قصة ولادتي

السلام عليكم و رحمة الله و بركاته,,

وعدتكم اقول لكم قصة ولادتي و وعد الحر دين..

الله يسلمكم انا دخلت عشر ايام تقريبا من الشهر التاسع و من بدايته كنت امشي.
عندنا بالكويت مجمع كبير و في الطابق الاخير عيادات فا كنت اروح فوق مع زوجي و نمشي..
المهم مع المشي وبعده اتيني آلام خفيفه لا تكاد تذكر..:no:
طبعا انا كنت اراجع في المستوصف طوال فترة الحمل وكنت ابي اولد في مستشفى خاص فا اخذت موعد عند الدكتوره مي يوم الثلاثا الساعه 12
رحت لها لقتني مفتوحه 2 سم و ووسعتني الله يسامحها و قالت لي راح ينزل عليج دم واذا نزل عليج ماي تعالي و اذا ما صار شي تعالي الاربعا بالليل احطج تحت الملاحظه..
عاد طلعت من عندها ونزل علي دم و اشتغلت علي الآلام و صار الاربعا و ما جاني طلق و لانزل ماي.. :sad:
و خفت اروح اتحط لي طلق صناعي فا ظليت بالبيت و ظليت امشي كل يوم لما يوم السبت يأست و ما رحت مشيت..:sad:و نفسيتي كانت تعبانه لان ويهي تغير وايد و انتفخت حييل..
المهم قعدت يوم الاثنين الساعه 6 الصبح و ما فيني النوم و الساعه 7 و نص بدت معاي آلام بطني و ظهري مثل الم الدوره بس اقوى لمدة ثوني و يروح كل خمس دقايق يروح و يرجع و كل مره يزيد الالم و يزيد لما الساعه 9 تقريبا..
طبعا انا كنت نايمه عند اهلي من يوم المراجعه..
و امي كان عندها موعد بالمستشفى قلت لها يما عندي آلام بس انتي روحي موعدج و اذا زاد ادق عليج.. و لما زاد الالم اتصلت على زوجي و جاني لبست و طلعت و الالم كان فظيع لا يحتمل و كنت ابكي منه..
لما وصلت المستشفى فحصتني الدكتوره قالت الحين تمام الحين ولاده 3 سم..
كل هالالم 3 سم :eek2:
المهم دخلوني العمليات تبون تعرفون شصار لما دخلت..!!!(r)
بقولكم بالتفصيل لاني ما لقيت وحده قالت شنو صار لما دخلت العمليات و ذلك للفائده..
لما دخلت عطوني ملابس العمليات و جروني مثل خروف العيد الى المسلخ قصدي الى غرفة..:D2
و عطوني الحقنه الشرجيه الي تسهل البطن و مفعولها مثل مفعول الخروع..وقالت لي الممرضه انها تنزل راس البيبي تحت و ما ادري مدى صحة كلامها..:think:
بعدها خذوني على غرفة ثانيه فيها سرير عليه مثل حزامين نمت على الحزامين و لفوهم حوالين بطني و بديت اسمع صوت نبض اتوقع نبضات البيبي..
وامام السرير كان في ساعه معلقه على الحائط و كان الوقت 10 و ربع صباحا واستمرت اللآلام في تزايد و عطوني الكمام و كنت انام و اصحى لكن كنت احس بالالم..

و جبت " خالد" بفضل الله و رحمته الساعه 1 و عشر دقائق ظهرا.. :smile: