بنات منو اتدلني على هالسرير (صورة)

ع

عروس اللولو

عروس مبدعة

27-07-2005 | 04:25 PM

السلام عليكم ورحمة الله وبركاته

بنات منو اللي تقدر اتخبرني وين أقدر أحصل مثل هالسرير أو شي يشبه ... كانوا يبيعون من في محل ألينا بديرة من ماركة erbesi و بعد محل بمركز الشاطىء بجميرا من ماركة baby expert .. بس اللحين خلصوا :cry:

و اللحين أنا بخاطري اياه و ما عرف شو أسوي و وين أسير

فاللي شافته أو شافت واحد يشبه اتخبرني .. أو اتدلني على المحلات المتخصصة لبيع أسرة الأطفال يمكن أحصل أشياء احلى بعد

فكرت باسرة الحديد .. بس أحسها باردة بالشتاء و حارة بالصيف .. خصوصا لما الياهل يبدا يوقف و يشل عمره بالأعمدة .. مب مثل الخشب يكون دافي ... بنات شو رايكم

حبيت أقولكم ترا الدائرة اللي بالنص سيراميك مرسوم عليه .. وايد حلو من جريب

ع

عروس اللولو

عروس مبدعة

27-07-2005 | 10:19 PM

و هذا شكل السرير الحديد اللي سألتكم عنه

ع

عروس اللولو

عروس مبدعة

28-07-2005 | 04:56 PM

35 قراءة و لارد واحد !!!

a

aljory

مشرفة سابقة

28-07-2005 | 04:57 PM

حبيبتي شكل السرير مررررررررررره حلو وانا مااد=ري بصراحه منو وين

بس مره رحت محلات الحصان بالدمام وشفت سراير زي كذا حلوه

وانشاء الله تعجبك

ن

نوووسهUAE

عروس ماسية

28-07-2005 | 05:00 PM

ممكن النجارين يسوون مثله

m

maryoom

عروس ماسية

28-07-2005 | 05:02 PM

أي حبيبتي تقدرين تروحين محل النجارين ويسوونه لج... تعطينهم الصورة ويسونه لج بالضبط

والله يوفقج يارب

f

forat

عروس متألقة

28-07-2005 | 05:09 PM

حلو بس مادري وين يبيعون مثله

الله يتامم عليج بخير و سلامة

ع

عروس اللولو

عروس مبدعة

28-07-2005 | 05:24 PM

مشكورات بنيات على الردود .. جبرتو بخاطري

الجوري الغالية أنا من الامارات

أنا فكرت أودي الصورة للنجارين .. بس أحس شغلهم مب هالقد .. ما تحصلين ذاك النجار الشاطر اللي بيسوي لج شغل عدل و نظيف

ج

جمـــانة

مشرفة سابقة

28-07-2005 | 06:12 PM

عروس اللولو من قال لج؟! بالعكس انا افضل شغل النجارين على الجاهز لأني اختار نوع الخشب القوي بكيفي .. مو مثل الجاهز انتي مجبورة على نوع الخشب واغلبه مب شيء.. !

b

bj3a

عروس ماسية

29-07-2005 | 10:51 PM

هههههههههههههه .. سرير ولدي هذا ..

وبقلج من وين خذته ..............!!!

خذته من محل الينا الي الي عند قرقفي قبل شارع الرقه ...

خذت طقم كامل مع الكبت والسداد والسرير والفرش ب 7800

بس تعرفين في مشكلة في الكبتات ... ان مقابضها بسرعة اطيح

وعلى فكرة هذا دزاين جديم شوي يايبين احلها عنه ...

انا خذته من تقريبا 5 شهور .. وفي منه خشبي غامج .. بس هذا احلى

ع

عروس اللولو

عروس مبدعة

30-07-2005 | 06:15 PM

جمانة ... ما أدري .. دوم أحس النجارين تعبانين ... خصوصا صبغهم.. انتي جربتي و وين !!

و هل المسامير باينه و لا معدلينه بطريقة مخفية

..

