للحــــــــوامل فقط ممنوع دخول البنات.

شدعوة 19 قرائه ولا وحدة ردة اكييييييييييييييييييييييييييييد الي دخلو كلهم بنااااااااااااات



بس لاتقولولي ان مافي حامل بالمنتدى الى انا

انا يوم شكيت بالحمل جبت الاختبار المنزلي
وكان وقتها زوجي مسافر لمدة يومين
بعد ماسويت الاختبار واكتشفت اني حامل والله استانست وناسه مايعلمها الاربي
و الحمد لله والشكر على هذي النعمه اسأل الله ان لا يحرم احد من فرحة الحمل
المهم اتصلت في زوجي وقلت له مبروووووووووووووووووك
قال على ايش:think:
قلت بعد 9 شهور بتصير اب:s2
تلعثم وما عرف وش يقول وقال لا لا لازم نتأكد :eek2:
ومن بكرا رحت سويت تحليل الدم والحمدلله اكدوا لي اني حامل:cool2:
وبشرته بالتلفون لانه مازال مسافر
قام يحمد ربي ويشكره .. ويوصيني وصايا زي المسلسلات المصريه:D2
بالنسبه لاهله مرررره استانسوا وقالوا لا تولدين بفرنسا بعدين يطلع الولد فرنسي مو مننا هههههههههه
والناس كلهم كوم وامي وابوي كوم ثاااااااااني الله يحفظهم ويخليهم ويطول باعمارهم آمييين
قعدوا يبكون من الفرح
واخواتي اشتغلوا زغاريييييت

وبالنسبه للتغيرات الي صارت بعد الحمل
زاد الحرص وزاد الاهتمام يعني تعرفين الحامل يعطونها وجه بالدلع
خصوصاً الحمل الاول مثل حالتي

بالنسبه للوحم انا كرهت همبرجر ماكدونالدز السمك
وبيتزا الجبن
وفرنسا كلللللها وبيتي الي هنا وكل شي
بس الحمدلله عدت الفتره الحرجه على خير:smile:

وبس

آسفه على الاطاله
ومشكوره على الموضوع الحلو

ههههه ايام حلوة
انا حملت بعد اسبوع تقريبا من زواجي و ماكنت ادري وفي شهر العسل العب و اركض عبط
تاخرت على الدورة وسويت الفحص في البيت طلعت مب حامل ..تاخرت اسبوع ثااني و افحص ويطلع خط خفيف فحص ثالث ورابع و خامس واحيانا افحص في اليوم كذا مرة وما خليت شي ما جربت

اخر شي فحصت وطلع خطين اتصلت على زوجي وقلت له انا حامل و هو في النادي يشوف مباراة قالي زين وبند في ويهي
بعدها رجع اتصل قال شووووووو قلتي ؟؟؟ وماصدق قال اصبري انا بشوف الفحص

وقالي لا تخبرين حد لين ما تكملين 2 شهور بس اختج ما تقدر امي درت وخواتي و خبرنا امه وقالت لا تقولون لحد


تنسيت بالاجار ... وجبس قددددددددددديم مغبر يوم امي سارت ادوره قالها الريال هذا من سنتين وقفوه ما ايبون منه ههههههه
وتنسيت على زوجي ما اطيق ريحته وازعل من كلامه بس لما اقوم من النوم ادوره عشان اشوفه 10 دقايق وبعدين استوي وغده شبعت منه

اخر شي طلعت بنتي تشبهه ههههههههههههههه

انا غير حملت بعد سنه ونص وبعد ماقررت ابدي علاج لان الدوره مانتضمت عندي بعد الزواج وماتنزل الا بحبوب

وسبحان الله قبل لاحمل بثلاث شهور انتضمت الدوره المهم لما تاخرت علي زعلت وقلت لاختي انا ماصدقت تنتضم خلاص الله يخليج جيبيلي حبوب ابي انزل الدوره ومسكينه اختي خافت علي وقالت لي لا افحصي

