بنــات الإمارات وخاصة دبي .. ممكن اخذ من وقتكم دقايق ..

وعليكم السلام والرحمه والبركه ...

حياج الله في بلادج ... بتنورين دبي ...

بالنسبه لمحلات فساتين السهرات .... عندج مركز دبي مجابل ستي سنتر .. فيه محل فساتين حلوه ... وبعد عندج محل (لي لي فالي) مب بعيد عن الستي بعد ...

وفيه في مركز (صحارى) في الشارجه محلين فساتين حلوين ...


اما بالنسبه للشنط . .الصراحه ما اعرف :)

وغير المراكز عندج الاسواق الجديمه .. مثل سوق نايف والمنال والوصل .. تلقين عندهم اشياء رخيصه وجيده ..

لجلابيات البيت والسهره والشيل .. سيري سوق عكاظ ..

وللبلس الهندي والقطع الهنديه والاكسسوارات .. سيري سوق (مينا بازار) عقب برجمان ..


اتمنى اكون افدتج ..


تحياتي ...

هلا والله اختي مووون تسلمين يالغلا .. ودبي منورة باهلها ..

لكن عندي استفسار .. محل (لي لي فالي) ممكن تقولين لي وين محله بالضبط ....

وسوق نايف .. هذا كل مانروح دبي امي تسأل عنه تحب الاسواق الشعبية ولاقد مرره رحته .. فاذا ماعليك امر ممكن تقولين لي هو باي شارع وبرضوا سوق عكاظ ..

شكرا لك حبيبتي .. وسوري على الازعاج ..

حياج الله في دبي ... ومنورين بوجوووودكم ان شاء الله .. الاخت العزيزه مون سول ماقصرت ..

ان شاء الله المعلومه توصل صح .... محل لي لي فالي في العماره المقابله لسيتي سنتر لكن يأتي على نفس خط بدايه الشارع الرئيسي او إذا كنتم اتعرفون فندق رحاب للشقق المفروشه بيكون على نفس الخط ...

سوق نايف ياالغاليه .. اذا كنتم بعد اتعرفون وين فندق حياة ريجنسي بتعرفون السوق باشاره مكتوب عليها سوق نايف .... وإن شاء الله ماتضعيون (واذا ماعرفتم اسألوا من اهل الخير وان شاء الله يدلونكم عليه وعلى سوق عكاظ والوصل ومرشد .... يعني هالاسواق ماتعوظ وماشاء الله اهل الخليج بتحصلونهم هناك ...

وعن الفساتين الجاهزه بعد بتحصلينها في مركز المنال بجانب سوق نايف عندهم فساتين راقيه ومذواقه ...

السلام عليكم

سوري داخله عرض

أختي هتان

سوق نايف موقعه في نص السوق

اذا اتعرفين فندق حياة ريجنسي (صوب البحر)
و انتي يايه من فندق حياة ريجنسي عالتقاطع تاخذين سيده ...لا يمين و لا يسار يعني بلاش فهلوة خخخخخخخخ

المهم تاخذين اول التقاطع سيده (تقاطع و انتي يايه من حياة ريجنسي و طبعا في الحالة ريجنسي بيكون على يسارج) تمشين سيييدة بييج بعد ثاني تقاطع اخذيه سيده اول لفة يمين اتييج من بعد التقاطع الثاني لفي يمين بتلاقين زحمة العالم هناك ما عليج اول شي من بعد ما اتلفين يمين بتشوفين مركز صغير على يسارج اسمه (سوق الوصل) سيري سيده بتووصلين مركز المنال (بعد عاليسار) مقابل المنال على طول (يعني على يمينج بيكون سوق نايف)

و اذا تبين سوق عكاظ نفس الشارع اللي فيه سوق نايف و المنال و سوق الوصل تاخذينه سييييييييييده آخر شي بتلاقين السيارات تطلع لجهى اليمين اطلعي معاهم و كملي سيده....بييج تقاطع صغيروووون لا توقفين في التقاطع على طول اخذي يسار و كملي بعدين سييده بييج سوق عكاظ على يمينج داخل السوق و برع بتلقين واااااااااايد أشياء انتي سيري و شوفي




و ارفقت لج مخطط بالموقع ان شاء الله يفيدج


و يا مرحبا فيج في دار الحي


أختج



الخرشة

اهلين الغاليه :)


ماشالله الخوات ما قصرن .. شرحولج المواقع :) انصحج اتسيرين في تكسي .. بيوصلج المكان اللي تبينه على طول :)


تحياتي ..

عروس جميرا ..
الخرشه .. ماشاء الله عليك شرحك كذا :up: تسلمين والله ياقلبي على المخطط .. تعبتك معاي .. يعطيك الف عافية ..
موون ..

ماتقصروون حبايب قلبي .. كفيتوا وفيتوا ... جزاكم الله الف خير .. وان شاء الله نردها لكم اذا جيتوا عندنا ..

مركز يديد الي صور فيه فيديواا كلب راشد الماجد .. أسمه مركاتواا في جميراا

اذا تبين فساتين راقيه سيري بوجاتي بتلقينه في شارع مكتوم
وعندج محل في الميغا مول فساتينهم رووعه رووعه
ومشالله البنات ما قصرو وياج
ومرحبا بج في بلادج عزيزتي

حياج الله في دبي الغاليه

البنات كفوا ووفوا بس حبيت اضيف شي

بالنسبه للشنط التقليد...بتحصلينهم في سوق الكرامه....طبعا بيكون فيه وايد محلات تبيع شنط تقليد بس محلين بس عندهم اللي ما تفرقينهم عن الاصليات و ما يبيعونهم على اي حد ...خاشينهم داخل المحل في اماكن سريه في المحل تقولين سايره تشترين مخدرات :)
وهم خاشينهم لان الشرطه لو مسكوهم بيسكرون المحل و بيصادرون البضاعه لانها طبق الاصل...و ممنوعه...اسم هالمحل (جان فين) و قوليله ابا شنط مو من اللي عندك بالمحل من اللي خاشينهم داخل....و احيانا ما يكون عنده شي لان الشرطه يكونون صادروا كل شي...فانتي و حظج :)

في محل فساتين روعة في مركز الهنا في الطابق الارضي الواجهه اطل على الشارع بس ماذكر شو اسمه فساتين روعة واسعارهم حلوة

عندج بعد في ميغا موا في الشارجة فساتين حلوة

وعن الشنط مثل ماقالوا الخوات ما يبعونها الا بالدسه

لو تمرين الشارجة ولا عجمان بتشوفين اشياء احلى وارخص

ابوظبي ..
me and you.. الميغا مول اول مره اسمع عنه .. هو موجود في دبي ؟؟
angle eyes .. تسلمين عزيزتي على المعلومة .. لانه الشنط التقليد في محل عندنا يجيبها ويبعها على انها اصلية وبالنهاية اكتشفنا انها تقليد ويجيبها من عندكم ..
قنوشة .. الشارقة احتمال امر عليها .. بس عجمان مااتوقع ان شاء الله مرره ثانية ..

ومشكوورين على هالمعلومات .. والله يجزاكم الف خير ..

محل فساتين في مركز الهنا (شارع الضيافة) في الطابق الارضي اسمه (موشكان) و بتحصلين عندهم شنط ماركات (تقليد أصلي)......

اتمنى البنات يفيدونج

العفو أختي هتان

بالتوفيق ان شاء الله

ترانا خوات و كل وحده اتفيد الثانية




أختج


الخرشة

يووووتـــا
الحلوة نعناعه
الخرشة ..

تسلمووون والله .. والله لا يحرمني من تواصلكم ..