أفكار لدخــول العـروس ...

اشكرج عزيزتى على طرحج لهذا الموضوع.......
فعلا كل عروس تتمنى تكون دخلتها مختلفه وتكون ذكرى خالده للمعازيم....
انا بعد عروس ومخى قفل من كثر ما افكر في الترتيب وكيف الدخله...
بس بقولكم على دخله صديقتى وكانت روعه..

ديكور القاعه كان مثل الغابه....المهم هي وقعت تهد حق القاعه علشان دخلتها كانت في عربه يجرها خيل...
بس قبل لا تطلع اول شي يبدا صووووت ريااااح وعاصفه قويـــــــه وطبعا الصوت يكون عالي يعنى كأن صدق عاصفه في القاعه وبعدين يجي الهدوء بعد العاصفه ويبدأ صوت العصافير والشلالاات:) وتبدا موسيقى هاديه وبعدين تدخل باالعربه يجرها خيل والعربه مزينه بالورد..وتنزل وتمشي بالقاعه وعلى فكره طرحتا فيها لاثام مثل شهرازاد ولما يخل المعرس هو يبطل الاثام..

ها شورياكم؟؟لاني افكر اسويها في دخلتي:D
ولا تبخلن اخواتي في افكاركن..
تقبلو تحياتي

بن دبـــــى

قوة بنات..افكاركم وااااااااااااايد حلوة..وانا بقولكم عن دخلة بنت خالتي كانت جريئة وحلوة وغريبة..والله الكل يسولف عنها وعن حلاتها..المهم الفكرة ومافيها.........

ان العروس دخلت على سيمفونية بيت هوفن وكانت لابسة بدلة اجنبية تتكون من نفنوف تور ابيض ضيق..والبطانة تبعته قصيرة فوق الركبة..ولابسة قبعة كبييييييييرة بيضة وحللللللللوة ومسكتها شمسية بيضة ومزينتها بوررود وعلى لما و صلت الصالة قبل مايفتحون الباب حطاو الدقة الملكية و الزنون ونزل من فوق الصالة رذاذ ثلج ابيض واهي متغطية بالشمسة..وكان المنظر وااااااااااااااااااااايد حلو...ولما وصلت الكوشة قعدت شوي وصورت مع اهلها..ويوم وصل المعرس قبل لا يدخل غطاو العروس بستارة فاصلتها عن المعازيم( بحجة انها تتغطى عن الريايل الي مع المعرس) ويوم وصل المعرس الكوشة افتحاو الستارة والا !! العروس مختفية!!:rolleyes: والناس مستغربة وين العروس وين العروس؟؟:eek: والا العروس يوم سكروا الستارة طلعت من الباب الخلفي الي ورا الكوشة وصعدت غرفتها طول المعرس موجود داخل وبدلة ولبست بدلتها الثانية..وهي عبارة عن نفنوف منفوووووووووش والطرحة طوييييييييييييييييييييييييييييييييلة ودخلت مرة ثانية والي كان باستقبالها المعروس وابوه وابوها...ودخلت على هب السعد ورشاو العطور والملح وكتاو الورد على دربها...وكانت دخلة ولا في الاحلام :> ويمكن اسويها واغير شغلات خفيفة عشان مايقولون قلدتها ولو ان الفكرة فكرتي :D :) اتمنى انها تعجبك..وقولولي رايكم...;)

يااااااااااااااااااااااااي

الفكرة تهبل والله
العروس تختفي وتدخل وهو ينطرها
يااااااااااااااااااااااااي فضيييييييييييييييييييييييييييعه


الله يعطيكم العافية بنات

يالله نبي افكار زيااااده :)

بصراحه أفكاركم روووووووووووووووووووعه وايد حلوه

وطن...شكرا لأعجابج بفكرتي...;)

والله فكرة جديده اختي ان تختفي العروس
وحلاتها المعرس يكون مايدري بالدنيا ما يعرف شالسالفه
يعني يتفاجأ هو بعد

:)

وجهه بيكون فله وهو مصدوم :D

اكيد...;)

حلوه الأفكار بس أنشالله أجيب أفكار جديده :)

سلام..

قبل فترة حضرت زواج أكثر من رائع..كان في السليمانية(بنات الرياض أدرى بهالقاعة)تكون دخلة العروس من درج تنزل فيه الى الممر..

