أقدم لكم حلى السينابون
توتة الأمورة ,, طلبته مني وانا تاخرت لان ما ابي اعطيها طريقه من الروتي او الصامولي ,, انا ابي عجينه تضبط معاي
والحمد الله هذي اضبطت والتجربه والصور خير دليل
المقادير :
نصف فنجان سكر
1 ملعقة اكل خميرة فورية
1 كاس ماي دافئ
رشة ملح
1 كاس دقيق
الطريقه : تخلط هذه المقادير مع بعض وتترك لمدة 10 دقائق
بعد العشر دقائق يضاف لها
1 ونص كاس دقيق ربع كاس زيت
وتعجن جيدا ونفردها ونخليها على شكل طولي ونضع القرفه مع السكر المطحون والمكسرات (جوز )
ونطويها على شكل اسطواني ونقطهعا على شكل حلقات بس لا تقطعينها كبار بتخترب عليك قطعيها على حجم متوسط يعني تقريبا
سانتي ونص
ونضعها بالصينيه ونتركها 15 ]دقيقه وبعدها ندخلها الفرن
بس لا زم الفرن يكون مشتغل من قبل
ونتركه على درجه 300 لين نشوفه احمر شوي من تحت ,, وبعدين نشغلها من فوق بس عشان يكتسب لون الاحمرار ,,
طريقة السوس :
السوس الحالي :
نصف علبة حليب مركز + 3 حبات جبن كيري .. نخلطهم بالخلاط ونتركه جانبا ..
السوس الجبني :
ملعقتين طعام جبنة فيلادلفيا + 40 جرام زبده غير مملحة + استكانة شاي سكر مطحون + روح الليمون + روح الفانيليا
الطريقة :
نخفق الزبده مع الجبن حتي يصبح هشا مثل الكريمه ,, ثم نضع السكر المطحون عن دفعتين ونستمر بالخفق ثم نضيف
روح الليمون نصف ملعقة شاي + روح الفانيلة قطرات فقط ,,
ويوضع في طبق جانبي
ويقدم على حسب الرغبة ,, بالسوس الجبني او الحالي ,,
ويقدم وهو ساخن وصحتين وهنا ,, وانا اعتمدت هذه الطريقه عندي لانها الذ واحلى وحده وسهله جدا ,,
هذي الصور توضح لنا مراحل انتفاخ السينابون ..
ويقدم ....
وصحتين على قلبكم انتظر تجربتكم لها ,,