافكار
وصرت كاني عايشة في عالم اخر غريب مااعرف اي شيء
وعسى البنات يتحملوني لما اطلبهم في اي امر يخص العروس ولا يضحكو لو اسئلهم عن اشياء عادية لاني مثل ماقلتلك تبخـــــــــــــــــــــ:(:confused:ـــــــر كل شيء
واوعدك اول مااسمع عن افكار جديدة اوتجيني فكرة راح انزلها عشانك ..

موضوع جدا حلو ومهم وانا بعد داخلة على عرس واتمنى يكون مميز بدون مبالغة لانها مرات تخرب الطلة وتطلع مصطنعة وهذا اللي ما نبيه المهم انها تكووون حلوة مبتكرة واقرب الى الطبيعة والبساطة وسهوووولة تنفيذها بعد مهم ولا اش رايكم ؟؟
عموما الموضوع رائع وياليت تزيد الافكار فيه واوعدكم اني اضيف فكرة لكن خلوها تكمل واشوفها وبعدين اقولها لكم ولو اني ماني مقتنعة بيها مرررة بس يمكن تعجب غيري ومشكوووووورة اختي على موضوعك ، تسلمين ،،،

موضوع جا بوقته والله اني الى الان محتاره وش اسوي... بنات تكفون ساعدونا...

هلا أختي عروس الرياض تسلمين حبيبتي على الرد معاكي حق

عشان كذا نبي أفكار حلوة

هلا خيتو العروس الهاربة أنشاء الله خواتنا راح يساعدونا
في الأفكار الحلوة ألي راح يطرحونها ومشكور حبيبتي ع الرد


هلا أختي دلوعة حبيبي تسلمين ع الرد كمان أنشاء اللح الأخوات يساعدونه


ويجيبون فكرة حلوة للعرايس يا عرايس

أنا كمان هذا الأسبوع زواجي مادري كيف بتكون دخلتي ع المعازيم

:s

تفضلو يوم الخميس لليلة الجمعة وأتمنى أشوف شي وأدا خطر في بالي فكرة مميزة راح أطرحها بعد زواجي

ويسلمووووووووووووووولي العرايس


تحياتووووووووووووو:D

سلام مبروك لكم كلكم ... انا سمعت عن دخلت عروسة غريبة شويه انا ما شفتها بس وحده قريبتي هي اللي حضرت العرس وانا حقولكم اياها يمكن تعجب وحده منكم .. بس يدها شويه جراة من العريس

المهم اول شيء العريس دخل لوحده ومعاه مكرفون بنادي على العروسة وبعدين العريس يشعر بخيبة امل ويشغلوا اغنيه ( فينه لهشام عباس) والعريس خلاص عمل نفسه زعل وبده يطلع من القاعه ولما فتح الباب ( اللي يدخل منه العريس والعروسة في الزفة) يلاقي العروسة قدامه وحطوا اغنيه ( اقبلت لراشد الفارس) وبعدين العريس يمسك يد العروس وبدات الزفة

والله يسعدكم كلكم ان شاء الله وتكونوا احلى عرايس :)

السلام عليكم
حلو لموضوع بس احس انه بعض الناس يبالغون شوي يعني العروس انسانه عاديه ماهي من كوكب اخر وبعني عادي تدخل حالها حال الناس اهم شي تكون حلوه وفستنها حلوه وواثقه من نفسها وتمشي بدلال وطبعا تختار زفه حلوه واذا فيه افكار معقوله معليه موب زي ماشافت روز عجايب والله حشا فلم ندي موب عرس لحووووووووووووول :D
يله بانتظار افكاركم يالعبقريات;)
باااااااااااااااااااااااي

والله موضوع شيق او وايد حلو
انا عندي فكرة بس يمكن قديمه تقبلوها مني معلش
اول شي تطلع طفلتين يكونون لابسين ابيض وحاملين معاهم شموع طويله وتالي تجي اخت المعرس الكبيرة تكون حامله صندوق (لمبيت)
توضع فية طقم الدهب عاد على شرط يكون واضح وينجاف وبعدهم اجي المعاريس العروس لابسة الطرحة وحامله الباقه والمعرس لابس البشت وحامل سيف بشكل حلو عاد وماسكين يد بعض لما يوصلو الى المسرح تطلع الفقاعات والدخان والاضائه تتركز عليهم لما تنتهي الدزى ( غنيه هب السعد) يخلون غنيه راشد الماجد ( شيلي الطرحه) بعد ما يرفع المعرس الطرحة تتقدم طفلتين عندهم حمام ويعطونهم المعاريس وتالي يقوم كل من العروسين يطيرون الحمام في الصالة يكون شكل وايد حلو.
هااااااا وش رايكم

