حبيبي تغير..

عزيزتي ماريتا

شكرا على مرورج بس منو قال اني ما اهتم بزوجي او بجمالي او نظافتي او ريحتي؟؟؟!!


جوجوجوجو

شكرا حبيبتي ..بس ترك الشغل صعبه شويه :)

hawralain

يزاج الله الف خير على الرد الحلو :)

RoOoOmy_M:


اختي angel eyes

اسمحي لي اقول لك انك غلطانة في شغلات كثير ... اول شي لا تفكرين ان الزوج المفروض يظل مبتسم ومبسوط ويعبر عن حبه عشان انه معرس جديد .. لا تنسين ان الناس مقدرات وانتي بنفسك قلتيها ... يرجع من الدوام الساعة 6 يعني مسكين تعبان ومهدود حيله

بعدين لا تاخذين كلام اللي يقولون لك ان العلاقة الزوجية لازم يكون لها معدل خاصة في بداية الزواج ... الحياة الزوجية مو بس جنس واسمحي لي على الصراحة ... يعني المفروض تكون برغبة من الطرفين مو نحدد جدول ونمشي عليه ... جسم الانسان مو آلة ... تمر علينا ايام نتعب من العمل او مزاجنا مايكون رايق .. بس العاطفة تظل موجودة

بعدين مرتين ثلاث هذا في نظرك مو كثير !! حتى لو كنتوا توكم متزوجين يمكن عنده مشاكل في العمل خلته يقلل من اهتمامه شوي فيك

بس صدقيني انتي عارفته زين وعارفة انه يحبك وأحسن شي انك كاتبة الموضوع حبيبي تغير يعني عارفة ومن قلبك انه يحبك

اختي الحياة الزوجية تختلف بين اي زوجين ... فيه ناس يحسون انهم معاريس في البداية بس وفيه ناس ما شاء الله تبارك الله يستمر هالشعور لفترة أطول والله يدومها على الجميع

بس لا تنسي صعوبات الحياة خاصة لو كان الزواج كلف الزوج مبلغ كبير ويفكر شلون يسدده ...غير هموم العمل والحياة بشكل عام

اختي يمكن عنده مشكلة مع احد اصدقاءه .. اهله .. احد يعز عليه

ويمكن فترة الروتين الطبيعية اللي تمر على الزوجين واللي ماتكون مشروطة بوقت معين

استهدي بالله ... وحاولي تغيرين شوي في روتين حياتكم مثلا اذا انتي ترجعين من الدوام قبله سوي له مفاجأة في نهاية الاسبوع مثلا

يوم الاربعاء حطي له كرت دعوة فيها عزومة على العشا في البيت وانتي سوي البطاقة بلمساتك الخاصة

وارجعي من الدوام بدري وحضري الأكل وجهزي نفسك بشكل متميز ( اذا حبيتي راح اشرح لك على الخاص ) صدقيني راح تكتشفين ان زوجك يحبك مثل أول وأكثر بس انتي حساسة شوي ومتضايقة عشان سالفة الحمل

الله يهنيكم ويهديكم على بعض وكلها يومين وترجعوا مثل قبل وأحسن ويمكن انك معطية الموضوع اكبر من حجمه بسبب الظروف اللي مرت عليك

دمتي بود

وانا من راي راي الاخت العزيزة

على فكرة اول كنت احسب ان الحرمه تتعب في البيت والريال مرتاح لكن لما اشتغلت والحمدلله ارد البيت تعبانه ابا راحه ومابا حد يقولي سوي ولا لاتسوين اول ارتاح بعدين اساعدهم


الله يوفقج حبيبتي ويهنيج ويسخر لج ريلج

وازمه وان شا الله وبتعدي