وخبركم خلاص شلت من بالي اني احمل طبيعي ،، ولما دخلت وحللت الا اشوف الخط الثاني طالع بس خفيف ،، طلعت اركض لاختي اقولها طلع خط ثاني ،، قالت لي لا صبري هذا رخيص خلينا نشتري واحد غالي

وعلى طول وين الصيدليه بس نبي اغلى تحليل والله وكيلكم ماحللت الا الخط طلع عدل فضيع

رحت ركضت على طول لحضن امي وقعدت اصيح وخواتي ينطون من الفرح واقولهم من متى كنت اتمنى اشوف هالخط الثاني ( الله لايحرم حد من هالفرحه )

ولما رجعت بيتي الا زوجي زعلان ويقولي خلاص روحي انتي ماتبيني قاعده بيت امج هالكثر ،، خذت يده وحطيتها على بطني وقتله انزين ماتبيني حتى الي بطني ماتبيه

مقدر اوصف لكم اشلون ويه زوجي تغير يقولي يعني شنو وانا اطالعه وابتسم والدمعه واصله كلش الا يقولي انتي حامل وبس هزيت له الراس وعرف طار من الفرحه حبيب قلبي وركضه على طول عند امه

والله هذا يوم مارح انساه في حياتي واحمد ربي اني ماتسرعت وكلت الحبوب

فرس الدوحه
وناسه اعزميني المرة اليايه انط ويا خواتج
ربيتي ولا بعدج ؟؟ الله يرزقج الذريه الصالحه ان شاء الله

والله مواقف حلوه وخصوصا لمن تكون مفاجاه

انا يوم رحت اسوي التحليل بالمستشفى كنت بيومتها خايفه اكون حامل لاني مأجله الموضوع فيوم حسيت من التأخير اللي صار ان في احتمال اكون حامل و زوجي معاي ... لحظتها قعدت افكر في بالي يعني الحين اذا طلعت الدكتوره و قالت لي حامل زوجي معاي بيعرف يعني مافي مفاجأه شنو هالحظ

بس زين بوقتها ماطلعت حامل

بس بالمره ابي اسالكم خواتي ... اذا حملت في السفر مابتطلع عليي النساه في السفر؟ انا مأجله الحمل عشا السفر و خايفه لا احمل في السفر و اتبهذل ... دلوني عادي لو حملت ولالا

انا زوجي يموووووووووووت بشي اسمه عيال وو قلنا خلنا ننتظر .. عشان ميزانيه الطفل بعد بس عقب 7 اشهر من الزواج حسيت بدوخه و لوعة رحت المستشفى مع الوالدة وطلع اني حامل و هو كان بالشغل وقتها .. دقيت له وقلت له تعال البيت ابيك ضروري
و جه البيت ميت من الخرعه .. قلت له اجلس جنبي شوي ابغيك .. و هو يتفحصني جان فيني شي .. قلت له ما فيني شي لا تخاف .. قلت له انت تحب العيال ؟ قال اكييد .. يايبتني من الشغل للبيت عشان احب العيال او لا .. قلت له ميزانيه البيت كافيه ؟ قال كأني فهمت بس ابي اتتأكد و انا نزلت راسي قلت له الا في بالك صح و حضنتي و بوسني
اهو عادة كل ليله جمعة انا و زوجي نروح بيت اهلي و نروح بيت اهله . فأنا قلت هذا الوقت المناسب عشان اقول لهم .. لميت خواتي و اخواني و امي الا كانت تدري لكن خافيه الموضوع بالغرفه و قلت لهم بقول لكم شي حلو .. كل بنت تحلم بأن تكون ام .. و انا ابغي اكون مثل امي قدوتي .. و جهزو فلوسكم للهدايا .. قال اخوي .. شفيج انتي ما نبي كلام فاضي .. دخلي في الصلب .. قلت لهم انا طول عمري كنت احلم اكون ام من يوم انا صغيرة لين ما تزوجت .. و اللحمدالله .. هالحلم بيتحقق .. الا ا اختي تصارخ حاملللللللللل حامللل .. كانت اسعد لحظات حياتي لما خواتي ضموني بحضنهم و امي تضمني و تقول لي تحملي بولدج

