= اهذا هو الحمل =

بسم الله الرحمن الرحيم
السلام عليكم ورحمة الله وبركاته..


هلا خواتي.. انا متزوجة صارلي خمسة شهور ولله الحمد..

والدورة كانت منتظمة.. ولكن مر يومين واليوم هو الثالث على تأخر الدورة الشهرية..وفي وقت اللي كانت الدورة لازم تنزل يعني قبل ثلاث ايام حسيت انها بتنزل وخذت بندول.. ودورت العسل (احتياطاتي للدورة) لاني وايد اتعب..

وانا من ما خلصت آخر دورة وانا في تعب ونعاس وكسل دااائم .. وصرت أكوووولة جداً!! زاد وزني بشكل ملحوظ.. فقلت يمكن هذا أخر الدورة!!

والشيء الثاني.. طلعت في جسمي حبوب حمراء في يدي وفي بطني وظهري ووجهي!!

والحين احس بآلام الدورة فترة وفترة تروح.. ورغبة دائمة بالاخراج..

افيدوني بحالتي.. وهل تنصحوني اروح المستشفى.. لاني مرات اوسوس واقول يمكن فيني مرض ولا شي :( الله يعافيني ويعافيكم يارب..

ولكم مني خالص التحية

أختكم في الله
عروس الجنة