حكايه ال 126

mai salah 28-07-2005 4 رد 1,064 مشاهدة
m
حكايه ال 126

المشهد الاول :الطريق الصحراوى قرب الاسكندريه:
عربيه نصر 126عطلت الساعه 5صباحا ,الراجل مش عارف يصلح العربيه ولاحد راضى يقف له, شويه ووقفت له عربيه بى ام دبليو ونزل صاحبها _ولد كلاس وروش يعرض المساعده وبعد مداولات :
_مالهاش حل تانى ,لازم اقطرك ورايا لحد الرست.
_متشكر جدا ,بس على مهلك عليا بدل ما البس فيك.
_ماشى الكلام ,لو سرحت وزودت عن 80 ابقى ادينى فلاشر ,اوكى؟
وانطلقوا بالفعل وكل حاجه تمام ,10 دقائق وفاتت عربيه مرسيدس كابورليه زى الصاروخ وولد خنفس تانى بيشوح بدراعه وبيقول:
_جرى ايه ياوائل ,انت ماشى على ستين ؟ هى دى اقصى سرعه للكارو بتاعتك؟
طبعا عم وائل دمه فار وشغل شريط ميتالك وراح كابس على البنزين على الاخر وفى ثوانى كان على 140 بيحاول يجيب المرسيدس ,اما سواق 126 فقلبه وقع فى رجليه وقعد يرعش الفلاشر وانور والكلاكس ولكن ولا حد هنا.

المشهد الثانى:عربيه الرادار:
الضابط فى جهاز اللا سلكى :ملازم على ,هل تسمعنى ؟هيعدى عليك مرسيدس ماشى على 140 سيبك منه ,وبى ام دبليو على 150 ,سيبك منه راخر ,وهاتلى اللى سايق ال26 1وبيرعشلهم علشان يعدى منهم ده !!!
منقوووووووووووووووول
e
هههههههههههههه

والله فعلا الدنيا كلها تتطربق على راس الغلبان وبس ولا ايه قولك يا بت يا مي؟:down:

ربنا معاه

بس حلوه اوي
m
عندك حق والله يا بت يا مها
فعلا هيا مش بتتكركب الا على الغلبان
حظة بقى
ماهو بردة كان لازم يكون عندة نظر
ايش يجيبة هوا بين bmw و المرسيدس
الانسان لازم يكون عندة نظر بردة وينسحب بكرامتة
ههههههههههههههههههههههههههههههههههههه
مشكورة مهموها على التفاعل
م

السلام عليكم ورحمة الله وبركاته

جميلة جدا القصة يا مي...

طبعا هم مش هيقدروا يكلموا بتوع ال BMW و لا المرسيدس...

بتيجي على بتوع ال 127 :(
m
الله يخليكى اختى الفاضلة مرموم
والله الصفحة نورت بقدومك الكريم
فعلا الناس مش بتيجى الا على الضعيف
لكن نقول اية الله المستعان
مشكورة جزيل الشكر يا غالية
X