ساعدوني ما بقى شي :(

السلام عليكم ورحمة الله وبركاته
فكرتي حبيبتي هي كاسات العصير للعروس والعريس ....................
في كاسات جديده كبيره مره وداخلها كاس العصير الاتشرب منه العروسه ............
والكاسه الكبيره : هذه فيها ماء وسمك يعني كان الكاس حق العصير في حوض سمك وانا شفتها عندنا في السعوديه منتشره في الافراح.................

بالمبارك وعساها دايمة الافراح

اختي ممكن تخلي مركز زهور ينسق لك باقة راقية معاها هدية حلوة ويرسلها لها القاعة اثناء تواجدها فيها ولا تنسين تكتبي في البطاقة الساعة والتاريخ علشان على طول تتذكر انج هديتيها في وقت الفرح

بالمبارك وعساها دايمة الافراح

اختي ممكن تخلي مركز زهور ينسق لك باقة راقية معاها هدية حلوة ويرسلها لها القاعة اثناء تواجدها فيها ولا تنسين تكتبي في البطاقة الساعة والتاريخ علشان على طول تتذكر انج هديتيها في وقت الفرح

او ممكن تخلي احد او شاعر يكتب فيها شعر وتشغلونه في وسط الفرح او في وقت الزفة ويكون من ضمن الشعر ان هذا الشعر هو هدية منج لها ...اقصد يقولها الشاعر بطريقة غير مباشرة بس السامع يفهم انه هدية منج

انا بقولك شسويت في عرسي و ان شاء الله تعجبك الفكره

سويت 4 فراشات عند محل ديكور من فلين ( ممكن تسوينها انتي في البيت أي شكل تبينه ) و كان الفراشه حامله كيس هذا الكيس فيه فتحه مقفله مربوط فيها خيط اول ماينشد الخيط ينفتح الكيس و ينزل منه اوراق زينه لماعه او بالونات صغيره هذي الفراشات وزعتها على طول الممر اللي كنا بنمشي عليه

الفكره الثانيه
شفتي اعمده البالونات اللي يسونها حق غرف الولادات , انا سويت عمودين من البالونات و حطيت بينهم طاوله الكيكه فكانت الكيكه واضحه بالنسبه للجميع و شكلها من بعيد كان وايد حلو

الفكره الثالثه
شفتي القاري اللي يقدمون عليه الاكل ( مثل عربه ولها تايرات مادري فهمتيني ولالا) هذا شريت واحد و وديته زينوه لي بالورود و حطيت عليه التوزيعات اللي انا كنت مسويتها و حطوه عالمسرح من الجهه الثانيه للكيكه فكان المسرح وايد حلو مع الاشياء المصفوفه عليه

اخر فكره انا سويتها حق بطاقات الدعوه و هذي كانت فكره جنونيه حتى الكل كان يضحك عليي عاللي كنت بسويه بس يوم وزعنا البطاقات الكل استغرب عشانها كانت شي جديد اول مره احد يسويه يمكن و جدا كنت مستانسه ان بطاقاتي كانت فكرتها جديده .. لو انتو لحين ماطبعتو البطاقات وتبون فكره جديده علميني عالخاص عشان يمكن اضيع الموضوع او انسى
:)

ودي اساعدج الغالية... بس مادري..

ممكن تفاجئينها بشي حلو.. اول ماتوصل الكوشة... وتيلس على الكرسي..
سوي حركه حلوة.. تستغرب منها بنت خالتج.. شي غريب.. ولا حد فكر فيه.. ولا حتى بنت خالتج اتخيلت انج تسوين لها هالحركه..

شوفي شي تحبه.. وكانت تتمناه.. او تتمنى تشتريه.. ونسته .. او ماكان في وقت تشتريته...

يمكن تكون الصورة وضحت شوي..

تحياتي لج

مشكروين خواتي على ردوردكم ..

عيبتني فكره الشعر بس منو بيكتبه ومنو بيلقيه احس وايد صعبه ..


اللي اباه شي يستوي جدام الناس كلها مثل ما قالت اختي خواطر شي تتفاجئ فيه ويونسها بس ما اعرف شو هو :( ..

الهدايا وباقه الورد حلوه وبهديها بس قبل العرس ..

ابا حركه نسويها انا والشله .. ادري بتعبكم بس ابا افكار زياده واكيد غيري بيستفيدون منها ..

اكتبي قصيد و القيها الصراحه عمرها ما بتنسى و حاولي في القصيد ايكون اسمها و اسم المعرس

بعد ما تركب على الكوشة

جهزي قبل صندوق فيه ورد مجفف ومصحف وشمعة بالنص عاد خذي لج جاهز ونسقيع عند محل ورد

واطلبي أغنيه أو نشيده تحبها

ودخلي بها عليها وشوفي كيف بتفرح بها

افاكاركم حلوه ولكن نطمع بالمزيد من الافكار،،