المهم هي حاطه على كل الدرج يمين ويسار شعلات نار تولع كل ما مرت من عند وحده..وبعدين طول ماهي تمشي صورتها بالليزر أو الأضاءة تمشي وراها وبعدين اذا وصلت الكوشة جلست لحد ما خلصت أغنية الزفة بعدين وقفت ونزل عليها زي الأوراق الذهبية من فوق..

من جد كل زواجها كان أبتكار والأفكار كانت جديدة وحلوة ولا خربت طابع الزفة...

افكار جميله جدا بس انا سمعت بدخول عروس بطريقه لا اعتقد انه احد ممكن يفكر فيها دخلت العروس بتابوت زجاجي مثل سنووايت وبعدين ييجي العريس ويفتح التابوت ويقبل العروسه قبلة الحياه فتصحى يعني ردلها الروح استغفر الله العظيم والله أعلم انا ما شفت بس سمعت

افكار روعة :up:

ثااااانكس للجميع

وبانتظار الباقي ،،

نبي افكار حلوه وغريبه ،،

سلام بنات ..

أفكاركم فيها ابداع وايد ما شاء الله عليكم.. أنا عرسي بعد 33 يوم و إن شاء الله زفتي بتكون بسيطة لأن برغم جمال الأفكار إلا أن الزيادة فيها تحول العرس إلى تمثيلية أو مسرحية مب عرس..

أحلى شي يكون العرس عرس .. يعني كلاسيك.. بسيط...

و الله يوفق الجميع إن شاء الله..

بنااااااااات احد عنده زفه بس تكون بدون موووووسيقي والا شعر او انشوده اسلاميه

بقولكم زفة اختي شلون كانت ..

اول شي يطلع ولد لابس دقله وبنت لابسه فستان ابيض صغار ومعاهم ورد يرشونه على الممر وقبلهم بنوته لابسه خليجي لونه فوشي ( عشان اختي كانت معتمده اللون الفوشي ) ولابسه هامه وشايله صندوق مرتب ومزين بالورد الابيض والفوشي وبداخله المسكه اللي هي عباره عن ورود ابيض وفوشي وسلسله فوشي وتل طويل لونه فوشي .. الورد يكون بحجم الكوره والتل نازل من تحت المهم هالاطفال انزفوا على اغنيه مره هااديه والبنت قدامهم وهم ورا .. وبعدين يوقفون على درج الكوشه البنت فالنص وبنص الدرج تقريبا والعرسان الصغار تحت وعلى اليمين والشمال ..
بعدين بدأت المؤثرات الصوتيه .. ودخلوا العرسان على أغنية رابح ( وش هالجمال الي بدا ) بعد ماتخلص الاغنية يوقفون العرسان والبنت تجي ماشيه مع الممر الين توصل بهاللحظه يبدأ مقطع لمحمد عبده ( ياريت العمر يتوقف على حالة هنا جنبك ) ويوم يوصل لمقطع ( نتهادى ورود الحب ) هنا تكون البنت وصلت العرسان بعدين المعرس يفتح الصندوق ويطلع المسكه ويعطيها العروس ( سوا حركه حلوه وهو يعطيها الورد باس جبينها ) وبعدين بدأ الشعر ووقفوا الين خلص الشعر وبعدين بدأت موسيقى هادية مشوا عليها الين وصلوا الكوشه .. اول ماطلعوا على الكوشه بدأت أغنية نانسي ( انا ياللي بحبك وحدي انا .. انا ياللي بريدك لي انا ) وبعدين مقاطع من اغاني مختلفه

اتمنى تعجبكم لانها كانت حلوه ومررررررتبه

موفقين

مووووووووووووووووووووووووووووووووضوع مهم للغايه ... لان اغلب عرايس محتاسين بهالسالفه ويبون شئ حلو وجديد .... وبحكم حنا بمنتدى يجمع بلاد مختلفه اكيد كل بلد عندهم طريقه وافكار مختلفه .... ياليت نساعد ونتبادل الافكار سوا...... امممممممممممممممم انا صراحه ودي اخذ افكار حلوه من اخواتي بعروس عشان زواجي...


وراح اساعدكن ببعض أفكار شفتها بأعراس شفتها ايام الأعياد.....