الله بناات بصرااحه الفرحه بانك راح تصيرين ام ماتعادله اي فرحه بصرااحه انا فرحة وبنفس الوقت شوي زعلت فرحت لاني بصير ام وزعلت لان بصرااحه انا اخااف من المسئوليه ومن زمان كانو هالشين فيني وما اقدر افصلهم عن بعض بس انشاء الله بتسهل من عند الله
والله يرزق كل من يتمنى ويبي يصير اب او ام

ومشكورين بنااات على المرور



يله ياااااااااااااااااااباجي البناااااااااااااات وينكم ؟؟؟؟؟؟

السلام عليكم

الله موضووووووووووووووووووووعج وناسه يالله برد على اسلتج

*اول مادريتي انج حاااامل فرحتي صح؟
بصراحه ريلي كان يتريا الحمل اكثر مني والله لا يراويج اليوم الي كانت اتيني فيها الدره كان يضايج
اتخيلي بعد العرس باسبوع يتني الدوره هههههههههههههههههههههه والحبيب اضايج انا استغربت
ههههههههههههههههه قلت له يا عمي قلنا مستعيل بس مو لهالدرجه هههههههههه هذا باول حمل والله ما اكتب

اما بالحمل الثاني نفس الشي حملي ويبيلنا ولد الين يوم قتله وانت ياي البيت ييب وياك جهاز الفحس قال اوكي
ولا اتخيلي هههههههههه هو الي يسويلي على الجهاز وطلعت حامل والله ما تصورين الفرحه والحمدالله ويارب
ارزق كل محروم يارب ااااامين

والحمدالله اهلي استانسو كلهم واهله وقبل لا اخبرهم يتني ام زوجي وقالت لي انت حامل لان حلمت لج وصج كنت
حامل بس ممخبرتنهم بعدني عاد تعليمات ريلي هههههههههه اونه يخاف من الحسد على قولته فقد ااولاني والحين
هو خايف ههههههههههه
وهو وايد مستانس ويابلي طقم ذهب واشترالي موبايل يديد والحمدالله

واحسه متغير يحاسبني على كل شي لاتاكلين هالشي مب زين لا تشربن بارد مب زين
لا تلبسين جي مب زين بتخنقين الياهل يعني خايف وايد

اما خواتي واهلي واهله طبعا دلع غير عاد انا حامل لما اروح لهم يسوون لي مكن مريح اذا بغيت ماي ولا اي شي يابولي
الين عندي
وخاصه امي فديتها اطفر خواتي لما اسري هههههههههههههههههه قومو عنها خنقتوها يبيولها مخده
وسعولها المكان هههههههههههههههههههههه وخواتي الله يعينهم

وناسه بس بصراحه احس ريلي هلايام مضايج والله وانا مب عرفه شو اسوي لان الميزانيه مول
واحسه شال هم البيبي الي بيي والمصاريف والاغراض ما ادري

وانا اكيد وايد اشيا بخطري وخاصه اول طفل لي بس لازم اراعي الضروف

والاهم اقوم بالسلامه ويطلع صاحي يارب

وطولت عليج وايد


م عبدالله

انا للحين ماجربت بس ان شاء الله اذا الله كتب وحملت بقول لكم

ادعوا لنا بنات

بس عندي شوية افكار عشان اقول لزوجي واهلي واهله

بخليها لوقتها

بصراحه حزنت كثير لفرس الدوحه الله يفرحك بسلامتك و بشوفة مولودك

ما انا فقصتي قصه طبعا الدوره تاخرت علي بشهر 8 وقلت بس انا حامل وفرحت كثييييييييير اتخيلوا الشهر كله ماجتني ويعنني قدام زوجي اني حامل وقلت خلاص الحمد لله اصوم الشهر كله وما افطر وفي يوم من ايام الشهر وتنزل عاد انا قلت الله لايحييها هذا وقته وكانت ام زوجي تقول لي عادي ان الوحده تتطول وماتحمل مسكينه تبي تهديني مالالومها شافتني ميته عالحمل المهم في شهر 10 انتظرت الدوره وماجت قلت عادي زي شهر 8