ع

عروس اللولو

عروس مبدعة

30-07-2005 | 06:25 PM

بجعة أذبحج يعني ... ترى أنا وين شفته عندهم بس مخلص .. عشان جيه أدور منه :sad:

هذا ديزاين 2004 .. مال 2005 ما عجبني .. في دبدوب بدال الوردة .. و ديزاين الحديد في الجديم وايد أحلى .. اليديد مب شي حتى ما أبغي أخذه .. أصلان هيه ما تعرف متى بتوصل التشكيلة اليديدة .. اتقول عقب كم شهر اونه

قلت لها سوي لي طليبة ما رضت .. اونه احنا ما انسوي طلبيات

اطاعي يمكن انتي اتسوين لي واسطة وياهم .. و لا بدلي وياي السرير شو رايج ...شوفي الطمع بس

الله يهنيج بالأغراض و يحفظ ولدج سالم غانم ..

b

bj3a

عروس ماسية

30-07-2005 | 06:42 PM

خخخخخخخخخخخ

من سبق لبق

M

Marshmallows

مشرفة سابقة

30-07-2005 | 07:03 PM

ودي الصوره عند النجاريين و صدقيني شغلهم انظف من الجاهز

b

bj3a

عروس ماسية

31-07-2005 | 12:05 PM

لالالالالا الجاهز انظف .. لا وعلية مادة تحافظ على الخشب وتعطيه لمعه ...

خخخخخخخخخخ انرفزها .. لا فديتج والله غالية اذا تبين السرير ما يغلى عليج ..

ع

عروس اللولو

عروس مبدعة

04-08-2005 | 01:57 AM

خلاص أنا خذت الموديل الثاني اللي فيه تخريم خفيف بدون دباديب .. يشبه بس طبعا بدون الحديد و السيراميك .. بداله قطعة خشب مخرمة بسيطة و كان بعد أخر قطعة .. بس قالت لي اونه نفس الموديل عندهم بس فرع لبنان ... قلتها عيل يالله ييبيه .. ههههههه

صدق أصحاب العقول في نعمة

ع

عروس اللولو

عروس مبدعة

04-08-2005 | 02:10 AM

بجعة على فكرة .. السرير اللي انتي ماخذه منه يايبه من ثلاث قطع .. و سرير الحديد قطعة وحدة بس .. السرير اللي أنا خذته 5 قطع

شو خذتي من عندهم بعد ... خذتي طقم السرير ..أحسه وايد ثجيل و الموديلات اللي جبتني ألوانها قوية .. عشان جيه ما خذت منها

بس عيبتني شنط البيج اللي انحط فيها أغراض البيبي أحسها ناعمة و حلوة .. ما شفت مثلها بالمحلات الثانية ,, مع الكيس اللي يحطون فيه الياهل بعد لونه بيج ..ما عرف شو اسمه بالعربي .. بس بالانجليزي cosytoe .. طبعا ما حصلت صور لهم ... بس هذا شكله ما اعرف شو اتسمونها

b

bj3a

عروس ماسية

04-08-2005 | 01:48 PM

خذت السرير والكبت والسدات الي فوقها يسبحون البيبي

والفرش الي عليه دبدوب راقد مع ارنب

وستيانات للرضاعه

واليوم بسير اخذ فرش ثاني حق السرير

ف

فتاة البحرين**

عروس نشيطة

04-08-2005 | 03:36 PM

أي حبيبتي تقدرين تروحين محل النجارين ويسوونه لج... تعطينهم الصورة ويسونه لج بالضبط

والله يوفقج يارب

ز

زنبقة الربيع

عروس مشاركة

05-08-2005 | 10:44 AM

عروس اللولو الصراحه عجبني حييل ..

الله يكمل فرحتكم ان شاء الله بالبيبي ...

امممم

بغيت اعرف بعد شو من المحلات اللي اغراضها حلوو حق البيبي..

عجبني حيل..خاصه اني يوم ولدت اول مره ما سويت ولا شي من اللي يسونه الحريم

لاني ولدت في امريكا...فيوم رديت البلاد شفت الحريم يسون حركات حلوه..وكل وحده تسوي احلى عن غيرها..

وانا والله عجبني اللي قلتي عنه..حسيت به شي مميز..

وسلمتي