السلام عليكم... ييتكم مرة ثانية ....
شسوي مالي غنى عنكم :cool2:
حبيباتي ... انا يوم سرت اركب اللولب ... طبعا الدكتورة اول شي فحصت علي ... وقالت لي كل شي فيج زي الفل ... بس ......
قالت لي رحمي مقلوب .. :eek2: انا هني بققت عيوني شرات اخونا الكريم هذا :eek:
قلت لها كيف ومن متى .. قالت لي ما اعرف بس الرحم عندج مقلوب ... قلت لها عيل كيف حملت .. قالت لي عادي يصير الحمل مع الرحم المقلوب لأن 30% من الحريم رحمهم مقلوب ويمكن انا هالشي فيني خلقة واكون وحدة منهم ...
طبعاُ انا مصعوقة .. قالت لي عادي لا تخافين ما فيها شي ... بس قالت لي نامي على بطنج ومافي وسيلة يتعدل منها الرحم اللا بعد الولادة الثانية يمكن هذا انا نمت على بطني على طول ...
سوت لي صورة وفعلاُ يبين مقلوب .. يعني شي تعاليم الرحم عندي مييييييح :D2 وقالت لي مب تسيرين عند هذيل الي يمسحون ومادري شو يسوون لأن هالشي غلط .. لأنهم مهما كان ما بيمسكون منطقة الرحم ابد يوصلون بس للمثانة ..
الحين انا كيف اقدر ارده مكانه ؟؟ وشو آثاره الجانبية ؟؟ وغير جي انا دووووم احس بألم في اسفل الظهر الم فظيع بعد وشوي تلبكات عندي اسفل البطن ... واتوقع انه منه انتوا شو رايكم ؟؟؟
دلوني الله يخليكم ...
قالت لي مقلوب اونه .. تصدقونها انتوا...خبروني شسوي ؟؟
ع
21-07-2005 | 10:57 PM
ع
21-07-2005 | 11:08 PM
والله شاقول لج اللي اجوفه واسمعه ان الوحده تمترخ اذا كان رحمها مقلوب والله اعلممممم.
ح
21-07-2005 | 11:49 PM
السلام عليكم ورحمة الله وبركاته
اختى الف سلامه عليك
الموضوع ده بيفيدك ان شاء الله
OoOمـيــــــــل الــــرحـــــــــــمOoO
والف سلامه عليك اختى
حبـــيبـــــــــه ,,,
ع
22-07-2005 | 12:33 AM
التمريخ عسولة حبيبتي ما اعرف حد يسوويه في الامارات .. :down: وغير جي الدكتورة قالت لي هالشي غلط لأن مهما صار هم ما يوصلون للرحم ... لأنه داخلي ... المثانة الي يقدرون يمسكونها ...
حبيبة يزاج ربي كل خير ماشالله موضوع قيم :up: بس خوفني والله وايد :sad: يعني فعلاً انا اعاني من هالأعراض الي ذكرتيها كلها ... والله مادري شسوي ... وخايفة انه يكون فيه جراحة في السالفة او شي من الي قريته ...
باجر ان شالله يمكن ارد مستشفى الكورنيش واشوف شو بسوي ...
حبيبة يزاج ربي كل خير ماشالله موضوع قيم :up: بس خوفني والله وايد :sad: يعني فعلاً انا اعاني من هالأعراض الي ذكرتيها كلها ... والله مادري شسوي ... وخايفة انه يكون فيه جراحة في السالفة او شي من الي قريته ...
باجر ان شالله يمكن ارد مستشفى الكورنيش واشوف شو بسوي ...
ب
22-07-2005 | 01:19 AM
[glow1=0033FF]انا سمعت ان الي تمرخ هي تعدل الرحم المقلوب وفي وحده اعرفها راحت وعدلت لها الرحم وحملت
ولاتخافين في ناس وايد ينقلب عندهم الرحم على حسب طريقه الجماع
وان شاء الله ماعليج شر[/glow1]
ولاتخافين في ناس وايد ينقلب عندهم الرحم على حسب طريقه الجماع
وان شاء الله ماعليج شر[/glow1]
ي
22-07-2005 | 06:21 AM
اختي آنا نفسج من كم يوم بس اكتشفت ان رحمي مايل للخلف....انصدمت وعلى كلام الدكتو ران هذا مالة شغل بالحمل طبيعي..زلان سبق لي وحملت....بس الحين صار لي سنتين ابي احمل ولاني قادرة ....لما رحت للدكتور قال ان رحمي مايل للخلف...ثلث نساء العالم رحمهم مايل للخلف والثلثين مايل للامام....وسمعت ان لازم في وضعيات معينة للجماع علشان اقدر احمل....وبصراحة ماعندي اي خلفية عن هذي الطرق....اللي تعرفتفيدنا....واشاركج الهم اختي للحين مصدومة من يوم عرفت.....ان رحمي مايل ....وشالسوات؟ الله اعلم
ع
22-07-2005 | 11:51 AM
مشكورات خواتي على الردود ....
اختي ياناعم العود ... انتي عند الرحم مايل لكن انا رحمي مجلوب ... يعني الراس صاير فوق .. معكوس حاله ...
وقلت لكم الدكتورة شو قالت عن الي تتمرخ .....
انزين منو تعرف في بوظبي وحدة تمرخ ؟
اختي ياناعم العود ... انتي عند الرحم مايل لكن انا رحمي مجلوب ... يعني الراس صاير فوق .. معكوس حاله ...
وقلت لكم الدكتورة شو قالت عن الي تتمرخ .....
انزين منو تعرف في بوظبي وحدة تمرخ ؟
ج
22-07-2005 | 12:14 PM
الله يساعدج ويفرّج عنج.. اللهم آمين
ط
22-07-2005 | 05:39 PM
سلامتك ياعيون ماتشوفين شر
ع
22-07-2005 | 09:51 PM
الله يسلمكم من الشر ..
تسلموون حبيباتي الله لا يبليكم
تسلموون حبيباتي الله لا يبليكم