برنامج NUMBER 8 علي قناة انفينتي ( لبيع الخواتم الدايموند )

شفت كذا حلقه واعجبتني خواتمهم كثير بس السعر شوي غالي

بتلاقين تشكيلات احلى واروع وارخص..

فيه عدنا محلات ومراكز.. بس للذهب... ممكن تشوفين فرق الاسعار.................

وصدقيني بالتيلفزيون اغلى من المحل.. لاتصدقي الدعاية

ما عرف عنهم شي ولا شفت البرنامج حتى أفيدك
السمووحة

مصراوية

وحشتينا مووووووووووووت :smile:

عاملة ايه

بصراحة مش باشوف البرنامج لكن قبل ما اشتري شبكتي بصيت على النت كثير فيعني عندي خلفية صغنونة ، عموما الأكيد الأكيد انك لما تشتري الماظ يكون من حد تعرفيه وواثقة فيه، وكمان لازم يكون قريب منك عىل الأقل في نفس البلد ليه؟ علشان بيعطوا شهادة مع الخاتم تدل على نوع الحجر وقيمته ونسبة الخصم عند الترجيع (الألماظ على أبوه ) زى ما بنقول في مصر يعني ما ينفعش تشتري من محل وتغيري في محل ثاني فهماني مش هتستفيدي وهتخسري

ممكن تقولي لي الأسعار ايه؟

برايد والله العظيم انتي اللي وحشاني موت موت موت

وباقي البنات والله

انتي عاملة ايه واخبار الحمل
وربنا يرزقك ببنت زي القمر زي مني زكي في خفتها ورقتها وزي نور اللبنانية في جمالها وملامحها يارب

يارب

بصي يا ستي هو اسعاره من 1000 دولار لحد 5000 دولار بس اشكاله حلوة اوي اوي

وانا بشوف في مصر في عبد الخالق ثروت
بس ما اعرفش محلات تانية غير ددي اللي في عبد الخالق ثروت

ياتري انتي تعرفي ياريت تقوليلي فين واسعارها كام وايه شكلها وايه رايك فيها ياريت يابرايد


اهم حاجة الشكل والاسعار

انتي شكلك شبكتك كانت الماظ ياريت تفيدني في الموضوع ده يا برايد ععشان ماعنديش فيه اي خبرة

خواطر


وخلود تسلموا لي والله كويبيس اني عرفت منكم عشان اخد فكرة
مع اني فكرتها عادية او اقل عشان القناة

بس فعلا اذواقهم حلوة اوي


رين

كفاية انك دخلتي نورتي

مصراوية

موووووو (بابوسك يعني باسلم عليك بالمصري)

وحشاني والله

بصي انا اعرف محل في المهندسين مشهور قوي اسمه دايموند سنتر مكانه في الشارع اللي على ناصيته بنت السلطان ناحية سليمان اباظة، وهو عبارة عن شقة داخل عمارة يعني دوبك هتشوفي اليافطة بتاعته على باب العمارة، عنده حاجات تحفة واعتقد ممكن تلاقي عنده حاجات من أول 7000 او 8000 لكن بيخصم 25% عند الترجيع وسعره غالي

في محل في الدقي برضه مشهور اسمه الخراساني وصاحبته مدام كيكي هتلاقيه في المساحة امام سعودي السوبر ماركت، لكن برضه غالي حبتين

انا جبت شبكتي من محل برضه في المساحة وانا ذبونته لكن في الذهب وكانت اول مرة اجيب منه الماظ اسمه أجور، هم بيخصموا 10% فقط عند الترجيع، وعندهم تشكيلة حلوة بس طبعا لازم تفاصلي برضه

بصراحة الأسعار اللي بتقوللي عليها حلوة لكن في ايه بالضبط ؟ يعني 1000 دولار في ايه حجر حجمه قد ايه يعني؟

على حد معلوماتي ان الألوان بتضيع قيمة الاماظ يعني لما تجيبي حاجة تجيبيها الماظ فقط ما تدخليش فيها سافير ولا زمرد ولا الحاجات دي، كمان كل ما حجم الحجر كبر كل ما بقى له قيمة افضل وسعره زاد بمعني على حد معلوماتي آخر مرة سألت الحجر الروند القيراط فيه بـ 26 الف تقريبا وده سعره وهو قطعة واحدة ، لو حبيتي تجيبي نصف قيراط هيعمل لك حوالي 7.500 جنيه يعني مجرد ما الحجر تجزأ قيمته نزلت للنصف تقريبا فهماني وهكذا

بلاش الحاجات اللي فيها باجيت الا اذا كنت بتحبيه قوي يعني حاولي يكون الخاتم من حجر واحد يكون الحجر الأساسي روند مثلا ومعاه فصوص ميليهات (الأحجار المدورة الصغيرة قوي) بلاش الباجيت والحاجات دي

في نوع اسمه انفيزيبل invisible ابعدي عنه لأني حد من الجواهرجية قاللي في مرة انه لما حاجة منه بتقع بيقع كله

باختصار لما تروحي محل اسألي على الآتي:

حجم الحجر الأساسي قد ايه وسعره ايه ودرجة نقاوته ايه كل دي حاجات بتفرق في السعر

درجة النقاوة ، والله مش فاكرة يا مصراوية لكن اعتقد كل اللي في مصر نوع واحد درجته H ، أو VSI على ما افتكر لكن مش فاكرة كويس انت اعملي سيرش على النت وهتلاقي حاجات كثيرةو قوي على النقاوة ولو احتجت مساعدة في الترجمة انا في الخدمة

الأشكال : برضه هتلاقيها على النت لكن هى باختصار في الحجر المدور (الروند) وده أشهرهم
الباجيت: بيكون زى مستطيل وله أبعاد
الدمعة: بيكون شكله زى الدمعة


ده اللي انا فاكراه دلوقت

لو افتكرت حاجة تانية هاقوللك

وربنا يسمع منك يا رب ويعطيني بنوتة جميلة زيك وتكون فعلا في جمال نور ورقة وخفة دم منى زكي (جبتي اكثر اثنين باحبهم والله)

Round Princess Emerald Asscher Radiant Oval Pear Marquise Heart

شوفي اللينك ده

http://go.3roos.com/WELJcVDyANb

فيه الشكال ومعلومات مفيدة قوي

واللينك دي

http://go.3roos.com/8PXdCTqyIpf

الخاتم اللي فيها هتلاقي الحجر الساسي في المنتصف روند وعلى الجوانب باجيت وبعدين ميليهات صغيرة

والاجمالي بتاعه نصف قيراط يعني تقريبا الحجر الأساسي يعمل لوحده حوالي 0.38 أو 0.45

درجة النقاوة vs يعني فيه شوائب صغيرة جدا والون H

http://go.3roos.com/ZE70lijF47J

اللينك دي فيها خاتم قريب من الخاتم بتاعي بس انا بتاعي كان فيه شغل سوية في الذهب مختلف عن كده لكن التصميم تقريبا واحد حجر أساسي في المنتصف وعلى الجوانب احجار روند صغيرة

أتمنى اكون افدتك كده

لو هتروحي اجور قولي له انك من طرفي على فكرة هم بياخدوا اجازة في شهر 8 لكن مش فاكرة قد ايه

برايد


تسلمي والله مش عارفا اقولك ايه
فعلا تعبتك معايا ع الاخر

تسلمي لي والله
بجد ويارب تقومي بالسلامة ويكون جنبك حتة قمر يارب


بصي فعلا انا سمعت ان VSH ده الدرجة التانية
وان في درجة اعلي بس غالية جدا

وان الدرجة دي نقية وحلوة

وانه كل ما كان بيلمع اكتر ده دليل ع النقاوة


علي فكرة ده حلو ولذيذ اللي زي بتاعك ده



يعني الواحد كمان يعمل حسابه علي كام كده؟

وبعدين انا شفت في عبد الخالق ثروت خواتم رهيبة في رقتها الماظ
بس مش حجر

الرسمة الدهب الابيض مليانة فصوص صغيرة الماظ ياتري ده كويس والا مالهوش قيمة
قولي لي رايك

بتاعك كان بكام يابرايد ده حجمه حلو ؟

والله مش هحسد بس عشان اعرف

برايد

هو ممكن نشتري من ع النت والا مش مضمون؟

لان فعلا اسعاره اقل كتير من البرنامج ومن المحلات عندنا كمان بكتييرررر
ا

ايه رايك؟؟

مصراوية

عيب احنا اخوات يا بنتي ربنا يتمم لك على خير ، يعني انت من اول 7 او 8 الاف تعرفي تجيبي حاجة معقولة

بصراحة الحاجات اللي كلها ميليهات صغيرة بتكون ارخص صحيح لكن الحجر الكبير احسن زى ما اتفقنا ، عموما زى ما هتشتري هترجعي يعني لو اشتريتي بعشرة وحبيتي تغيري او ترجعي هترجعي بعشرة وتخصمي 10% مثلا + تمن الذهب اللي فيه يعني هتخسري زى 1000 مثلا ولا حاجة

بس رأي انك تبعدي عن الحاجات الصغيرة على قد ما تقدري

عاوزة بس اقوللك اني بعد ما جبت شبكتي الماظ بقيت خايفة البسها كثير علشان لو الحجر وقع يبقى كل فلوسنا راحت طبعا لازم تحطي ده في اعتبارك ، ودلوقت في اطقم ذهب ظريفة قوي وبنفس سعر اللألماظ وفيه زركون نظيف جدا والناس بتفتكره الماظ فشوفي اللي يناسبك واستخيري ، والله مش باشتري حاجة من غير الاستخارة

ابعدي عن النت علشان اولا مخاطر الفيزا والشحن، ثانيا لو حبيتي تغيري او ترجعي هتعملي ايه؟ لازم يكون المحل في نفس بلدك، انما لو انت يعني مصممة يبقى لو حد مسافر معلهش ممكن تعملي كده تختاري من على النت وهو يجيبها من هناك أمان اكثر