وتتاخر














وتتاخر














وتتاخر















قلت لازم اروح احلل حللت وماطلع في حمل طلعت لزوجي وانا محطمه والله يابنات اني احس الدنيا تدور فيني ماني مصدقه بس المضحك ان الجهاز حق المستوصف خربان والممرضه اللي فيه هنديه يوم حطت عينة الدم طق الجهاز وصرخت وسوت تحليل ثاني قالت مافي شي تعالي بعد10 ايام قلت هذا وجهي اذا رجعت لك قلت لزوجي خلنا نروح لمستوصف خاص قال نتستنى شوي استنيت وبعد 10ايام قلت لازم توديني رحت وحللت وقالت الدكتوره مبروك حامل عاد انا واقفه جنبه والتفت علي وهويضحك فرحان وانا دلخه اقول وش قالت ماسمعتها
قال



في





في
والحمد لله هذي قصتي وان شاء الله الله يقومني بالسلامه
وكل الحوامل ويرزق اللي ماحملت قووووووووووووووولووا آآآآآآآآآآآآآآآآآمين

امين يارب يرزق كل من لم تحمل بعد

السلام عليكم ورحمة الله وبركاته
وايد حلو الموضوع مشكوره حبيبتي
المهم انا قصتي مع الحمل كانت اول شي انا انتظرت سنة ونص برغبة مني ومن زوجي وبعدين فكرنا في الحمل ووحشونا اليهال تمينا اربع شهور وما حملت بس عاد اهني قعدت احاتي وصار خاطري في الحمال اكثر بس كل شي في وقته حلو المهم تأخرت الدوره عشرة ايام وكنت تعبانه وكل اعراض الدوره الشهرية جاتني بس وكل يوم اقول بتيني الدوره اليوم او باجر لحد ما نطرت تقريبا 15 يوم واكثر بس عقب قررت احلل بس من غير ما احسس زوجي بأي شي وطبعا للتمويه رحت الجمعيه عشان اشتري قطن للدوره عشان زوجي ما يحس وانا بصراحه كنت حاسه اني حامل رحت وحللت في البيت وطلعت حامل وكانت الساعه 3 الفجر ومن الوناسه قعدت اصيح :confused:ونطرت لين الصبح طبعا ما جاني النوم ذاك اليوم وانا انطر الشمس تطلع واروح اسوي التحليل في المستشفى واتأكد ورحت مع بنت عمت زوجي والحمدالله طلعت حاااااااااااامل وطبعا قلت مثل هالخبر الحلو لازم ماينقال إلا بطريقه حلوه المهم رحنا البيت بسرعه وسوينا سيدي في صورنا في سفرات متعدده وشعر وكلام حلو وفي نهايت السيدي كتبت له هالجمل (خلص العرض اتمنى يكون اعجبك) (بس بقولك سر) ( بيني وبينك) (لاتقوووووووول حق حد) (سررررررررر) (اوكي) (مستعد) المهم من هالعبارات وكل عباره في صفحه واخيرا كتبت له انااااااااااااااا حاااااااااامل مع صوت طفل يضحك وصور أطفال بس تعالو وشوفو تعابير وجهه والاحلى انه كلش ما كان يتوقع وكان هذا اليوم أحلى يوم بصراحه وايد استانسنا وبدا الدلع
تحياتي واسمحولي ع الإطاله بس حبيت اقولكم عن تجربتي