افكاركم حلووووووووووة
لكن قطر الندى ؟؟
واللي يخاف من الحمام مثل حالتي :)


بصراحة انا ما عرفة كيف بتكون زفتي

ولو اني اتمنى انها تكون بسيطة وعادية
لاني اخاف اذا ابتكرت شي تطلع النتايج عكسية


علشان كذا خوني مثل بقية خلق الله

ادخل على الأغنية اللي اخترتها واهلي والمعازيم قاعدين

ككذا بالنسبةلي افضل

انا رحت لعرس وشفت ان المعرس يدش مع العروس مره وحده وجدامهم الاطفال مطقمين كل بنت مع ولد.. والخلفيه لحن رومانسي..

:) ;) يحليلكم يالعرايس محتارين بدخلتكم ..... أنا بعد كنت مثلكم محتاره بس الحمدلله الله ستر ............... أهم شيء في دخلت العروس انها تكون مستانسه وما تكون مرتبكه أو خايفه لأن هذا كله يأثر على طلتة العروووووس وانها تحط في بالها ان هذا اليوم عمره ما راح يتكرر يعني ببساطه شديده هيه أميرة السهره.

بقولكم عن فكرة عرسي ولو انه طاف عليه سبع شهور ....المهم قبل ما ادش دخلت بنت أختي الصغيره من الباب العادي و كانت شايله قفص فيه عصافير على انغام موسيقيه هاديه وبعد صوت عصافير مشت كأنها العروس من اباب لين الكوشه مرورا بالأستيج وبعدين قعدت مكاني ........ طبعا الكل كان يتوقع اني بدش وراها الا اني دخات عقبها بخمس دقايق من خلف الكوشه وفاجأت الناس لأنهم كلهم كانوا يطالعون الباب .......... مشيت على الأستيج ونزلت تحت بين الناس وكانت المسكه عباره عن قفص على شكل قلب فيه عصفورين على لون مكياجي
وطبعا مزين بالورود ونفس الورود بعد كانت في شعري ..... المهم كانت السمفونيه شغاله لين رجعت مره ثانيه للكوشه وبعدين شغلنا أغنية راشد الماجد ( حد منكم شاف في الدنيا قمر) وبس كنا ناوين نحط على كل طاوله قفص طيور كهديه للمعاريم بس الطيور وصلت متأخر فما قدرنا نضبط الموضوع بسرعة ...................هذا كل اللي صار في عرسي اتمنى تعجبكم الفكره.;) ;)

عيبتنى افكاركم .. واللى حبيته فيكم روح التعاون

كان ودي اساعدكم واعطيكم حتى ولو فكره بس ما شاء الله الموجودين ما بقصرون واكيد افكارهم حلوه ورهيبه

السلام عليكم ..

ليلة العرس هي ليلة العمر وما تتكرر الا مرة بالعمر .. والعروس تكون مهتمة وايد بهالشيء .. وشاغل بالها هالشيء وايد .. وطريقة دخول العروس فطامي حلوة بصراحه عجبتتني وايد ..

راح اكتب عن عرس حلو رحت له .. كان العرس مسوينه برع بالحديقة الفندق.... وكان الجو حلو بارد .. المهم دخلوا العروسين مع بعض بس العروس راحت بجهة اليمين والعريس جهة اليسار .. وكان بالوسط طاولة طويلة بها ورد وحاجات حلوة ... اول ما وصلوا العروسين لبعض .. ورفع العريس الطرحه بدات الالعاب النارية ومع موسيقى روعه .. كان المنظر وهم مع بعض والالعاب النارية يجننن ...
كانت حركه حلوة ... اتمنى قدرت اوضح لكم الصورة ...

