هل انا حامل ؟ بقرا ردكم بسرعه بليز

ل

ليلى رمضان

عروس نشيطة

24-07-2005 | 09:27 PM

السلام عليكم ورحمة الله وبركاته
اول شي اخواتي باركولي تزوجت :) وسويت أحلى عرس حلمت فيه وكاني اشتقتلكم وااايد
بس بصراحه عندي استفسار وأكيد كل وحده تقراه راح تضحك علي
بس ياليت لو تعطوني اجابه واضحه للي عندها خبره
انا ليله دخلتي كانت في يوم 7/17 يعني الاسبوع اللي طاف ماشي
ومن يومين وللحين وانا اكتب قاعده احس بشي قااعد على جبدي ماأرجع بس بين وفتره والثانيه معدتي تقرصني وأحس بشي يوقف على بلعومي شوي ويروح
دقيت اليوم على امي وقلتلها جان تضحك علي وتقولي اصلا الحمل مايبين الا بعد
اربعين يوم على الاقل
بس والله ياجماعه للحين أحس بلوعه بس خفيفه
قولولي شنو هذا بس صدقوني السالفه مو سالفه أكل لا عطوني اجابه سريعه قبل لا أروح بيت ريلي وانا حيرانه

ل

ليلى رمضان

عروس نشيطة

24-07-2005 | 10:23 PM

ولا أحد قدر يجاوبني اشدعوه

ع

عيون بوظبي

مشرفة سابقة

24-07-2005 | 10:40 PM

اختي لا تسوين مثلي .. انا من هبلي 3 يوم عرس سويت تحليل منزلي شكيت اني حامل عانيت من نفس اللي فيج :D2

كنت مايطوف اسبوع الا وسويت فحص .. الحمل ما يبين اللا بعد شهر على الأقل ... والله ياكثر ما صرفت على التحاليل اخر شي ياتني الدورة ... :D2 وبعدين قمت نفس الشي اتحرا عمري بحمل بعد الدورة على طول ...

لين ما اتأخرت الدورة يوم واحد بس سويت تحليل وطلعت حامل الحمدلله ... :smile: استحالة انج تعرفين حبيبتي من الحين ... على الأقل اتريي شهر لين موعد دورتج الياية .. والاعراض هذي يمكن بس جي ...من كثر ما تفكرين بالحمل تحسين بأعراضه ... انا كنت نفسج .. لا تستعيلين على عمرج اصبري وقضي شهر عسل حلو :shy: ولا تتلهفين عالحمل وايد لأنه مب زين ..

وان شالله ما اتطولين وتحملين بسرعة

م

ميرة صغيرة

عروس مبدعة

24-07-2005 | 11:10 PM

الصيدلاني حفظ شكلي من كثر ما كنت اشتري اختبار للحمل بعدني توني مخلصه الدوره اسوي اختبار هههههههههههههههههههههه

ما صدقت تعرس يالسه تفكر بالحمل واخيرا رحت للدكتوره وقلت الها كل اسبوع احس بلوعه وصداع وبعد الفحوصات طلع فيني فقر دم

وغازات هي الي مسويه لوعه

من اكل المطاعم

R

RoOoOmy

عروس ماسية

25-07-2005 | 08:32 AM

مثل ما قالوا البنات اختي ليلى

مايبان الحمل بهالسرعة يمكن الوحدة تحس داخليا انها حامل بس النتيجة بعد تأخر موعد الدورة

a

angel eyes

مشرفة سابقة

25-07-2005 | 09:04 AM

هاهاها ضحكتيني....

انا اعرف وحده بعد الدخله يتها حاله لوعه و كله ترجع لمده اسبوع و تحسبت انها حامل :)
يمكن هذي من اعراض فض البكاره لانه في بنات يتعبون و يمرضون بعد الدخول بهن و الله اعلم.....:)

d

dnyailwalah

عروس مبدعة

25-07-2005 | 02:23 PM

انا اعاني من نفس الاحساس الحين من اسبووع او 10 ايام بس انا معرسه من سنه الحين وموعد الدوره 2-8 -
انشاااااااااااااااااااااااءالله

s

s2s2s

عروس مبدعة

25-07-2005 | 05:14 PM

عشان تقطعين الشك باليقين.. سيري الصيدلية واشتري اختبار الحمل وفي دقايق بتعرفين النتيجة
والله يرزقج الذرية الصالحة يااارب

ن

نوووسهUAE

عروس ماسية

25-07-2005 | 06:10 PM

اول شيء مبرووووووووووووووووووك

(كنت اتابع مشكلتك على حفلة العرس)

وان شاء الله تكونين حامل

ع

عسووووله

عروس ماسية

26-07-2005 | 02:02 AM

انتظررررري لموعد الدوره الجاي وان شاء الله
تطلعين حامل وتبشرينا حبيبتي :)

ا

انجي قطر

عروس مشرقة

09-09-2005 | 10:47 AM

لا ياحبيبتي ممكن يكون حمل وانا عرفت حملي اول ماجا وقت الدورة الثانية
بشريني لان ممكن تكون هذي اعراض حمل والله انا صار فيني اللي صار فيج

آ

آآآه

عروس جديدة

11-09-2005 | 01:26 PM

هههههههههههههههه ليش مستعجله!!! :) الله يرزقج الذرية الصالحة و كل المسلمين