اشكركم على مشاعركم الطيبه

الحمد لله انا الحين بنهاية الشهر السادس وكلها كم يوم واكلمله

والله لايحرم كل محرومه ويرزقها بالذريه الصالحه

:smile:

تسلمين اميرة الورد وكل البناات اي بدا الدلع كملييييييييييييييييييييييييييييي

الدلع اهم شي بالموظوع هههههههههه لا وخااصه انا الحمل تم بعد سنه يعني يا سلام

بنت خالتي اتصلت تبشرني انها واخيرا حااامل عقب انتظار 3 سنين خلص فيهم صبرها الى شوي >>>>>>عاد اختكم بدال ما قول مبروك على طول سطرت الاسئله شقلتيله ردة فعل امه وو...و...خخخخخخخ مسكينه ماصر كلمه قالتهااا



قالت لي اول ما عرفت اني حااامل رحت لاهلي وبشرتهم وتصلت على زوجهاا وسوت معاهاا يعني مو هوشه هاا يدوب زعله رفعت السماعه قالت انا بيت اهلي وزعلانه ولايكون اشوفك مرة ثانيه يويلك من الله جذي تسوي فيني دوب وسكرت السماعه



ايا المسكين وهو قلبه يرقع>>>يمكن حس انها اكتشفت شي ههههههههه بغت تقتلني يوم قلتلهاا جذي

قالها شفيج وستلم عااد ربع ساعه وهو يسئل ويعاتب اهي عقب مانشف ريج الريال ردة علي بكلمة وحدة بس انا حامل






شنو؟؟







عيدي الله يخليج ماسمعت







استاااااااااانس وااايد



الله يهنيهم ويتمم عليهم ويااااااااااارب يرزق الكل الذريه الصالحه






مشكورين بناات على المرور والمشاااركه ماقصرتو والله






بس بعد كملو اكيد في وحدة بعد اكتشفت اهاا حاامل




حياج هني سجلي كل الي صااار

:smile:

انا سويت اختبار حمل في البيت وطلعت حامل اول شئ قلت لعمتي وبعدين دقيت علي زوجي بالتلفون وقتله وستانس وايد وبنفس الوقت قالي من يوم السبت تسوين تحليل بالمختبر تتاكدين فيه واذا طلعتي حامل اوعدك اطلعك المكان الي تبينا وعقبها قلت حق امي وطبعا افرحت وايد وبعدين قلت لامه وهم كانت فرحانه وبدا الكل يهتم فيني ويدللني وعلي الرغم من حملي بس زوجي ما يقدر ويخليني اطبخ وانظف مع اني عندي شغاله ..........الله يسامحه بس نساتي هذي اهون من الي قبلها ما في لوعه بس الاكل الي اشتهيه عقب ما اكله اكرهه وراسي دايما يعورني ........وبس

انا حملت بعد زواجي بسنتين و6 اشهر بالضبط

طبعا الدوره تاخرت علي 4 ايام وامي تحن وتقوللي حللي وانا اقول لها ليش ؟؟ انا مو حاسه بشئ !!

وهي تقول يابنتي حللي يمكن حامل ... انا عاد عشان ما ازعلها قلت لها ان شاء الله بس راح انطر اسبوع بعد عشان يمكن تجي وانا مابي اتعب نفسيتي بالتحليل يمكن مش حامل

نطرت لين صارت الدوره متاخره علي 11 يوم وشريت التحليل وانا متاكده 100 % اني مش حامل لاني قاعده احس بآلام نفس الاام الدورة

رجعت البيت الساعه 8 بالليل بس ماكنت متشجعه اسوي التحليل ... قلت انتظر لين بكره الصبح

وبالفعل ، قطيت التحليل عالطاوله ونمنا وقمت قبل اذان الفجر بنص ساعه

وقبل لا ادخل الحمام يكرم السامع قلت خل اسوي التحليل

اخذته وسويت التحليل ومهملته وقاطته على جنب لاني متاكده انه سالب .... لكن الله يفعل ما يشاء

بعد ما خلصت تكرمون التفت عالتحليل الا خطين بس الثاني افتح من الاول !!

