احمرار منطقة الحفاظ ؟؟؟

في كريم اختي اسمه سودو كريم ينباع في الجمعيات غطاه رمادي جربيه وايد اوكي

حبيتي كريم سودو كريم وايد زين و خالي من الكورتيزون و انا احطه حق بنتي مرتين في اليوم
و احاول اخليها مرة وحدة على الاقل لو ربع ساعه او 10 دقايق بدون البامبرز

انا صار لبنتي قبل فترة و رحت الطبيب قال لازم تغسلينها وتبدلين الحفاظه على طول لا تخلينها فترة طويله تلتهب

و مو شرط بامبرز تستعملينه لانه مقاطعه شركه يهوديه

استعملي بامبي وايد زين كيسه ازرق انا اخذه لبنتي من اول ما ولدت وايد زين

رخيص وكويس :)

حبيبتي انا كنت استخدم سيباميد مكتوب عليه كريم علاجي وااااااايد زين كل ما اتغيرين البيمبرس حطي منه وما له اثااااااااااار وان شاء اللع تستفيد بنتج

شكرنا حبيباتي على الرد
اختي طلوع الفجر وjami
انا استخدمت صودا كريم الرمادي بس حسيت انه يزيدها احمرار .. للعلم انا استخدمة من وهي عمرها 3 اشهر .. بس مافي فايدة ..
و في احد نصحني اني استعمل كريم الهيمالايا .. للحفاظ بس استخدمتة و زاد الاحمرار و بدى يطلع لها طفح جلدي .. ما عارفة شو اعمل لها بس اظني الحل الوحيد اني اعمل مثل ما قالت الاخت العيمية و اجرب السيباميد .. وعسى خير

و تسلمولي على الرد

حبيبتي اختي تستخدم لولدها نوعيه ما اعرف شو اسمها بس مرتاحه منه وايد بسألها و ان شاء الله برد لج خبر

ما جربتي جونسن

يمكن مايناسبهابامبرز فغيريلها الحفاظة انا عيالي مايناسبهم البامبرز يسبب لهم

التهابات فاستعمل هجيز مرة ممتاز

انصحج بسودو كريم sudo cream ما ادري اذا هو صودا كريم ولا لا..
بس هو واااايد زين وبتلاحظين الفرق من اول استخدام.

في يهال وايد ما يناسبهم البامبرز

و اول ما توسخ غيري لها الحفاظه لا تخلينها تتحسس

جربي كريم جونسن لمنطقة الحفاظ يمدحونه

السلام عليكم ورحمة الله وبركاته

فعلا أختي...ممكن بامبرز يسبب لها حساسية...لذلك بلاش بامبرز...بامبي حلو جدا...

فيه كريم للحفاض...الماني ...هذا شكله...إسمه Bubchen...من أول ما إنولدت بنتي أستعمله لها...روعة...يخلي المنطقة بيضاء و ناعمة..لأنه مصنوع من العسل...

هلا اختي
مشكلتش مثل مشكلتي احمرار لدرجه كبيرة وتشققات
ماخليت صيدلية ولا دكتور الا رحتة واغلب انواع الكريمات جربتها بس مافي فايدة يزيد
وبعدين رحت الى دكتور في مستوصف ونصحني باني اسنخذم كريمين مكس
الاول اسمة ميكوستات (مرهم) انتبهي لان في مرهم وكريم وبعد ماتحطين الاول حطي فوفة الثاني الي هو كورتيديوم وهذا لونة ابيض وفيه خط بنفسجي
وانصحش اذا كانت مشكلة الاحمرار منذ فترة طويلة بتغير الحقاض الى هجيز من نوع فريدوم يمكن سعره اغلى من البافي بس في نظري الافضل

تحياتي

ما في احسن من زيت الزيتون وخليه اشوي من دون بمبرز عشان تتهوى المنطقه

عن تجربه اختي يمكن هاي الكريمات زينه للحفاظ اذا ما صار التهاب لكن اذا صار التهاب انصحك والله وانا مجربه وشوفي راح تدعين لي والله قلبي يعورني على الاطفال مساكين من الطفح فأسمعي نصيحتي مالك الا زيت جوز الهند واجد مفيد وشوفي اشلون المنطقه بتجف زودي اليومين الاولى

انصحج بكريم vasogen يناسب جميع البشرات ... وكل الدكاترة نصحوني فيه

ولدي كانت منطقه الحفاظ عنده فظيعه .. رهيبه .. شي مستحيل .. ومن استخدمتله هالكريم ثاني يوم راح كل شي الحمدلله

أختي مثل ماقلت لج اختي بجعه استخدمي هالكريم vasogen .... بترتاح بنتج منه وبيختفي الاحمــرار ان شا ءالله ,,,

لانه بالفعل كريم ممتاز للاحمرار ...

بس بالاول

شفتي هالكريمااات اللي ذكرنهن اخواتي الكريمات في موضوعج , كلهن استخدمتهن حق بنتي .... وانصحج انج تبتعدين عن كريم

سوداا .. لانه يوم كنت احطها حق بنتي يزيد الاحمرار عليها بشكل فظييييع ... والحمدلله ودعنا الاحرار من زمان ....


شوفي حبيبتي ان كان الاحمرار وااايد .. خذي كريم ( كينا كومب ) من الصيدلية .. وحطيه لبنتج مرتين في اليوم ولا تكثرين وايد

منه .... بس مسحه ... لمدة يومين وبتلاحظين الاحمرار يخف بنسبة 60% .... وبعدين تمي استعملي لها كريم vasogen كوقاية من

الاحمرار ...


وان شاء الله راح تودعينه الاحمرار في بنتج ... ويخليها لج ان شاء الله ..

مشكورات حبيباتي على الرد ..

انا الحمد لله و بعد المعاناه الي عانيتها مع الاحمرار الي صار لبنتي .. حليت مشكلتها ..

وديتها عند الطبيب لاني من كثر ما اجرب فيها .. خفت صراحة عليها .. بس ها المره وديتها عند طبيب الاطفال ..و عطاني كريمين

الاول اهو Travocort Cream ولونه العلبه ابيض و فيها خط برتقالي .. و هذه استخدمته لمدة 3 ايام 3 مرات وبعدين يعني 4 ايام بس مرتين ..
و في الاسبوع الثاني استخدمت الكريم الثاني الي هو Daktacort وهذه بس مرتين في الاسبوع ..و الحمد لله الحين انا في الاسبوع الثالث و كل شي تمام التمام .. بس اظني بستخدم ال vasogen للوقايه من الاحمرار مثل ماقلوا الاخوات

ومشكورات حبيباتي على الرد ,,

ودمتم سالمين

بصراحه جربت كريمات وزيوت من المستشفى والصيدليات مثل كريم سودو مافي..

كريم السودا يستخدم عند تغيير كل حفاظ .. لكن إذا كان احمرا يجب المعالجه بالمراهم ..

على فكره يمكن يكون الاحمرار بسبب اسهال عنده فبيظل الاحمرار حتى يخف الاسهال ..