اولا::::///
دخله الاطفال بفساتين الاعراس الحلو مع اكليل الورد بشعرهن اغلب عرايس مستمرين عليها
ثانيا:::///
دخله خوات العروس الكبار بحركات مختلفه سواء( عرضه بداويه ,رقص سامري, او الدخول مع شموع , وغيرها)
انا شفت عرضه حلو مسوينها زي الفيديو كليب بنيات ماسكين اجرار ولابسين فستان اسود قصير وشال كل واحده لون ويرقصوا على اغنيه سامي يوسف .... والرقص مره كان حلووو

ثالثا:::/// دخله العروس ... اغلب العرايس يدخلوا لوحدهم ... وبعض العرايس يدخلها ابوها او اخوها او عمها او خالها

رابعا::://
هذه حركه او مره اشوفها صراحه ولا خطرت ببالي ولا مره وان شاء الله بسويها ليله عرسي
دخول الجده وماسكه خداديه بها قران وعلى يمنها وشمالها خالات العروس ماسكين مباخر ... ويمشوا على اغنيه اسلاميه

خامسا:::////
دخله المعرس كل اللش شفتهم كان المعرس يدخل مع امه وخواته
واول مايوصل على عروس يرفع طرحتها ويقبل جبينها وخدودها وبعضهم يدها بعد....وفي بعضهم يدخل بباقه ورد يقدمها لها....


يعني هذا اغلب روتين الاعارس تقريبا ......اتمنى الاقي عنكم افكار جديده ومختلفه ...
وهذا اللي عندي لكم . تقبلوا تحياتي والف مليوووووووووون مبروك لكل عروس
..... نوقطه

هذي فكرة زواج عمي وكانت مرة حلوه
بس كانت الصالة عبارة عن دورين ولها مدخلين بس الدرج مش واضح للمعازيم لأنه كان خلف
نبدأ بالزفة:
أولا طفوا أنوار الصالة وحطوا موسيقى صينية هادئة وبعدينسلطوا ضوء من فوق على جهة اليسار وبعدها طلع المعرس وكانت الأغنية لراشد الفارس (يا حبايب خلي اليوم ليش غايب والله ماأسهر معاكم لين أشوفه ياحبايب) وبعدها سلطوا الضوء من فوق على جهة اليمين وطلعت العروسة وكانت الأغنية لنوال (هذا حبيبي وهذا الذي تمنيته ) وبعدها يقربون من بعض الى عند السور وكانوا مجملين السور بالورد وبعدين لبسوا بعض الخواتم وبعدها جابت لهم بنت صغيرةسلة فيها الورد وصاروا يرمون الورد علينا وبعدها كانوا لافين على السور ورقة كبيرةوفتحوها وانتثر منها ورد وطلعت صورتهم وبعدها انزلوا على موسيقى وبعدين كل واحد دخل من مدخل وقربوا من بعض إلى أن وصلوا للكيكة وقطعوها المهم بعدها شغلوا زفة ثانية لعباس ابراهيم وشوا عليها للكوشة طبعا الكوشة كانت عل شكل بيت صيني وفيها كتابات صينية
نسيت لا أقولكم قبل الزفة كانت مسويه حركات حلوه للمعازيم سوت زفة لتقديم العصير وكانت مشغله أغنية مروى (مااشربش الشاي) ودخلوا عاملات بالترتيب بايديهم صواني عصير لابسين لبس رسمي لين اوصلوا للكوشةوبعدهاوقفواشوي ووزعوا العصيرات على المعازيم
نفس الشي سوت أيضا للتمر بس كانوا حاملين تحفة على شكل نخلة فيها تمر وحاطين أغنية (والله اتصبوا هالقهوة)

معليش طولت عليكم أدري

ايه نسيت شغلت أغنية صينية وجابت شغالتهم ولبستها صيني وخلتها ترقص بس روعة أتقنت

اسفة كركرت عليكم كثير بس اعذروني
المره الجايه راح أكتب زفة بنت عمتي بس أوعدكم راح أختصرها
[glint]تحياتي[/glint]

الصراحة انا ما احب الحركات ... كل شي عااادي وراقي وسيمبل أحلى ,,,,,
مالي داعي حركات .. حلوو العروس تدخل عااااااااادي ... وايد يطلع كلاس وأرقى ...

مشكووورة قلبي

على الموضوع الرااائع

تحياااتي

جود القمر