انصدمت !! بققت عيوني عالتحليل اشوف اذا انا اشوفه صج والا متوهمه .... !!! اخليه واغسل وجهي وارد اشوفه ...

لا خطين ينشافون !!

اتصلت على امي الساعه 3 وربع قبل اذان الفجر بربع ساعه وقلت لها يمه ترى طلع لي خطين بس واحد افتح من الثاني

قامت المسكينه تبكي من فرحتها قالت لي اعتقد انتي حامل بس لازم تسوين تحليل دم

سألتني قلتي حق زوجج ؟؟ قلت لها لا هو نايم مابغي اقعده .. هو راح يقوم للصلاه وانا بقوله

قامت تبكي اكثر تقوللي ماشالله عليج عندج صبر عجيب ... وقمنا انا وياها نبجي عالتلفون

المهم قمت اتوضيت وصليت الفجر وسجدت سجدتين شكر لله طبعا هذا كله وانا ابجي

قام زوجي لصلاة الفجر على صوت البكاء ... قام متضايق ودخل الحمام يكرم السامع وانا اصلي

خلصت صلاتي وهو طلع معصب لاني ابجي على باله ابجي لان النتيجه سالبه

طالعني بعصبيه وقاللي : انتي وبعدين معاج ؟؟ قولي الحمد لله على كل حال

جان ارد عليه : الحمد لله على كل حال ، ترى انا حامل !

كان اللي صب عليه ماي بااااااااااااااااااااارد

وقف مكانه جامد ويسأني .. قوللي والله ؟ شلون عرفتي ؟؟

مع ان اليوم اللي قبله شاف تحليل الحمل عندي بس من صدمته نسى :)

قمت وراويته التحليل وقلت له .. لازم نتأكد بتحليل الدم .... قال اصلي والحين نروح

اقول لكم ما صارت الساعه 4 الفجر الا طيران على مستشفى خاص سويت التحليل وطلعت حامل ولله الحمد والمنه والله يرزق جميع الاخوات المحرومات


والحين خاطري اقول لكم شي يابنات

بهالسنيتن كنت اراجع الف دكتوره ... لدرجة ان وحده فيهم قالت لي انتي رحمج صغير ما تحملين الا تاخذين ابر !!

لا تصدقون الدكاتره وايد ... ترى ربج يقول كن ... فيكون

والحمد لله حملت بحبوب التنشيط كلوميد ولله الحمد والمنه

وغير هالشيء والشيء الاول والاساسي اللي انا متأكده اني حملت بسببه هو :

الاستغفار

حبيباتي الاستغفار مهم جدا ، اقسم لكم بالله ان قبل لا احمل ب 3 شهور استغفر بسيد الاستغفار يوميا .... وحملت بكل سهوله ولله الحمد والمنه

تدرون ليش ؟؟

الله سبحانه وتعالى يقول : " فقلت استغفروا ربكم انه كان غفارا ، يرسل السماء عليكم مدرارا ، ويمددكم بأموال وبنين ويجعل لكم جنات ويجعل لكم انهارا " صدق الله العظيم

أما سيد الاستغفار فهو :

اللهم انت ربي لا إله إلا انت سبحانك ، خلقتني وانا عبدك ، وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك علي ، وابوء بذنبي ، فاغفر لي فإنه لا يغفر الذنوب الا انت "

هذا غير أدعية الانبياء وهي

ربي لا تذرني فردا وانت خير الوارثين

رب هب لي من لدنك من الصالحين

ربي هب لي من الصالحين

داوموا عليها يوميا ... وشوفوا الخير اللي بيجيكم من وراها

مع حبي وتحياتي

ماشاء الله عليكم
وتقومون بالسلامه ان شاء الله
الف مبروك:)