من كما يوم سويت الاقماع بعجينه رهيبه احلى عجينه سويتها بصارحه لاتفوتكم وانا شفتها في احدى المواقع واعجبتني بصراحه وخاصه انه الكل اعجبته العجينه وسوا عليها كل الفطاير لانها تنتفخ وطريه وخفيفه وسهله
الحين باحط لكم الرساله الاصليه للبنت عيون حزينه وشوفوها
الرسالة الأصلية كتبت بواسطة عــ حزينة ــيون »
أنا بكتب عن تجربتي لعجينة شمس وفيافي نجد ( عجينة العشر دقائق ) في نفس الوقت --- العجينة تصير ممتااااازة
هذي مقادير عجينة شمس الله يجزاها خير
- كأس حليب بودرة
- كأسان ماء دافئ
- ملعقتان طعام حميرة فورية
- نصف كأس زيت
- مقدار فنجان قهوة سكر
- ملعقة شاي ملح
- ملعقة كبيرة B.p
- 4كاسات دقيق
إيش سويييييت؟؟؟
استخدمت مقادير عجينة شمس وطريقة فيافي نجد مع بعض الإضافات كالآتي:
1- أذوب 1 كوب حليب بودرة في 2 كوب ماء مع 1/4 2 ملعقة أكل خميرة فورية وأتركها 5 دقايق
2 - أضيف عليها 2 كوب دقيق ( ممكن كويتي)+ 2 فنجان سكر + 1 ملعقة صغيرة ملح وأخلط وأتركها 10 دقايق
3- أضيف باقي الدقيق ( فاخر)+ 1 ملعقة أكل مليانه بايكنج باودر + 2/1 كوب زيت وأعجن وأزيد دقيق حسب الحاجة ( بتكون العجينة قاسية شوية لكن بعد الخبز بتصير طرية)
4- أفردها وأشكلها وأتركها 5 دقايق قبل الخبز -- وأدخلها فرن حامي ولما ترتفع أحمرها من فوق--- وبس
والله يجزي شمس وفيافي نجد كل خير
وهذي الصور
هاذي عجينه العشر دقايق
العجينه للاخت شمس والطريقه لاخت فيافي نجد والاخت عيون حزينه ادمجتهم مع بعض وطلعت منها بعجينه حلوووه وسهله الاستخدام
وانا استخدمت طحين رقم 1 وسويت نفس اللي سوته عيون حزينه وطلعت عجينه رهييييييبه وانا قمت ازيد طحين وزيت لين ماوصلت للعجينه الخفيفه واللينه وسهله التشكيل
وانتوا زيدوا طحين لين ماتكون العجينه متماسكه
وسويت منها الاقماع وهاي الصوره
معليش اللي على اليسار شويه احترق لووول وانا حشيت نصها بخلطه دياي ونصها بخلطه بيتزا ونصها بلبنه والزعتر
جربوه بنات والله عجينه رهيبه واشكر هم كللل البنات
[/frame]