ومبرووووك كل العرايس

والله انا سمعت عن عرس صاير من كم شهر
بس انا ماشفته يقولون لما جات بتدخل العروس حطو موسيقى مثل حقت الف ليلة وليله بعدها ادخلو بنات بين 10_12 سنه يسوون استعراض مثل استعراض شهريار ولابسين مثل لبسهم وبعدين دخلت العروس مثل شهرزاد والجو تبع الصاله مسويينه على هالنمط كأنه من حكايات الف ليلة وليله
وشكراً

;) اولا السلامة عليكم ورحمة الله وبركاته
انا اول مرة اشارك معاكم بس افكاركم وايد حاوة انا الصراحة عندي مجموعة افكار بس بذكر فكرة وحدة انا على الطاولا شموع طوال بس اول ما يدخلون كل طاولة عليها وردتين وشمعة طويلة العروص تاخذ وردة والمعرس وكل واحد يأخد الوردة ومع بعض يطفون كل شمعة بالودرتين
وبس اتمنى تعجبكم الفكرة

مرحباااااااااااااااااا
انا بصراحة في زفتي حطيت هب السعد لفطومة
مررررررررررررررررررررررررررررررررررررررة حلوة
ومبروك

السلام عليكم
اقولكم عن فكرة زفه عجبتني هي
طبعا يكون الممر مفروش ابيض ومرشوش بالورد ورق اخضر ثم بعد دلك تخرج طفله عمرها 7ملبسه شال من الرقبه تقريبا طول الممر وماسكه في يدها المسكه الي ان توصل الي المنصه ثم تقف والعروسه علي الممر الي ان يخلص الشعر ثم تمشي ومعاها سله فيها وردوترمي مره يمين ومره شمال الي ان تصل ثم الطفله تعطيها المسكه ثم تنزل

لقد وضعت فكره في موضوع أحدى العضوات في ركن الطلبات وها أنا أنقلها لكم هنا..

كاتب الرسالة الأصلية : KiM

أهلين فيكم كلكم...

بالنسبة للزفةراح أقول لكم على زفة بنت خالتي تطفأ الأنوار ويوجه (سبوت لايت) على مقدمة الممر حيث ترقد طفلة - حوالي 6/7 سنوات - تلبس لبس أميره تزين شعرها بتاج ناعم وتوضع عصاه على شكل العصاة السحرية (يعني عصاه بلون فضي أو ذهبي براق، حسب لون الديكور في نهاية طرفها نجمه) تبدا الموسيقى [يجب أختيارها بعناية حتى تتناسب مع الموقف أو المشهد: في هذا الزواج أعتقد أنها كانت المقدمة الموسيقية لأغنية شبيه الريح لمحمد عبدو ولكني لست متأكده] عندما تبدأ الموسيقى (تمثل) الطفلة بأنها كانت نائمة وتستيقط بحيث تنظر حولها وللسماء وكأنها تبحث عن شىء ثم تقوم وتمشى وتدور حول نفسها وهي تنظر للأعلى وكأنها تبحث عن شيء ثم تتعثر رجلها بالعصاة السحرية فتنظر لتحت قدمها وترى العصاة السحرية وتلتقطها وترفعها للسماء ثم توجهها للبوابه، هنا تتوقف الموسيقى ويفتح الباب (من الممكن هنا أستخدام مؤثر الدخان) وتطل العروسة من البوابة .. من الممكن أن تكون دخلةالعروسة على شعر مسجل بصوت المعرس (أذا كان المعرس يملك الجرأة) أو على موسيقى ناعمة حتى تصل لمقدمة الممر ثم تقف قليلاً حتى ينتهي المقطع الشعري أو الموسيقي.. وتبدأ الزفة....
هاه أيش رايكم....؟!!

أما بالنسبة لزفة المعرس (دخوله) فأنا تعجبني أغنية نوال والرويشد "حبيبة قلبي وشلونك" كلماتها روووووووعة ولحنها مؤثر وبعض العرايس تدمع عيونهم عليها..

أتمنى أني أفدتكم.. ومبروك مقدماً...!

فكرة عرس ولد خالتي كانت الكوشة عبارة عن غابة وفيها عصافير وطيور وحطين على كل طاولة عصفور في كاس شكلة مدور كانت التوزيعات أحلىكانت عبارة عن عدة أشكال في كيس شامواة لونة أخضر نفس الكوشة وفية عدةأشكال وداخل الكيس ورقة مكتوب عليها أشعار مدخلين أسمائهم داخل كلمات الشعر كانت الحركة رهيبةيعني أخوات المعرس:D

السلام عليكم
صراحه الموضوع مرة حلوويستاهل انا بقولكم فكره وانشالله بتعجبكم
وهي ان اخوات العروس والمعرس يكونون لابسين ثوب النشل (هوثوب يكون كله مطرز)
ويكونون لابسين على روسهم هامات(طبعا رانقوا)ويكونون واقفات عند الاستقبال
الين يكتمل المعازيموتكون اول رقصه لهم هاة وش رايكم بالفكره انشالله عجبتكم
الخوات طبعا ماقصرن عندهن افكار حلوة
وشكرا